23-Nov-2023

ସୋନପୁର (ମନୋରଞ୍ଜନ ତ୍ରିପାଠୀ ): ବୋଲେରୋ ଦୁର୍ଘଟଣାରେ ଆଜି ଭୋର ୬ଟା ସମୟରେ ଜାତୀୟ ରାଜପଥ  ନଂ. ୫୭ର ମନମୁଣ୍ଡା ବାସୁଦେବପାଲି ନିକଟରେ ଏକ ବୋଲେରୋ ଦୁର୍ଘଟଣା ହୋଇଥିବା ଜଣାପଡିଛି l ଘଟଣାରୁ ପ୍ରକାଶ ଯେ ଭୁବନେଶ୍ୱରରୁ  ଏକ ସାଂସ୍କୃତିକ କାର୍ଯ୍ୟକ୍ରମ ସାରି ବଲାଙ୍ଗୀର ଆସୁଥିବା

ଏକ ବୋଲେରୋ ( ଓ ଆର୍ -୪  ଜି ୦୭୭୬)ମନମୁଣ୍ଡା ନିକଟ ବାସୁଦେବପାଲି ଭାଗବତ ମନ୍ଦିର ସାମନାରେ ଥିବା ଏକ ଇଟା ଗଦା ପିଟି ହୋଇ  ଭାରସାମ୍ୟ ହରାଇ ଦୁର୍ଘଟଣା ହୋଇଥିଲା l ଫଳରେ ବୋଲେରୋରେ ଥିବା ୧୨ ଜଣ ଯାତ୍ରୀ ଆହତ ହୋଇଥିବା ବେଳେ ସେଥିମଧ୍ୟରୁ ଦୁଇ ଜଣଙ୍କ ଅବସ୍ଥା ଗୁରୁତର ହୋଇଛି l ଏହି ସମୟରେ ମନମୁଣ୍ଡାର ବରିଷ୍ଠ ନାଗରିକ ତଥା ସାମ୍ବାଦିକ ତରଣୀ କୁମାର ମେହେର ପ୍ରାତଃ ଭ୍ରମଣରେ ଯାଉଥିବା ସମୟରେ ଦୁର୍ଘଟଣା ହୋଇଥିବା ଦେଖି ସଙ୍ଗେ ସଙ୍ଗେ ୧୦୮ ଆମ୍ବୁଲାନ୍ସକୁ ଫୋନ କରିଥିଲେ l ପ୍ରକାଶ ଥାଉକି ବଲାଙ୍ଗୀର ପୁଇଁତଲା ର ଢୋଲମହୁରୀ ସାଂସ୍କୃତିକ ଦଳ କାର୍ଯ୍ୟକ୍ରମ ସାରି ନିଜ ଘରକୁ ଫେରୁଥିଲେ l ନିର୍ଦ୍ଦେଶକ ନୀଳାଞ୍ଚଳ ନନ୍ଦଙ୍କ ନେତୃତ୍ୱରେ ରବି ନାଗ, କେଶବ ଭୋଇ, ଜପ ମୁଗୁରୀ, ସୁଦେଷ୍ଣା ଭୋଇ, ପଲ୍ଲବୀ ସ୍ୱାଇଁ, ଭକ୍ତ ସୁନା ଓ

ଲବ ସୁନା ଏହି ଦୁର୍ଘଟଣା ବୋଲେରୋ ରେ ଥିଲେ l ସମସ୍ତଙ୍କୁ ଉଦ୍ଧାର କରି ଶ୍ରୀ ମେହେର ସୁବର୍ଣ୍ଣପୁର ଜିଲ୍ଲା ମୁଖ୍ୟ ଚିକିତ୍ସାଳୟ କୁ ପଠାଇଥିଲେ ଓ ଆହତ ହୋଇଥିବା ସମସ୍ତଙ୍କ ସ୍ୱାସ୍ଥ୍ୟବସ୍ଥା ବୁଝିଥିଲେ l ସୁବର୍ଣ୍ଣପୁରର ସାଂସ୍କୃତିକ ଅନୁଷ୍ଠାନର ଚୌଧୁରୀ ବିଭାର ଓ ସ୍ୱଚ୍ଛ ଭାରତ ସଂଗଠନର ମନୋରଞ୍ଜନ ତ୍ରିପାଠୀ ମଧ୍ୟ ମୁଖ୍ୟ ଚିକିତ୍ସାଳୟକୁ ଯାଇ ସମସ୍ତଙ୍କ ସ୍ୱାସ୍ଥ୍ୟବସ୍ଥା ପଚାରି ବୁଝିଥିଲେ ଓ ସହଯୋଗ କରିଥିଲେ l