22-Dec-2023

ବଲାଙ୍ଗିର, (ପ୍ରେରଣା ଖବର) ବଲାଙ୍ଗୀର ଜିଲ୍ଲା ଟିଟିଲାଗଡ ବ୍ଲକ ଅନ୍ତର୍ଗତ କୁରସୁଡ଼ ଗ୍ରାମର ସରସ୍ଵତୀ ଶିଶୁ ମନ୍ଦିରରେ ରାୟପୁରର ସାଗର ମଲ୍ଟି ସ୍ପେଶାଲିଷ୍ଟ ହସ୍ପିଟାଲ, ଦେଶିଲ ଗ୍ରାମର ଆଶା ସ୍ବେଛସେବୀ ଓ ବଲାଙ୍ଗୀର ଜିଲ୍ଲାର ୱେବ୍ ମିଡ଼ିଆ ସାମ୍ବାଦିକ ସଂଘର ମିଳିତ ଆନୁକୁଲ୍ୟରେ ମେଗା ସ୍ୱାସ୍ଥ୍ୟ ଶିବିର ଅନୁଷ୍ଠିତ ହୋଇଛି l ଏଥିରେ ସାଗର ମଲ୍ଟି ସ୍ପେଶାଲିଷ୍ଟ ହସପିଟାଲର -୬ ଜଣ ଡାକ୍ତର ଆସିଥିଲେ l ସଲ୍ୟ ବିଭାଗ, ସ୍ତୀ ରୋଗ ବିଶେଷଜ୍ଞ, କ୍ୟାନ୍ସର ରୋଗ ବିଶେଷଜ୍ଞ, ଦନ୍ତ ରୋଗ ବିଶେଷଜ୍ଞ, ସ୍ନାୟୁ ରୋଗ ବିଶେଷଜ୍ଞ ଓ ଔଷଧ ବିଭାଗର ଡକ୍ଟର ଆସିଥିଲେ l ନିକଟରେ ଥିବା ଅନେକ ଗ୍ରାମାଞ୍ଚଳର ୫ ଶହ ରୁ ଉର୍ଦ୍ଧ ରୋଗୀ ବିଭିନ୍ନ ରୋଗର ସମସ୍ୟା ନେଇ ଦେଖା କରିଥିଲେ l

ଉପସ୍ଥିତ ଡାକ୍ତରଙ୍କ ଦ୍ୱାରା ଚିକିତ୍ସିତ ହୋଇ ମାଗଣାରେ ଔଷଧ ନେଇଥିଲେ ଏବଂ ଅଧିକ ଗୁରୁତ୍ତର ରୋଗୀଙ୍କୁ ରାୟପୁର ର ସାଗର ମଲ୍ଟି ସ୍ପେଶାଲିଷ୍ଟ ହସ୍ପିଟାଲରେ ସରକାରଙ୍କ ଦ୍ଵାରା ମିଳୁଥିବା ସୁବିଧା ଅନୁସାରେ ବିଜୁସ୍ବାସ୍ଥ୍ୟ କାର୍ଡ ଦ୍ୱାରା ମାଗଣାରେ ଚିକିତ୍ସିତ ହୋଇ ପାରିବେ ବୋଲି ସୂଚନା ଦେଇଥିଲେ ଡାକ୍ତର ଭକ୍ତବନ୍ଧୁ କୁମ୍ଭାର l ଏହା ସହିତ ସମସ୍ତ ରୋଗୀମାନଙ୍କ ପାଇଁ ଖାଇବା ଓ ପିଇବା ର ବ୍ୟବସ୍ଥା କରାଯାଇଥିଲା l ଆଗାମୀ ଦିନରେ ଜିଲ୍ଲାର ବିଭିନ୍ନ ସ୍ଥାନରେ ଏପରି ସ୍ୱାସ୍ଥ୍ୟ ଶିବିର ଅନୁଷ୍ଠିତ କରି ଆହୁରି ଅଧିକରୁ ଅଧିକ ଲୋକଙ୍କୁ ଚିକିତ୍ସା କରାଯିବାର ପ୍ରତିଶୃତି ଦେଇଛନ୍ତି l ଏହି କାର୍ଯ୍ୟକ୍ରମରେ ୱେବ ମିଡ଼ିଆ ସାମ୍ବାଦିକ ସଙ୍ଘ ପକ୍ଷରୁ ଭବାନୀ ଷଡ଼ଙ୍ଗୀ ଓ ସତ୍ୟଜିତ ଷଡ଼ଙ୍ଗୀ ପ୍ରମୁଖ ଙ୍କ ସହଯୋଗ ଯୋଗୁଁ ଉକ୍ତ କାର୍ଯ୍ୟକ୍ରମ ଟି ସାଫଲ ହୋଇଥିଲା l