16-Dec-2023

ବଲାଙ୍ଗିର/ ରାମଜୀ ଯୁବକ ସଂଘ ପକ୍ଷରୁ ସଦାଇପାଲି ପଲ୍ଲିଶ୍ରୀ ଷ୍ଟଡିୟମଠାରେ ଆଜି ୫୬ତମ ସର୍ବଭାରତୀୟ ଇଂଜିନିୟରସ୍‌ କପ୍ ଓ ନର୍ସିଂ ଟ୍ରଫି ଫୁଟବଲ ଟୁର୍ଣ୍ଣାମେଣ୍ଟ ତରଫରୁ ପୂର୍ବ ନିର୍ଦ୍ଧାରିତକା ର୍ଯ୍ୟକ୍ରମ ଅନୁଯାୟୀ ଆଜି ଦୁଇଟି ପ୍ରଦର୍ଶନୀ ମ୍ୟାଚ ଅନୁଷ୍ଠିତ ହୋଇଥିଲା । ପ୍ରଥମ ମ୍ୟାଚ୍‌ରେ ଭାଲେର ହାଇସ୍କୁଲକୁ ହରାଇ ବିଲେଇସଡା ହାଇସ୍କୁଲ  ୪-୦ ଗୋଲରେ ଜିତିଥିଲା । ଦ୍ୱିତୀୟ ପ୍ରଦର୍ଶନୀ ମ୍ୟାଚ୍‌ ସଦାଇପାଲି ରୁରାଲ ଷ୍ଟାର ଓ ବଲାଙ୍ଗିର ସାମ୍ବାଦିକ ସଂଘ ମଧ୍ୟରେ ଅନୁଷ୍ଠିତ ହୋଇଥିଲା । ରୁରାଲ ଷ୍ଟାର ଦଳ ୨-୦ଗୋଲରେ ବିଜୟୀ ହୋଇଥିଲେ । ଅତିଥି ଭାବରେ ବଲାଙ୍ଗିର ବି.ପି.ସି.ଏଲ ପ୍ଲାଣ୍ଟ ମେନେଜର ବ୍ରିଜେଶ ସିଂ ଗୁରଜର ଓ ଗ୍ୟାସ ବୋଟଲିଙ୍ଗ୍ ପ୍ଲାଣ୍ଟ ମେନେଜର ଅମରଜତରା ଜ ଯୋଗଦାନ କରି ଖେଳାଳୀ ମାନଙ୍କୁ ଉତ୍ସାହିତ କରିଥିବା ବେଳେ ଚଗଲା ପରିଛା ଓ ବୃନ୍ଦାବନ ମହାକୁର ପୁରସ୍କାର ବିତରଣ କରିଥିଲେ । ଅୟୋଜକ କମିଟୀ ସମ୍ପାଦକ ଡ. ନାରାୟଣ ପ୍ରସାଦ ମିଶ୍ର ଓ ସଦସ୍ୟ ରମେଶ ଚନ୍ଦ୍ର ନାଏକ ମଂଚାସୀନ ଥାଇ ସଭା ପରିଚାଳନା କରିଥିଲେ। ସାମ୍ବାଦିକ ସଂଘର ବିରେନ୍ଦ୍ର ଝାଙ୍କର, ସୁନୀଲ ମହାନ୍ତି ଓ କରୁଣାକର ଏବଂ ରୁରାଲଷ୍ଟାର ଦଳର ପ୍ରଦୀପ ମହାରଣା ଓ ସୁଧାଂଶୁ ସେଠ ଆଦି ଖେଳାଳିଙ୍କୁ ଶ୍ରେଷ୍ଠ ଖେଳାଳୀ ଭାବେ ପୁରସ୍କୃତ କରାଯାଇଥିଲା । ସୁନୀଲ ବିଶ୍ୱାଲ, ଶରତ ନନ୍ଦ, ଅବଦୁଲ କୁଜିବ ଓ ଗରୁଡ ସାଏ ଖେଳକୁ ପରିଚାଳନା କରିଥିଲେ। ରବିବାର ଦିନ ଫାଇନାଲ ଖେଳ ସଦାଇପାଲି ସାଇଟ୍ ବନାମ୍ କୁଚିଣ୍ଡା ମଧ୍ୟରେ ଅନୁଷ୍ଠିତ ହେବ। ଅନ୍ୟମାନଙ୍କ ମଧ୍ୟରେ ଚଗଲା ପରିଛା, ବୃନ୍ଦାବନ ମହାକୁର, ଆଦିତ୍ୟ ପଟ୍ଟନାୟକ, ରତିଲାଲ ମହାକୁର, ବିଭୁଦତ୍ତ ଦାଶ, ଅମିୟଯୋଷୀ, ମୁକେଶ ନାଏକ, ଦିବ୍ୟପ୍ରତୀକ କୁମ୍ଭାର, ପିୟୁଷରଂଜନ ତାଣ୍ଡି, ଡି.ଡି. ମିଶ୍ର ପ୍ରମୁଖ ଉପସ୍ଥିତ ରହି ଖେଳାଳୀମାନଙ୍କୁ ଉତ୍ସାହିତ କରିଥିଲେ ।