01-Dec-2023

ସାଲେଭଟ/ ବଲାଙ୍ଗିର ଜିଲ୍ଲା ଆଗଲପୁର +୩ ବିଜ୍ଞାନ ମହାବିଦ୍ୟାଳୟରେ ସମନ୍ୱିତ ଯୁବ ବିକାଶ କାର୍ଯ୍ୟକ୍ରମ ଉଦଯାପିତ  ହୋଇଛି । ରାଜ୍ୟ ସରକାରଙ୍କ ଦ୍ୱାରା ଆୟୋଜନ ରେ ଆମଓଡିଶା ନବୀନ ଓଡିଶା କ଼ାର୍ଯ୍ୟକ୍ରମ ମାଧ୍ୟମରେ ନୁଆଁ ଓଡିଶା ଗଠନରେ ଯୁବକ ଯୁବତୀ ମାନଙ୍କ ସଂପୃକ୍ତି ସହ ବିଭିନ୍ନ ପ୍ରତିଯୋଗିତା ମାଧ୍ୟମରେ ପାରଦର୍ଶିତା ପ୍ରଦର୍ଶନ କରିଛନ୍ତି । +୩ ମହାବିଦ୍ୟାଳୟର ଅଧ୍ୟକ୍ଷ ସନତ ଦଳାଇଙ୍କ ସଭାପତିତ୍ୱରେ ଉଦ୍ଘ୍ଧାଟନୀ ସଭା ଅନୁଷ୍ଠିତ ହୋଇଥିଲ।। ଏଥିରେ ମୁଖ୍ୟ ଅତିଥି ଭାବରେ ବଲାଙ୍ଗୀର ଜିଲ୍ଲାପରିଷଦ ଅଧ୍ୟକ୍ଷା ଦେବକୀ ସାହୁ, ମୁଖ୍ୟବକ୍ତା ବୁଦୁଲା ଗ୍ରା.ପ ସରପଂଚ ରିନା ପଧାନ, ସାଲେଭଟା ଅଞ୍ଚଳର ବରିଷ୍ଠ ସାମ୍ବାଦିକ  ବିରାଜନନ୍ଦ ପାଢି, ଦୈନିକ ସମାଜ ଆଗଲପୁର ପ୍ରତିନିଧି ଡାକ୍ତର ପୁଟେଲ ସମ୍ମାନୀତ ଅତିଥି ଭାବରେ ଯୋଗଦାନ କରିଥିଲେ । କ୍ରିଡା ପ୍ରତିଯୋଗୀଙ୍କୁ ଉତ୍ସାହିତ କରିବା ସହ କୃତୀ ପ୍ରତିଯୋଗୀଙ୍କୁ ପୁରସ୍କାର ବିତରଣ  କରିଥିଲେ । ଆଜିର ଶିଶୁ କାଲିର ନାଗରିକ, ନୁତନ ନବୀନ  ଓଡିଶା ପ୍ରଗତିରେ ଯୁବ ବର୍ଗର ଗୁରୁତ୍ୱପୁର୍ଣ୍ଣ ଭୁମିକା ରହିଛି । ଯୁବକ ଯୁବତୀ ମାନେ ସାମ୍ପ୍ରତିକ ସମାଜ ଗଠନର ବିକାଶ ଧାରାରେ ସାମିଲ ହେବା ନିହାତି ଆବଶ୍ୟକ ବୋଲି ଉପସ୍ଥିତ ଅତିଥି ମାନେ ମତ ରଖିଥିଲେ । ଏହାର ନୋଡାଲ ଅଫିସର ବିରେନ୍ଦ୍ର କୁମାର ବାଗଙ୍କ ତ୍ୱାବଦାରେ ମହାବିଦ୍ୟାଳୟର ଖେଳଶିକ୍ଷକ ଚିନ୍ତାମଣୀ ପଧାନ ଓ ଚିତରଞ୍ଜନ ସାହୁ ଖେଳ ପରିଚାଳନା କରିଥିଲେ । ମହାବିଦ୍ୟାଳୟର ସମସ୍ତ କର୍ମଚାରୀ ବୃନ୍ଦ ଉପସ୍ଥିତ ରହି ସହଯୋଗ କରିଥିଲେ । ଏହି ପ୍ରତିଯୋଗୀତାରେ ୩ଶହରୁ ଅଧିକ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ ।