28-Nov-2023

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ): ବୌଦ୍ଧ ଜିଲ୍ଲା କଂଟାମାଳ କୁ ସ୍ୱତନ୍ତ୍ର ସବ୍‌-ଡିଭିଜନ ଘୋଷଣା କରାଯିବାକୁ ଦାବୀ କରି କଂଟାମାଳ କଲ୍ୟାଣ ମଣ୍ଡପ ଠାରେ ଏକ ସମାବେଶ ଅନୁଷ୍ଠିତ ହୋଇଛି । କଂଟାମାଳ ଆଚଂଳିକ ସଂଗ୍ରାମ ସମିତି ର ଡାକରା କ୍ରମେ କଲ୍ୟାଣ ମଣ୍ଡପ ଠାରେ ବରିଷ୍ଠ ବିଜେପି ନେତା ଓମ ପ୍ରକାଶ ମିଶ୍ରଙ୍କ ଆବାହକତ୍ୱରେ ଏକ ସମାବେଶ ଅନୁଷ୍ଠିତ ହୋଇଛି । ବୌଦ୍ଧ ଜିଲା ଗଠନ ହେବା ପରେ ମଧ୍ୟ କଂଟାମାଳ ଅଂଚଳର ଉନ୍ନତି ହୋଇପାରିନାହିଁ ।  ପ୍ରଶାସନ କ୍ରମାଗତ ଭାବେ କଂଟାମାଳ ଅଂଚଳର ଉନ୍ନତି ଦିଗରେ ଅବହେଳା ପ୍ରଦର୍ଶନ କରୁଥିବା ସମାବେଶ ରେ ଅଭିଯୋଗ ହୋଇଥିଲା । ସମାବେଶରେ କଂଟାମାଳକୁ ସ୍ୱତନ୍ତ୍ର ସବ୍‌-ଡିଭିଜନ ଘୋଷଣା ଦାବୀ ନେଇ ଆଗାମୀ ଦିନରେ ବ୍ୟାପକ ଜନ ଆନ୍ଦୋଳନ କରାଯିବାକୁ ଘୋଷଣା କରାଯାଇଛି । ସମାବେଶରେ କେଦାର ସାହୁ , ନାରାୟଣ କର୍ମି, ଯଦୁବିହାରୀ ବାଘ, ରାମ ଚନ୍ଦ୍ର ତାଣ୍ଡି, ଶଙ୍କର୍ଷଣ ସାହୁଙ୍କ ସମତେ ଶତାଧିକ ବ୍ୟକ୍ତି ସାମିଲ ହୋଇଥିଲେ ।