21-Dec-2023

ବୋଡ଼େନ (ଡୋଲେସ୍ବର ଵାଗ )
ବୋଡ଼େନ ବ୍ଲକରେ ବି ଡି ଓ ପ୍ରିୟରଞ୍ଜନ କୁମାର ଙ୍କ ତତ୍ତ୍ଵାବଧାନରେ ଏବଂ ଓଡ଼ିଶା ସରକାରଙ୍କ ଦ୍ଵାରା ଆୟୋଜିତ କ୍ରୀଡ଼ା ଉତ୍ସବର ଚତୁର୍ଥ ଦିନରେ କରଙ୍ଗାମାଲ ଖେଳ ପଡ଼ିଆରେ ମୁଖ୍ୟ ଅତିଥି ଭାବେ ବୋଡ଼େନ ବ୍ଲକ ସରପଞ୍ଚ ସଂଘର ସଭାପତି ରାମଲାଲ ପଣ୍ଡା ଯୋଗଦାନ କରିଥିଲେ ।ଆଜି ଲେଶୁନପାଲି, ନାଗପଡ଼ା,ଖଇରା, ସୁନାପୁର,କମଳା ମାଲ,ବୋଲଧା,ମଣ୍ଡୋ ବିର୍ଲି,ଆମ୍ବ ଗୁଡ଼ା ଓ ଲର୍କା ଗ୍ରାମର କ୍ରିକେଟ ଖେଳାଳିଙ୍କ ମଧ୍ୟରେ କ୍ରିକେଟ ପ୍ରତିଯୋଗିତା ଅନୁଷ୍ଠିତ ହୋଇଥିଲା ।ଏହି ପଡ଼ିଆରେ ଖେଳ ଶିକ୍ଷକଗଣ ମନୋଜ କୁମାର ପଣ୍ଡା +୨ ଶ୍ରୀଜଗନ୍ନାଥ ମହାବିଦ୍ୟାଳୟ କରଙ୍ଗାମାଲ,ଭାସ୍କର ପାତ୍ର ରୁଣ୍ଡୀ ହାଇ ସ୍କୁଲ,ସୁବାସ ଚନ୍ଦ୍ର ଯୋଶୀ କରଙ୍ଗାମାଲ ଉଚ୍ଚ ବିଦ୍ୟାଳୟ,ଠାକୁର ଚରଣ ନାଗ ଧରଣୀମାଲ ଉଚ୍ଚ ବିଦ୍ୟାଳୟ ଓ ଚନ୍ଦ୍ର ଶେଖର ସଲମା ଉଚ୍ଚ ବିଦ୍ୟାଳୟ ଜୟବାହାଲ ପ୍ରତ୍ୟେକ ଖେଳରେ ନିର୍ଣ୍ଣାୟକ ଭୂମିକା ନିର୍ବାହ କରି ଆସୁଥିବାବେଳେ ଆଜି ମନୋଜ କୁମାର ପଣ୍ଡା , ସୁଭ୍ରେନ୍ଦୂ କୁମାର ପଣ୍ଡା ଓ ସୁବାସ ଚନ୍ଦ୍ର ଯୋଶୀ ଅମ୍ପାୟର ଭାବେ କାର୍ଯ୍ୟ କରିଥିଲେ ।ଅନ୍ୟ ସମସ୍ତ ଖେଳ ଶିକ୍ଷକ  ଖେଲଗୁଡ଼ିକୁ ଆଗେଇ ନେବାରେ ସହଯୋଗ କରିଥିଲେ ।ପୋଲିସ ପକ୍ଷରୁ ଏଚ୍ ଜି ପ୍ଲାଟୁନ କମାଣ୍ଡର ୧୨୭ ଚୈତନ୍ୟ ହରିଜନ ଯୋଗଦାନ କରି ସୁରକ୍ଷାର ବ୍ୟବସ୍ଥା ସୁଚାରୁ ରୂପେ ବହନ କରିବା ଦୃଷ୍ଟିକୁ ଆସିଥିଲା ।ଦାୟିତ୍ୱରେ ଥିବା ଅନ୍ୟ ସରକାରୀ କର୍ମଚାରୀ ପି ଇ ଓ ଜୟାନନ୍ଦ ମେହେର,ପି ଇ ଓ ପବିତ୍ର ମିର୍ଦ୍ଧା ,ବି ଆର୍ ସି ହେରାମ୍ବ ବିଶ୍ଵାଳ , ଏନ୍ ଆର୍ ଇ ଜି ଏସ ସେଲ୍ ରୁ  ବିକ୍ରମ ଆରମ୍ଭରୁ ଆଜି ଯାଏଁ ସମ୍ପୂର୍ଣ୍ଣ ଭାବେ ଦାୟୀତ୍ୱ ନିର୍ବାହ କରୁଛନ୍ତି କିନ୍ତୁ ଏଥିରେ ନୋଡାଲ ଅଫିସର ଦାୟିତ୍ୱରେ ଥିବା ମହୋଦୟ କେବଳ ଆରମ୍ଭ ଦିନ କିଛି ସମୟ ଉପସ୍ଥିତ ରହି ଏବେ ଆଉ ଖେଳ ପଡ଼ିଆରେ ଦର୍ଶନ ଦେଉ ନାହାନ୍ତି ।ଖାଦ୍ୟ ବ୍ୟବସ୍ଥାରେ ରୋକାଲ୍ ଯୋଗାଣ ସହାୟକ ପ୍ରେମଲାଲ ଶବର ଓ କରଙ୍ଗାମାଲ ପଞ୍ଚାୟତ ପିଅନ ଅଖିଳ ସମସ୍ତ ଖେଳାଳିଙ୍କୁ ଭୋଜନ ଯୋଗାଇବାରେ ସହଯୋଗ କରୁଛନ୍ତି ।