26-Nov-2023

ବୋଡ଼େନ -( ଡୋଲେସ୍ବର ଵାଗ )
ନୂଆପଡ଼ା ଜିଲ୍ଲା ବୋଡ଼େନ ବ୍ଲକର ଓଡ଼ିଶା ଆଦର୍ଶ ବିଦ୍ୟାଳୟ କେଶରାଜପୁରରେ ଅଧ୍ୟକ୍ଷା ଅନିମା ବାରିକଙ୍କ ଅଧ୍ୟକ୍ଷତାରେ ପି ଟି ଏ ଅନୁଷ୍ଠିତ ହୋଇଯାଇଛି । ଛାତ୍ର ଛାତ୍ରୀଙ୍କ ପ୍ରତ୍ୟେକ ସମସ୍ୟା ତଥା ବିଦ୍ୟାଳୟର ବିଭିନ୍ନ ସମସ୍ୟା ଉପରେ ଆଲୋଚନା ହୋଇ ତା'ର ସମାଧାନ ପାଇଁ ପଦକ୍ଷେପ ନିଆଯାଇଛି ।ଅଭିଭାବକଙ୍କ ପ୍ରତ୍ୟେକ ପ୍ରଶ୍ନର ଉତ୍ତର ବିଦ୍ୟାଳୟର ଶିକ୍ଷକ ଶିକ୍ଷୟତ୍ରୀ ପ୍ରଦାନ କରି ଆଗାମୀ ଦିନଗୁଡ଼ିକରେ ଶୈଖିକ ବ୍ୟବସ୍ଥା ଆହୁରି ମଜବୁତ୍ କରିବାକୁ ନିଷ୍ପତ୍ତି ଗ୍ରହଣ କରାଯାଇଛି ।ଛାତ୍ର ଛାତ୍ରୀଙ୍କ ସମସ୍ତ ପ୍ରକାର ଦୁର୍ବଳତା ଉପରେ ବିସ୍ତୃତ ଭାବେ ଆଲୋଚନା ହୋଇ ସମସ୍ତ ଅଭିଭାବକ ନିଜ ନିଜ ଘରେ ଛୁଆମାନଙ୍କୁ ଦୃଷ୍ଟି ଦେବାପାଇଁ ଅନୁରୋଧ କରାଗଲା ।ଅଭିଭାବକ 
ଓ ଶିକ୍ଷକ ମଧ୍ୟରେ ସମନ୍ଵୟ ରକ୍ଷା ତଥା ସମସ୍ୟା ଉପସ୍ଥାପନ କରି ସମସ୍ୟାର ସମାଧାନ କରିବାକୁ ଅଭିଭାବକଙ୍କ ମଧ୍ୟରୁ ଆଇନଜୀବୀ ହୃଷୀକେଶ ବିଶ୍ବାଳଙ୍କୁ ପ୍ରେସିଡେଣ୍ଟ ଭାବରେ ଚୟନ କରାଯାଇଛି ।ବିଦ୍ୟାଳୟର ପ୍ରତ୍ୟେକ କାର୍ଯ୍ୟରେ ସହଯୋଗ କରିବାକୁ ପ୍ରିନ୍ସିପାଲ ଅନୀମା ବାରିକଙ୍କ ଅନୁରୋଧକ୍ରମେ ଆଜି ଏହି ପଦକ୍ଷେପ ଗ୍ରହଣ କରାଯାଇଅଛି । ଇଂରାଜୀ ଶିକ୍ଷକ ଯଦୁମଣି ବାରିକ ସମସ୍ତ ବିବରଣୀ ପ୍ରଦାନ କରୁଥିବାବେଳେ ମ୍ୟୁଜିକ ଶିକ୍ଷକ ସନ୍ତୋଷ କୁମାର ଦାଶ ସଭା ପରିଚାଳନା କରୁଥିଲେ।ସାମ୍ବାଦିକ ରାମନାଥ ପଣ୍ଡାଙ୍କ ପ୍ରସ୍ତାବ ଓ ଆଇନଜୀବୀ ଯୋଗେନ୍ଦ୍ର ନାଥ ମାଝୀଙ୍କ ସମର୍ଥନକୁ ସମସ୍ତ ଅଭିଭାବକ ସମର୍ଥନ ଜଣାଇବା ଦ୍ଵାରା ହୃଷୀକେଶ ବିଶ୍ଵାଳଙ୍କୁ ପ୍ରେସିଡେଣ୍ଟ ପଦବୀରେ ଅଳଙ୍କୃତ କରାଯାଇଛି ।ଅଧ୍ୟାପକ ଡଃ କିଶୋର କୁମାର କର୍ଣ୍ଣ ,ସାମ୍ବାଦିକ ବଂଶୀଧର ନାଗ,ଆଇନଜୀବୀ ଗୌତମ ନିଆଲ ଓ ବିଭୂତି ଭୂଷଣ ଷଡ଼ଙ୍ଗୀଙ୍କ ସମେତ ଦୁଇ ଶହରୁ ଉର୍ଦ୍ଧ୍ବ ଅଭିଭାବକ ଅଭିଭାବିକା ସମ୍ମିଳନୀରେ ଉପସ୍ଥିତ ଥିଲେ ।ମ୍ୟୁଜିକ ଶିକ୍ଷକ ସନ୍ତୋଷ କୁମାର ଦାଶ ଧନ୍ୟବାଦ୍ ଅର୍ପଣ କରିଥିଲେ ।