03-Dec-2023

ଆଗଲପୁର, (ବିନୋଦ କୁମାର ଦୀପ) ଆଗଲପୁର ବ୍ଲକ ଛେଲିଆପାଟ କୃଷକ ଉତ୍ପାଦକ ସଂଗଠନ ଝରଣିପାଲି କାର୍ଯ୍ୟାଳୟ ଠାରେ ସମସ୍ତ ବୋର୍ଡ ସଦସ୍ୟ ଅଂଶୀଦାର ଗଣ ଙ୍କ ଏକ ବୈଠକ ଅନୁଷ୍ଠିତ ହୋଇଥିଲା l ଉକ୍ତ ସଭାରେ ନିମନ୍ତ୍ରିତ ଅତିଥି ଭାବରେ ଲୋଇସିଂହା ବିଧାୟକ ଡ଼ ମୁକେଶ ମହାଲିଙ୍ଗ ଯୋଗଦାନ କରି ଅନୁଷ୍ଠାନ ର ସ୍ଥାୟୀ କାର୍ଯ୍ୟାଳୟ ପାଇଁ ତାଙ୍କ ପାଣ୍ଠି (ଏଲଏଡି) କିମ୍ବା ପଶ୍ଚିମ ଓଡିଶା ବିକାଶ ପରିଷଦ (ଡବ୍ଲୁଓଡିସି)  ରୁ ବିଲଡିଂ ପାଇଁ ଆର୍ଥିକ ପାଣ୍ଠି ଯୋଗାଡ଼ କରିଦେବା ପାଇଁ ଦୃଢ଼ ପ୍ରତିଶୃତି ଦେଇଥିଲେ l ଅନୁଷ୍ଠାନ ର ମେନେଜିଂ ଡ଼ାଇରେକ୍ଟର ଶ୍ରୀମତୀ ହୀରାମଣି ସାହୁ ସଭା ପରିଚାଳନା କରିବା ସହ ସ୍ୱାଗତଭାଷଣ ଦେବା ଅବସରରେ ଅଂଚଳ ରେ ଏକ ଶୀତଳ ଭଣ୍ଡାର ର ଆବଶ୍ୟକତା ଅଛି ବୋଲି ଦର୍ଶାଇ ସ୍ଥାନୀୟ ବିଧାୟକ ଙ୍କୁ ବିହିତ ପଦକ୍ଷେପ ନେବାପାଇଁ ଅନୁରୋଧ କରିଥିଲେ l ଆଗାମୀ ଦିନରେ ଚାଷୀ ଓ ଚାଷ ର ଉନ୍ନତି ପାଇଁ ସଂଗଠନ ର ଉପଦେଷ୍ଟା ମହାଶକ୍ତି ଫାଉଣ୍ଡେସନ ର ଜିଲ୍ଲା ପରିଚାଳକ ଶ୍ରୀଯୁକ୍ତ ସମ୍ପଦ କୁମାର ପଟେଲ ବିସ୍ତୃତ ବିବରଣୀ ପ୍ରଦାନ କରିଥିଲେ l ଉକ୍ତ ଅନୁଷ୍ଠାନ ରେ କିପରି ଅଧିକ ରୁ ଅଧିକ ଚାଷୀ ଯୋଡିହୋଇ ସ୍ୱାବଲମ୍ବୀ ହୋଇପାରିବେ ସେ ଉପରେ ସମସ୍ତ ଙ୍କୁ ଅବଗତ କରାଯାଇଥିଲା l ଶେଷରେ ଅନୁଷ୍ଠାନ ର ମୁଖ୍ୟ ନିର୍ବାହୀ ଅଧିକାରୀ ଶ୍ରୀ ହିମାଂଶୁ ଶେଖର ସାହୁ ସମସ୍ତ ଙ୍କୁ ଧନ୍ୟବାଦ ଅର୍ପଣ କରିଥିଲେ l