23-Dec-2023

ହରଭଙ୍ଗା (ଦୁର୍ଯ୍ଯୋଧନ ବିଶି ) ଗତ ୧୯ରୁ ହରଭଙ୍ଗା ବ୍ଲକରେ ଧାନକିଣା ଆରମ୍ଭ ହୋଇଛି ।ଚଳିତ ବର୍ଷ ଖରିପ ଧାନ ସଂଗ୍ରହ ପ୍ରାରମ୍ଭରୁ ହରଭଙ୍ଗା ବ୍ଲକରେ ଧାନ କିଣାରେ ବିଭ୍ରାଟ ଦେଖା ଦେଇଛି ।ମଣ୍ଡିରେ ଧାନ କଟ୍‌ନିଛଟ୍‌ନି ଯୋଗୁ ଚାଷୀ ଅସନ୍ତୋଷ ବ୍‌ୃଦ୍ଧି ପାଉଥିବା ବେଳେ । ମିଲର୍ସ ଏହାର ପୁରା ଫାଇଦା ନେଉଛନ୍ତି । । ଚାଷୀ ଅନ୍ୟଉପାୟ ନପାଇ  କଟ୍ନି ଛନ୍ନି ପାଇଁ ବାଧ୍ୟ ହେଉଛନ୍ତି ।ଏଭଳି ଏକ ଘଟଣା ଦେଖିବାକୁ ମିଳିଛି ସାମ୍ପୋଚ ସୋସାଇଟିରେ । ଗତ କାଲି ସାମ୍ପଚ ସୋସାଇଟିରେ ଧାନକ୍ରୟ ଶୁଭାରମ୍ଭ ହୋଇଥିଲା କିନ୍ତୁ କଟ୍‌ନି ଛଟ୍‌ନିଟୁ ନେଇ ଚାଷୀ ଏବଂ ମିଲର୍ସଙ୍କ ମଧ୍ୟରେ ତୁତୁ ମେଁମେଁ ହୋଇଥିବା ଦେଖିବାକୁ ମିଳିଥିଲା ।ଏହା ଫଳରେ ଦୀର୍ଘ ୨୪ଘ. ଧାନ ମଣ୍ଡିରେ ପଡିରହିଥିଲା ।ଶେଷରେ ଚାଷୀ ଏବଂ ମିଲର୍ସଙ୍କ ମଧ୍ୟରେ ବୁଝାମଣା ପରେ  ଅଢେଇ କେଜି କଟ୍‌ନି ପରେ ଆଜି ଧାନ ମଣ୍ଡିରୁ ଉଠିଥିଲା ।