03-Dec-2023

କନ୍ଦର୍ପ ବେହେରାଙ୍କ ରିପୋର୍ଟ 
ନାକଟିଦେଉଳ: ନାକଟିଦେଉଳ ବ୍ଲକ କିସିଣ୍ଡା ଥାନା ଅଂଚଳରେ ଆଜି ନାତୀର ଠେଙ୍ଗା ମାଡରେ ଅଜାର ମ୍ରୁତ୍ୟୁ ହେବା ଭଳି ଘଟଣା ଘଟିଛି l ମୃତକ ଜଣଙ୍କ ହେଲେ କିସିଣ୍ଡା ଗ୍ରାମର ଚୈତନ୍ୟ ନାଏକ (୭୦ ) l ଅଭିଯୁକ୍ତ ନାତୀକୁ ପୋଲିସ୍ ଗିରଫ କରିଥିବା ବେଳେ ଆସନ୍ତା କାଲି କୋର୍ଟ ଚାଲାଣ କରାଯିବ ବୋଲି ପୋଲିସ କହିଛି l
ସୂଚନା ଅନୁସାରେ ଚୈତନ୍ୟ ଓ ନାତି ସଞ୍ଜୟ ନାଏକ( ୨୫) ଙ୍କ ମଧ୍ୟରେ କୌଣସି କାରଣରୁ ଝଗଡା ହେଉଥିଲା l ଏହି ସମୟରେ ସଞ୍ଜୟ ଉତ୍ୟକ୍ତ ହୋଇ ଏକ ଠେଙ୍ଗାରେ ଚୈତନ୍ୟ ଙ୍କ ମୁଣ୍ଡରେ ପିଟି ଦେଇଥିଲେ ା ଅଜା ଗୁରୁତର ଆହତ

ହୋଇଥିଲେ l ପରିବାର ଲୋକେ ସଙ୍ଗେ ସଙ୍ଗେ ଚୈତନ୍ୟଙ୍କୁ ଆମ୍ବୁଲାନ୍ସରେ ବୁର୍ଲା ମେଡିକାଲ ନେଇ ଯାଇଥିଲେ l ସେଠାରେ ଚିକିତ୍ସାଧୀନ ଅବସ୍ଥାରେ ଆଜି ତାଙ୍କର ମୃତ୍ୟୁ ହୋଇଯାଇଥିଲା l ପରିବାର ଲୋକଙ୍କ ଅଭିଯୋଗକୁ ଭିତ୍ତିକରି କେସ ନଂ ୮୩/୨୩/୩୦୨ରେ ଏକ ହତ୍ୟା ମାମଲା ୠଜୁ କରି ଅଭିଯୁକ୍ତ ସଞ୍ଜୟକୁ ଥାନାରେ ଅଟକ ରଖିଛି ପୋଲିସ୍ l କିସିଣ୍ଡା ପୋଲିସ୍ ବୁର୍ଲା ଡାକ୍ତରଖାନା ପହଞ୍ଚି ଶବକୁ ଜବତ କରି ବ୍ୟବଛେଦ ପାଇଁ ପଠେଇ ଥିବା ବେଳେ ଆସନ୍ତା କାଲି ଅଭିଯୁକ୍ତ ସଞ୍ଜୟକୁ କୋର୍ଟ ଚାଲାଣ କରାଯିବ ବୋଲି ପୋଲିସ ସୂତ୍ରରୁ ପ୍ରକାଶ