23-Nov-2023

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ): ସମ୍ବଲପୁର ଜିଲ୍ଲା ବୁର୍ଲା ଭିସୁଟ ର ୧୫ତମ ସମlବର୍ତ୍ତନ ଉତ୍ସବ ଅବସରରେ ଭାରତ ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଙ୍କ ଦ୍ୱାରା କଣ୍ଟାମାଳ ମାଟିର ମେଧାବୀ ଝିଅ କ୍ରିଷ୍ଣା ମହାପାତ୍ର ସ୍ନାତକୋତ୍ତର ରେ ବିଶ୍ୱବିଦ୍ୟାଳୟ ଟପର ଭାବେ ସ୍ବର୍ଣ୍ଣପଦକରେ ବିଭୂଷିତ ହୋଇ ବୌଦ୍ଧ ଜିଲ୍ଲା ପାଇଁ ଗର୍ବ ଓ ଗୌରବ ଆଣିଛନ୍ତି l ସେ କଣ୍ଟାମାଳ ହାଇସ୍କୁଲ ରେ କାର୍ଯ୍ୟରତ

ରଘୁନାଥ ମହାପାତ୍ର ଓ ମାତା ପଦ୍ମାବତୀ ଆଚାର୍ଯ୍ୟ ଙ୍କ ଏକ ମାତ୍ର ଝିଅ l ପିଲାଦିନରୁ ପାଠ ପଢ଼ାରେ ସେ ମେଧାବୀ ଛାତ୍ରୀ ଭାବେ ବିଦ୍ୟାଳୟ ରେ ଶିକ୍ଷକ ମାନଙ୍କ ପ୍ରିୟଭାଜନ ହୋଇ ଆସିଛନ୍ତି l କଣ୍ଟାମାଳ ସରସ୍ବତୀ ଶିଶୁ ବିଦ୍ୟା ମନ୍ଦିରରୁ ମାଟ୍ରିକ ପାସ କରି ସୁକାନ୍ତି ଏକାଡେମୀ ଆବାସିକ ମହାବିଦ୍ୟାଳୟ ସୋନପୁର ରୁ ବିଜ୍ଞାନରେ ଯୁକ୍ତ ଦୁଇ ଓ ପରେ ଫିଜିକ୍ସ ଅନର୍ସ ରେ ସେହି କଲେଜରୁ କଲେଜ ଟପ୍ପର ହୋଇଥିଲେ l ସୁକାନ୍ତି ଏକାଡେମୀ ରୁ ଡିଗ୍ରୀ ହାସଲ ପରେ ସମ୍ବଲପୁର ୟୁନିଭରସିଟି

ଜ୍ୟୋତି ବିହାର ବୁର୍ଲାରୁ ଫିଜିକ୍ସ ରେ ସ୍ନାତକ ରେ ୟୁନିଭରସିଟି ଟପର ହୋଇ ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଙ୍କ ଦ୍ୱlରା ସ୍ବର୍ଣ୍ଣ ପଦକରେ ସମ୍ମାନିତ ହୋଇଛନ୍ତି l ସ୍ନାତକରେ ରାଷ୍ଟ୍ରପତି ଙ୍କ ଠାରୁ ସ୍ବର୍ଣ୍ଣପଦକ ପାଇ ସେ ନିଜକୁ ଗୌରାବାନ୍ୱିତ ଓ ଖୁବ ଉତ୍ସାହିତ ମନେ କରିଛନ୍ତି, ତାଙ୍କର କଠିନ ପରିଶ୍ରମ ଓ ବାପା ମାଆ ଙ୍କର ପ୍ରେରଣା, ପ୍ରୋତ୍ସାହନ ସହ ସମସ୍ତ ଶିକ୍ଷକ, ଅଧ୍ୟାପକ, ପ୍ରଫେସର ଏବଂ ଗୁରୁଜନ ମାନଙ୍କ ଆଶୀର୍ବାଦ ସ୍ନେହ ସଦିଚ୍ଛାକୁ ଶ୍ରେୟ ଦେଇଛନ୍ତି l ଆଗକୁ ଓଡିଶା ପ୍ରଶାସନିକ ଅଧିକାରୀ ହେବା ତାଙ୍କର ଲକ୍ଷ ବୋଲି ସେ ନିଜ ପ୍ରତିକ୍ରିୟାରେ ପ୍ରକାଶ କରିଛନ୍ତି l କ୍ରିଷ୍ଣା ରାଷ୍ଟ୍ରପତିଙ୍କ ଠାରୁ ସ୍ବର୍ଣ୍ଣପଦକରେ ବିଭୂଷିତ ହେବା ଖବର ପ୍ରକାଶିତ ହେବା ପରେ କଣ୍ଟାମାଳର ବିଭିନ୍ନ ଶିକ୍ଷାନୁଷ୍ଠାନ ର ଶିକ୍ଷକ,ଶିକ୍ଷୟତ୍ରୀ, ଅଧ୍ୟାପକ, ଶିକ୍ଷାବିତ, ରାଜନେତା, ପ୍ରଶାସନ, ସାଙ୍ଗ ସାଥି ଏବଂ ଶୁଭେଛୁ ମାନଙ୍କ ପକ୍ଷରୁ ଶୁଭେଚ୍ଛା ର ସୁଅ ଛୁଟିବାରେ ଲାଗିଛି l