24-Dec-2023

ଆଗଲପୁର, (ପ୍ରେରଣା ଖବର) ଗିରିଧାରୀ କଲେଜ ରେ ନୂଆ ଓଡ଼ିଶା ଯୁବ ଓଡ଼ିଶା କାର୍ଯ୍ୟକ୍ରମ ର ଉଦଯାପନୀ ଉତ୍ସବ  ଅନୁଷ୍ଠିତ ହୋଇ ଯାଇଛି l ଏହି ଉତ୍ସବରେ ମୁଖ୍ୟ ଅତିଥି ଭାବେ ହସ୍ତତନ୍ତ୍ର ଓ ବୟନ ଶିଳ୍ପମନ୍ତ୍ରୀ ରିତା ସାହୁ ଯୋଗ ଦେଇଥିଲେ l ସମ୍ମାନିତ ଅତିଥି ଭାବେ ଓଡ଼ିଶା ବିକାଶ ପରିଷଦ ସଦସ୍ୟ ନାରାୟଣ ସାହୁ , ଗାଇସିଲେଟ ବ୍ଲକ ଅଧ୍ୟକ୍ଷ ପ୍ରଣୟ କୁମାର ସାହୁ , ଜିଲ୍ଲା ପରିଷଦ ସଦସ୍ୟା ଶ୍ରୀମତି ଝରଣା ପାଣିଗ୍ରାହୀ, ଏମ.ପି. ନୋମିନୀ ପ୍ରବୀଣ ପାଣିଗ୍ରାହୀ, ସମାଜ ସେବୀ ରଞ୍ଜନ ପଣ୍ଡା , ଗାଇସିଲେଟ ସରପଞ୍ଚ ଶରତ କାଲୋ ଯୋଗ ଦେଇଥିଲେ l କଲେଜ ଅଧ୍ୟକ୍ଷ ଶ୍ରୀଯୁକ୍ତ ଉଚ୍ଚାଟ ନନ୍ଦ ମହାକୁର ଙ୍କ ଅଧ୍ୟକ୍ଷତାରେ ଏହି ଉଦଯାପନୀ ସଭା ଅନୁଷ୍ଠିତ ହୋଇ ଥିଲା l ପ୍ରଥମେ ଅତିଥିଙ୍କୁ ପୁଷ୍ପଗୁଚ୍ଛ ଓ ଉପଢୌକନ ଦେଇ ସ୍ବାଗତ ସହ ମଂଚାସୀନ କରା ଯାଇଥିଲା l ପ୍ରଥମେ  ଗଣେଷ ଓ ସରସ୍ଵତୀ ମୂର୍ତ୍ତି ରେ ଦ୍ଵୀପ ପ୍ରଜ୍ଜଳନ କରାଯାଇ ସଭା କାର୍ଯ ଆରମ୍ଭ କରାଗଲା l

ସଭା କାର୍ଯ୍ୟ ଆରମ୍ଭ ପୂର୍ବରୁ ଛାତ୍ରୀ ମାନଂକ ଦ୍ଵାରା ସ୍ୱାଗତ ସଙ୍ଗୀତ ଗାନ କରା ଯାଇଥିଲା l ଏହା ପରେ ଅଧ୍ୟାପକ ଶ୍ରୀ ରମଣୀ ରଂଜନ ପଧାନ ଅତିଥି ପରିଚୟ ପ୍ରଦାନ କରିଥିଲେ ଓ  ନୋଡାଲ ଅଧିକାରୀ ଭୀମସେନ ଦାସ ସଭା ପରିଚାଳନା କରିବା ସହ ଉଚ୍ଚ ମାଧ୍ୟମିକ ବିଦ୍ୟାଳୟ ର ବିବରଣୀ ପାଠ କରିଥିଲେ l ଅତିଥି ମାନେ ଯୁବ ଓଡ଼ିଶା ନବୀନ ଓଡ଼ିଶା କାର୍ଯ୍ୟକ୍ରମ ବିଷୟରେ ନିଜ ନିଜ ମତ ପ୍ରକାଶ କରିଥିଲେ । ଏହି କାର୍ଯ୍ୟକ୍ରମ ଉପଲକ୍ଷେ ଦୀର୍ଘ ୮ ଦିନ ଧରି ସାଂସ୍କୃତିକ କାର୍ଯକ୍ରମ ଅନୁଷ୍ଠିତ ହୋଇଥିଲା l ଏହି ସାଂସ୍କୃତିକ କାର୍ଯକ୍ରମ କୁ ଶ୍ରୀ କୁମୁଦ ଚନ୍ଦ୍ର ନାୟକ ପରିଚାଳନା କରିଥିଲେ l ଏହି କାର୍ଯ୍ୟ କ୍ରମରେ କ୍ରୀଡ଼ା ପ୍ରତିଯୋଗିତା କରାଯାଇଥିଲା l ଏଥିରେ କୃତିତ୍ୱ ଲାଭ କରି ଥିବା ଛାତ୍ର ଛାତ୍ରୀ ଙ୍କୁ ଅତିଥି ମାନେ ପୁରସ୍କୃତ କରିଥିଲେ ।କଲେଜ ର ଅଧ୍ୟକ୍ଷ ଉଚ୍ଚାଟ ନନ୍ଦ ମହାକୁର ଙ୍କ ତତ୍ତ୍ଵାବଧାନରେ ସମସ୍ତ କାର୍ଯ ସମ୍ପାଦନା କରାଯାଇଥିଲା । ତା ସଙ୍ଗେ ସଙ୍ଗେ ଉଚ୍ଚ ମାଧ୍ୟମିକ ବିଦ୍ୟାଳୟ ର ଶ୍ରୀ ଟଙ୍କଧର ପଧାନ,ଈଶ୍ୱର ଭୋଇ , ଭୀମସେନ ଦାସ , ରମଣୀ ରଂଜନ ପଧାନ ପ୍ରଭୃତି ଅଧ୍ୟାପକ ବୃନ୍ଦ ଓ ଅଣ କର୍ମଚାରି ବୃନ୍ଦ ପୁର୍ଣ୍ଣ ସହଯୋଗ କରିଥିଲେ। ସଭା କାର୍ଯ ଶେଷ ପରେ ରଙ୍ଗାରଙ୍ଗ ସାଂସ୍କୃତିକ କାର୍ଯକ୍ରମ ଅନୁଷ୍ଠିତ ହୋଇଥିଲା l ଛାତ୍ର ଛାତ୍ରୀ ମାନେ ଅତି ଚମତ୍କାର ଭାବରେ ନୃତ୍ୟ ଗୀତ ପରିବେଷଣ କରି ନିଜ ନିଜ କଳା ର ଯାଦୁ ଦେଖାଇଥିଲେ।ଶେଷରେ ମୁଖ୍ୟ ଅତିଥି ଶ୍ରୀମତି ରୀତା ସାହୁ କୃତି ପ୍ରତିଯୋଗୀଙ୍କୁ ମାନପତ୍ର ଓ ଟ୍ରଫି ପ୍ରଦାନ କରି ଉତ୍ସାହିତ କରିଥିଲେ। ଏପରି କାର୍ଯକ୍ରମ ହେବାଦ୍ବାରା ଛାତ୍ରଛାତ୍ରୀ ଙ୍କ ଅନ୍ତର୍ନିହିତ ଶକ୍ତିର ବିକାଶ ହୋଇପାରିବ ବୋଲି ଅତିଥି ମାନେ ମତବ୍ୟକ୍ତ କରିଥିଲେ l