03-Dec-2023

କଣ୍ଟାବାଞ୍ଜି, ( ପ୍ରେରଣା ଖବର ), ତା.୦୩/୧୨ ଓଡ଼ିଶାର ଅଗ୍ରଣୀ ଅନୁଷ୍ଠାନ ଆଶ୍ରୟ ନୟାଗଡ଼ ର ୩୯ତମ ବାର୍ଷିକ ଉତ୍ସବ ଭୂବନେଶ୍ୱରସ୍ଥିତ ଜୟଦେବ ଭବନରେ ଆୟୋଜିତ ହୋଇଥିଲା।ଉକ୍ତ ଉତ୍ସବରେ ଅନୁଷ୍ଠାନର ପ୍ରତିଷ୍ଠାତା ଶ୍ରୀ ଲୋକନାଥ ଦାଶଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ପଦ୍ମଶ୍ରୀ ତୁଳସୀ ମୁଣ୍ଡା, ପଦ୍ମଶ୍ରୀ ଦେବୀ ପ୍ରସନ୍ନ ପଟ୍ଟନାୟକ, ପଦ୍ମଶ୍ରୀ ଅନ୍ତର୍ଯ୍ୟାମୀ ମିଶ୍ର,ବରିଷ୍ଠ ଶିଶୁ ସାହିତ୍ୟିକ ଦାଶ ବେନହୁର, ସମାଜସେବୀ ଅଚ୍ୟୁତାନନ୍ଦ ଦାସ,ଶରତ କୁମାରୀ ମିଶ୍ର ଓ ବନ୍ଦନା ପଣ୍ଡା ଉପସ୍ଥିତ ଥିଲେ।

ଏହି ବର୍ଣାଢ୍ୟ ଉତ୍ସବରେ ବିଭିନ୍ନ ସମୟରେ ସମାଜସେବା, ରକ୍ତଦାନ ଓ ରକ୍ତ ଶିବିରର ଆୟୋଜନ, ଦୁର୍ଘଟଣଗ୍ରସ୍ଥ ଲୋକଙ୍କୁ ସାହାଯ୍ୟ କରିବା ପାଇଁ ଶିକ୍ଷକ, ଜୁନିୟର ରେଡକ୍ରସ ପରାମର୍ଶଦାତା ତଥା ରକ୍ଷକ ଶ୍ରୀ ବିରଞ୍ଚି ନାରାୟଣ ଦାଶଙ୍କୁ ଆଶ୍ରୟ ସମ୍ମାନ ପ୍ରଦାନ ପୂର୍ବକ ପ୍ରମାଣପତ୍ର ଓ ସ୍ମୃତିଫଳକ ପ୍ରଦାନ କରାଯାଇଥିଲା।ଠିକ ସେହିପରି ଯାଯପୁର ଜିଲ୍ଲା ଅନ୍ତର୍ଗତ ଛତିଆ ଠାରେ ସମ୍ଭବ ଚାରିଟେବଲ ଟ୍ରଷ୍ଟର ଚତୁର୍ଥ ବାର୍ଷିକ ଉତ୍ସବ ଓ ବିଶ୍ବ ଦିବ୍ୟାଙ୍ଗ ଦିବସପାଳିତ ହୋଇଥିଲା।ଟ୍ରଷ୍ଟର ସମ୍ପାଦିକା ସୁଶ୍ରୀ ପ୍ରମିଳା ସିଂଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବରେ ଡାକ୍ତର ରାମଚନ୍ଦାନୀ,ସମ୍ମାନିତ ଅତିଥି ଭାବରେ ଭୂବନେଶ୍ୱର ରୋଟାରୀ କ୍ଳବର ସଭାପତି ଶ୍ରୀ ରୁଦ୍ର ପ୍ରସାଦ ମହାପାତ୍ର, ସମାଜସେବୀ ମଧୁମିତା ରାଏ ଚୌଧୁରୀ ଯୋଗ ଦେଇଥିଲେ।ସମାଜସେବା ପାଇଁ ଶ୍ରୀ ବିରଞ୍ଚି ନାରାୟଣ ଦାଶଙ୍କୁ ମାନପତ୍ର ଓ ଉତ୍ତରୀୟ ଦେଇ ସମ୍ବର୍ଦ୍ଧିତ କରାଯାଇଥିଲା।ଶ୍ରୀ ଦାଶଙ୍କୁ ଉଭୟ ଅନୁଷ୍ଠାନରୁ ସମ୍ବର୍ଦ୍ଧନା ମିଳିଥିବାରୁ ବୁଦ୍ଧିଜୀବୀ ମହଲରେ ଆନନ୍ଦର ଲହରୀ ଖେଳିଯାଇଛି।