26-Nov-2023

ବୋଡ଼େନ ( ଡୋଲେସ୍ବର ଵାଗ )
ନୂଆପଡ଼ା ଜିଲ୍ଲା ବୋଡ଼େନ ବ୍ଲକର ନାଗପଡା ଉଚ୍ଚ ବିଦ୍ୟାଳୟଠାରେ ବ୍ଲକ ସ୍ତରୀୟ ବାଳ ବୈଜ୍ଞାନିକ ପ୍ରଦର୍ଶନୀ ଅନୁଷ୍ଠିତ ହୋଇଯାଇଛି ।ଆଜିକାର ଏହି ପ୍ରଦର୍ଶନୀର ଉଦ୍ଘାଟନୀ ଉତ୍ସବରେ ଗୋଷ୍ଠୀ ଶିକ୍ଷା ଅଧିକାରୀ ରୁଦ୍ରେଶ୍ଵର ମେହେର ସଭାପତିତ୍ବ କରିଥିବାବେଳେ ନୂଆପଡ଼ା ଜିଲ୍ଲା ପରିଷଦ ଅଧ୍ୟକ୍ଷା ଡଲି ମାଝୀ ମୁଖ୍ୟ ଅତିଥି ,ସ୍ନାତକ ମହାବିଦ୍ୟାଳୟ ବୋଡ଼େନର ଅଧ୍ୟାପକ ଡଃ କିଶୋର କୁମାର କର୍ଣ୍ଣ ମୁଖ୍ୟବକ୍ତା ରୂପେ ଅଳଙ୍କୃତ ଥିଲେ ,ସମ୍ମାନିତ ଅତିଥି ଭାବେ ଏ ବି ଇ ଓ ଦିଲିପ କୁମାର ଦାସ,  ସି ଆର୍ ପି ଏଫ୍ କମାଣ୍ଡେଣ୍ଟ  ଏସ କେ ସାହୁ , ସମିତି ସଭ୍ୟା ସବିତା ଜଗତ, ନାଗପଡ଼ା ଉଚ୍ଚବିଦ୍ୟାଳୟ ପ୍ରଧାନ ଶିକ୍ଷକ ଖଗେଶ୍ବର ପଟେଲ,ଅବସର ପ୍ରାପ୍ତ ଶିକ୍ଷକ ମନୋହର ମାଝୀ  ଓ ଚୈତନ୍ୟ ମାଝୀ ମଞ୍ଚାଷିନ ଥିଲେ ।ଉଚ୍ଚ ବର୍ଗରୁ ୨୮ ଟି ବିଜ୍ଞାନ ପ୍ରକଳ୍ପ ଆସିଥିବାବେଳେ କନିଷ୍ଠ ବର୍ଗରୁ ୪୪ ଟି ପ୍ରକଳ୍ପ ଛାତ୍ର ଛାତ୍ରୀଙ୍କ ଦ୍ଵାରା ଉପସ୍ଥାପନ ହୋଇଥିଲା । ସିନିଅର ଗ୍ରୁପରୁ ୬ ଜଣଙ୍କ ଓ ଜୁନିଅର ଗ୍ରୁପରୁ ୪ ଜଣଙ୍କ ପ୍ରକଳ୍ପ ଜିଲ୍ଲା ସ୍ତର ପାଇଁ ଚୟନ କରାଯାଇଛି । ସିନିଅର ଗ୍ରୁପରେ ସୁମନ୍ତ ମାଝୀ ୟୁ ଜି ଏଚ୍ ଏସ ସୁନାପୂର,ଯମୁନା ନାଗ ଗୁରୁବୁଢା ହାଇ ସ୍କୁଲ ରୁଣ୍ଡି,ଆଶିଷ ଜଗତ ଜେ ଏସ ଏଚ୍ ଖଇରା,ରଂଜନ ମାଝୀ ପି ଏଚ୍ ଏସ ନାଗପଡା,ମନମୋହନ ସିଂ ବାଗ ବୁଢା ଦେଓ ହାଇସ୍କୁଲ ଫାରସରା ଓ ଶୁଭଶ୍ରୀ ସଲମା ଜୟବାହାଲ ହାଇ ସ୍କୁଲଙ୍କ ପ୍ରକଳ୍ପ ଜିଲ୍ଲା ସ୍ତର ପାଇଁ ଚୟନ ହୋଇଥିବାବେଳେ ଜୁନିଅର ଗ୍ରୁପରେ ମଳୟ ଦଳ ୟୁ ପି ଏସ ବୋରପଦର, ଓଁକାର ମାଲି ୟୁ ପି ଏସ ବାଗବାହାଲ, ଟ୍ୱିଙ୍କଲ ବନ୍ଧି ଛୋର ୟୁ ପି ଏସ ଧରଣୀମାଳ ଓ
ଖିରେଶ୍ୱରି ମାଝୀ ୟୁ ପି ଏସ କେରା ପଦରଙ୍କ ପ୍ରକଳ୍ପ ଜିଲ୍ଲା ସ୍ତର ପାଇଁ ଚୟନ କରାଯାଇଛି ।ଚୟନିତ ସମସ୍ତ ପ୍ରକଳ୍ପ ଜିଲ୍ଲାରେ ହେବାକୁଥିବା 
ପ୍ରଦର୍ଶନୀରେ ଉପସ୍ଥାପନ କରିବେ ।ସମାରୋହ ଉତ୍ସବରେ ବୋଡ଼େନ ବ୍ଲକ ଉପାଧ୍ୟକ୍ଷା ସଂଗୀତା ମାଝୀ ,ସମାଜ ସେବୀ ତୋପ ସିଂ ମାଝୀ ମଞ୍ଚାସୀନ ରହି ଛାତ୍ର ଛାତ୍ରୀଙ୍କୁ ମାନପତ୍ର ଦେବା ସହ ଆଗାମୀ ଦିନରେ ଆମ ଅଞ୍ଚଳର ବିଜ୍ଞାନ ପ୍ରକଳ୍ପ ଦେଶ ଓ ବିଦେଶରେ ସ୍ଥାନ ପାଉ ବୋଲି ଛାତ୍ର ଛାତ୍ରୀଙ୍କୁ ଆଗ୍ରହର ସହିତ ଅନୁରୋଧ ରଖିଥିଲେ ।ସମସ୍ତ ସି ଆର୍ ସି ସି ,ବିଭିନ୍ନ ବିଦ୍ୟାଳୟର ପ୍ରଧାନ ଶିକ୍ଷକ ,ଶିଶୁ ଦାୟିତ୍ୱରେ ଥିବା ଶିକ୍ଷକ ,ପଞ୍ଚାୟତ ହାଇ ସ୍କୁଲ ନାଗପଡାର ସମସ୍ତ ଶିକ୍ଷକ , ଶିକ୍ଷକ ସଂଗଠନର ସଭାପତି , ବ୍ଲକ ,ଜିଲ୍ଲା ଓ ରାଜ୍ୟରେ ଶିକ୍ଷାର ପ୍ରତ୍ୟେକ ସଭା ସମିତିରେ ଉପସ୍ଥିତ ରହି ଶିକ୍ଷକ ସମାଜ ପାଇଁ ସହଯୋଗ କରି ଆସୁଥିବା ବରିଷ୍ଠ ଶିକ୍ଷକ ବୈଷ୍ଣବ ଦୁରିଆ ଏହି ବୈଜ୍ଞାନିକ ପ୍ରଦର୍ଶନୀ ପାଇଁ ସବୁ ପ୍ରକାର ସହଯୋଗ କରିଥିଲେ ।ବୁଢା ଦେଓ ହାଇସ୍କୁଲର
ପ୍ରଧାନ ଶିକ୍ଷକ ସିମାଞ୍ଚଳ ଦାସ ମଞ୍ଚ ପରିଚାଳନା କରିଥିଲେ ।