07-Dec-2023

ନୂଆପଡା-(ଡୋଲେଶ୍ୱର ବାଗଙ୍କ)
ନୂଆପଡ଼ା ଜିଲ୍ଲା ସିନାପାଲି ବ୍ଲକ ଅଧିନସ୍ଥ ଶାଲେଭଟା ଗ୍ରାମରେ ରାସ୍ତାରେ ପାଣି ଜମିରହୁଛି।
ଗାଁ କଲ୍ୟାଣ ସମିତି ଗଢ଼ି ତୋଲିବାର ଉଦ୍ଧେଶ୍ୟକୁ ନା ବୁଝୁଛି କମିଟି ନା ବୁଝିପାରୁଛି ସରକାରୀ କଳ।ଗାଁର ସ୍ବାସ୍ଥ୍ୟ ,ପରିମଳ,ଅପପୁଷ୍ଟି ଭଳି କାର୍ଯ୍ୟରେ ସୁଧାର ଆଣିବା ହେଉଛି ଗାଁ କଲ୍ୟାଣ ସମିତିର କାର୍ଯ୍ୟ କିନ୍ତୁ ସବୁଯାକ ଫେଲ୍ ମାରିଛି ସିନାପାଲି ବ୍ଲକ ସାଲେଭଟା ଗ୍ରାମରେ ।ପ୍ରତ୍ୟେକ       ରାଜସ୍ବ ଗ୍ରାମରେ ଗାଁ କଲ୍ୟାଣ ସମିତି ଗଠନ କରାଯାଇଛି କେବଳ ଗାଁର ସ୍ବାସ୍ଥ୍ୟ ,ପରିମଳ ,ଅପପୁଷ୍ଟି ,ଶିଶୁ ଓ ମାତୃ ମୃତ୍ୟୁହାର ହ୍ରାସ ଦିଗରେ ସଚେତନତା ମଧ୍ୟ କରାଯାଇଛି କିନ୍ତୁ ଲକ୍ଷ୍ୟଠାରୁ ଦୂରେଇ ଯାଉଥିବା ପରିଲକ୍ଷିତ ହୁଏ ସାଲେଭଟା ଗ୍ରାମର ଏହି ଦୃଶ୍ୟକୁ ଦେଖି ।ଏଠାକାର ଏହି ଦୃଶ୍ୟକୁ ଦେଖିଲେ ଲାଗୁଛି ରାସ୍ତା ନିର୍ମାଣ ବିଭାଗ,ସରକାରୀ କଳର ତଦାରଖ କରୁଥିବା ଅଫିସର ଓ ଗାଁ କଲ୍ୟାଣ ସମିତି କେତେ ପଛରେ ।ଯେତେବେଳେ କୌଣସି ସ୍ବଚ୍ଛତା ଦିବସ ସମାଜରେ ବଡ଼ବଡ଼ ଲୋକ କ୍ୟାମେରା ସାମ୍ନାକୁ ଆସନ୍ତି ,ତାଙ୍କର ଫଟୋ ବିଭିନ୍ନ ଖବର କାଗଜ ପୃଷ୍ଠାରେ ବାହାରିଥାଏ ତାପରେ ସ୍ବଚ୍ଛତା ଶୀର୍ଷକୁ ଚାଲିଯାଏ ଓ ପୁନର୍ବାର ୩୬୪ ଦିନ ପରେ ଆଉଥରେ କ୍ୟାମେରା ଓ ଫଟୋ ପଛରେ ସମସ୍ତେ ମାତିଯାଆନ୍ତି ।କାହାରି ନଜର ରହେନି ସ୍ବଚ୍ଛତା ହେଲା ନା ନାହି ବୋଲି ।ମନର ସ୍ବଚ୍ଛତା,କାର୍ଯ୍ୟର ସ୍ବଚ୍ଛତା ଓ ପରିବେଶର ସ୍ବଚ୍ଛତା ପ୍ରତି ସମସ୍ତେ ଦୃଷ୍ଟି ଦେବା ଜରୁରୀ ବୋଲି ଏହି ସାଲେଭଟା ର ଡ୍ରେନ,ରାସ୍ତା ଓ ରାସ୍ତାରେ ଜମି ରହିଥିବା ପାଣି ସମସ୍ତଙ୍କୁ ଇଙ୍ଗିତ କରି କହୁଛି ।ଏଥି ପାଇଁ ସ୍ଥାନୀୟ ବ୍ଲକ ପ୍ରଶାସନ ଦୃଷ୍ଟି ଦେଇ ସମସ୍ୟାର ସମାଧାନ କରିବାକୁ ଜନସାଧାରଣ ଆଲୋଚନା କରୁଛନ୍ତି ।