21-Dec-2023

ଆଗଲପୁର, (ବିନୋଦ କୁମାର ଦୀପ) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ସ୍ତରୀୟ ନୂଆ-ଓ  ଯୁବ ଓଡ଼ିଶା, ନବୀନ ଓଡିଶା କାର୍ଯ୍ୟକ୍ରମ ର କ୍ରୀଡ଼ା ପ୍ରତିଯୋଗିତା ଉଦଯାପିତ ହୋଇଯାଇଛି l ଉକ୍ତ କାର୍ଯ୍ୟକ୍ରମ ଦୀର୍ଘ ଛଅ ଦିନ ଧରି ଚାଲିଥିଲା l ଆଜି ଉଦଯାପନୀ ଉତ୍ସବ ରେ ମୁଖ୍ୟଅତିଥି ଭାବେ ଜିଲ୍ଲା ପରିଷଦ ଅଧ୍ୟକ୍ଷା ଶ୍ରୀମତୀ ଦେବକୀ ସାହୁ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ବ୍ଲକ ଅଧ୍ୟକ୍ଷା ଶ୍ରୀମତୀ ଗୀତାଞ୍ଜଳି ଦାସ, ଉପାଧ୍ୟକ୍ଷା ନିରୁପମା ପଧାନ,  ଆଗଲପୁର ଆଇ. ଆଇ. ସି ବାସୁଦେବ ଭୋଇ, ଜିଲ୍ଲା ପରିଷଦ ସଭ୍ୟା ଜୋନ ୨ ର  ବୀଣାପାଣି ଦାସ, ମଂଚାସୀନ ଅତିଥି ଭାବେ ଯୋଗ ଦେଇଥିଲେ l ଉକ୍ତ କାର୍ଯ୍ୟକ୍ରମ ଆଗଲପୁର ଗୋଷ୍ଠୀ ଉନ୍ନୟନ ଅଧିକାରୀ କୁଲଦୀପ ମହାନ୍ତି ଙ୍କ ଅଧ୍ୟକ୍ଷତାରେ ସଭା ଅନୁଷ୍ଠିତ ହୋଇଥିଲା l ଏହି କାର୍ଯ୍ୟକ୍ରମ ରେ ଅନେକ ସ୍କୁଲ ର ଛାତ୍ରଛାତ୍ରୀ ବିଭିନ୍ନ ଖେଳ ପ୍ରତିଯୋଗିତା ରେ ଯୋଗଦେଇ ନିଜର ପାରିଦର୍ଶିତା ଦେଖାଇଥିଲେ l ବିଶେଷ କରି ଛାତ୍ରୀମାନେ ଖୋ ଖୋ, କବାଡି, କ୍ରିକେଟ, ଫୁଟବଲ, ଉଚ୍ଚଡ଼ିଆ, ଲମ୍ବଡିଆ ତଥା ବିଭିନ୍ନ କ୍ରୀଡ଼ା ରେ ଉତ୍ତୀର୍ଣ୍ଣ ଛାତ୍ରଛାତ୍ରୀ ଙ୍କୁ ଅତିଥି ଙ୍କ ଦ୍ୱାରା ପୁରସ୍କୃତ କରାଗଲା l

ମଞ୍ଚ ପରିଚାଳନା ରେ ଜଳ ଓ ପରିମଳ ବିଭାଗ ଅଧିକାରୀ ଦୂର୍ଗା ପ୍ରସାଦ ମିଶ୍ର ସହଯୋଗ କରିଥିଲେ l ଅତିଥି ମାନେ ଯୁବପିଢ଼ି ର ଉଚିତ ମାର୍ଗଦର୍ଶନ କରିବେ ଏହା ସହିତ କ୍ରୀଡ଼ା ଦ୍ୱାରା ସ୍ବାସ୍ଥ୍ୟ ଭଲ ରହିବା ସହିତ ସୁ ନାଗରିକ ହୋଇ ଦେଶ ଗଢିବା ରେ ଭାଗନେବେ ବୋଲି ପରାମର୍ଶ ଦେଇଥିଲେ l ଏହି କାର୍ଯ୍ୟକ୍ରମକୁ ବ୍ଲକ ର ସମସ୍ତ କର୍ମଚାରୀ ସହଯୋଗ କରିବା ସହ ଜନ ପ୍ରତିନିଧି ମାନେ ମଧ୍ୟ ସହଯୋଗ କରିଥିଲେ l ଶେଷରେ ଦ୍ଵୀପ ସମାପନ ଓ ଧ୍ୱଜା କୁ ଓହ୍ଲାଇଥିଲେ l ଶେଷରେ ବ୍ଲକ ଗୋଷ୍ଠୀ ଉନ୍ନୟନ ଅଧିକାରୀ କୁଲଦୀପ ମହାନ୍ତି ଧନ୍ୟବାଦ ଅର୍ପଣ କରି ସଭା ସାଙ୍ଗ ଘୋଷଣା କରିଥିଲେ l ପରେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା l