08-Dec-2023

ଲୋଇସିଂହା, (ବିନୋଦ କୁମାର ଦୀପ) ଲୋଇସିଂହା ମହାବିଦ୍ୟାଳୟ ରେ ଗତ ୨ ତାରିଖ ରୁ ଆରମ୍ଭ ହୋଇଥିବା ନୂଆ -ଓ କାର୍ଯ୍ୟକ୍ରମ ତରଫରୁ ଆଜି ସାମାଜିକ ସଚେତନତା ମୂଳକ କାର୍ଯ୍ୟକ୍ରମ ଆରମ୍ଭ ହୋଇଛି l ପ୍ରଥମେ ପରିମଳ ଅଭିଯାନ ବିଷୟରେ ଏକ ବିରାଟ ରାଲି କଲେଜ ରୁ ବାହାରି ବସଟାଣ୍ଡ ପର୍ଯ୍ୟନ୍ତ ହୋଇଥିଲା l ଶୋଭାଯାତ୍ରା ପରେ କଲେଜ ପରିସରରେ ସଫେଇ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ପରେ ନାରୀ ସଶକ୍ତିକରଣ ଓ ନାରୀ ଶିକ୍ଷା ସମ୍ପର୍କରେ ଛାତ୍ରୀମାନେ ନାଟ୍ୟ ପରିବେଷଣ କରିଥିଲେ l ପରେ ଲୋଇସିଂହା ଅଗ୍ନିଶମ ବିଭାଗ ଦ୍ୱାରା ଛାତ୍ରଛାତ୍ରୀ ମାନଙ୍କୁ ପ୍ରାକୃତିକ ବିପର୍ଯ୍ୟୟ ସମ୍ପର୍କରେ ପ୍ରଦର୍ଶନୀ ମାଧ୍ୟମରେ ସଚେତନ କରାଯାଇଥିଲା l ଏହି କାର୍ଯ୍ୟକ୍ରମ କୁ + ୩ ର ନୋଡାଲ ଅଫିସର ତଥା ସାମାଜିକ ସଚେତନତା ମୂଳକ ଅଧ୍ୟାପକ ଜଗମୋହନ ଦର୍ଜୀ ଓ + ୨ ର ନୋଡାଲ ଅଫିସର ଅଧ୍ୟାପକ ହିମାଂଶୁ ମହାକୁର ପରିଚାଳନା କରିଥିବା ବେଳେ ଅଧ୍ୟାପକ ମାନସରଞ୍ଜନ କୁମାର, ଅଧ୍ୟାପକ ରାମଚନ୍ଦ୍ର ବଗର୍ତି ଓ ଅଧ୍ୟାପକ ଡ଼ ଜଳଧର ମାଝୀ ସହଯୋଗ କରିଥିଲେ l