01-Dec-2023

ନବରଙ୍ଗପୁର(ମିହିର ଶଙ୍କର ପାତ୍ର): ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ମୈଦଲପୁର ପଂଚାୟତ ର ଗୁଜୁମା ପଦର ଗ୍ରାମରେ ଆଜି ସକାଳ ୮ଟା ବେଳେ ଗ୍ରାମ ର ରାଧ ସାନ୍ତା ନିଜର ଦୁଇ ବର୍ଷର ପୁଅ ବିବେ ସାନ୍ତା କୁ କଟୁରୀରେ ଆକ୍ରମଣ କରୁଥିବା ବେଳେ ପଡିସା ଘରର ବୃଦ୍ଧ ଜନାଏ ସାନ୍ତା ଛଡାଇବା ପାଇଁ ଯାଇଥିଲା l ଜନାଏ କୁ ମଧ୍ୟ କଟୁରୀ ରେ ଆକ୍ରମଣ କରିବାରୁ ଘଟଣା ସ୍ଥଳରେ ରେ ରାଧ ର ପୁଅ ବିବେ ଓ ଜନାଏ ର ମୃତ୍ୟୁ ହୋଇଥିଲା l ଏ ନେଇ ମୈଦଲପୁର ଥାନାରେ ଜନାଏ ର ପୁଅ ସିମାଞ୍ଚଳ ସାନ୍ତା ଲିଖିତ ଅଭିଯୋଗ କରିଛି l ସୂଚନା ଅନୁସାରେ, ରାଧ ଓ ସ୍ତ୍ରୀ ମାଳତ ଘରେ ଥିବା ବେଳେ କୌଣସି କଥାକୁ ନେଇ ହଠାତ ରାଗି ଯାଇ ମାଳତକୁ ମାଡ଼ ମାରି କଟୁରୀରେ ଆକ୍ରମଣ କରିବାକୁ ଯିବା ବେଳେ ଭୟ ରେ ମାଳତ ଘରେ ଥିବା ପୁଅକୁ ଛାଡି ଚାଲିଯାଇଥିଲା l ଅନ୍ୟ ଉପରେ ନ ପାଇ ପୁଅ ବିବେ ସାନ୍ତାକୁ ତଳେ କଚାଡି କଟୁରୀରେ ଭୁସିବା ବେଳେ ପଡିଶା ଘରର ବୃଦ୍ଧା ଜନାଏ ଛଡାଇବାକୁ ଯାଇ ଆକ୍ରମଣର ଶିକାର ହୋଇଥିଲେ l ଘଟଣା ସ୍ଥଳରେ ବିବେ ଓ ଜନାଏ ର ମୃତ୍ୟୁ ଘଟିଥିଲା l ଖବର ପ୍ରଚାର ହେବାରୁ ଗ୍ରାମବାସୀ ଉତ୍ୟକ୍ତ ହୋଇ ରାଧକୁ ମାଡ଼ ମାରି ବାନ୍ଧିକି ରଖିଥିଲେ l ପୋଲିସ ପହଂଚି ରାଧକୁ ଗିରଫ କରିଛନ୍ତି l ନବରଙ୍ଗପୁରରୁ ଏକ ସାଇଣ୍ଟିଫିକ ଟିମ ପହଂଚି ତଦନ୍ତ କରୁଛି l   ଏ ନେଇ ଥାନାରେ କେଶ ନଂ 154/23ରେ ମାମଲା ରଜୁ ହେବା ସହ ଥାନା ଅଧିକାରୀ ବିପିନ କୁମାର କୁଲଦୀପ ତଦନ୍ତ କରୁଛନ୍ତି l ଘଟଣା ସ୍ଥଳରେ ପାପଡାହାଣ୍ଡି ଏସ୍ ଡି ପି ଓ  ଆଦିତ୍ୟ ସେନ, ପାପଡାହାଣ୍ଡି ଏସ୍ ଆଇ ଶିବଜୀ ପଣ୍ଡା, ଥାନା ଏ ଏସ୍ ଆଇ  କୋମଳଲୋଚନ ନାୟକ, ଲୋକେଶ ଭୋଇ ପ୍ରମୁଖ ଉପସ୍ଥିତ ଥିଲେ