22-Nov-2023

ସମ୍ବଲପୁର( ସଂଜୀବ ପାଣିଗ୍ରାହୀ )
ରେଙ୍ଗାଲି ନିର୍ବାଚନ ମଣ୍ଡଳୀ ର ଧନକଉଡ଼ା, ରେଙ୍ଗାଲି ଓ ମାନେଶ୍ଵର ବ୍ଲକ ର ବିଜୁ ଜନତା ଦଳ ର ନେତୃସ୍ଥାନୀୟ ବ୍ୟକ୍ତି ଙ୍କୁ ନେଇ ଏକ କର୍ମୀ ସମ୍ବିଳନୀ ଆଜି ଚାନ୍ଦମୁଣ୍ଡା ଦୁର୍ଗା ମନ୍ଦିର ପରିସରରେ ଅନୁଷ୍ଠିତ ହୋଇଯାଇଛି l ବିଜେଡି ର ବରିଷ୍ଠ ନେତା ମାନଭଞ୍ଜନ ପଶାୟତ ଙ୍କର ଅଧ୍ୟକ୍ଷତା ରେ ଆୟୋଜିତ ଏହି କର୍ମୀ ସମ୍ବିଳନୀ ରେ ରେଙ୍ଗାଲି ନିର୍ବାଚନ ମଣ୍ଡଳୀ ର ପୂର୍ବତନ ବିଧାୟକ ରମେଶ ପଟୁଆ ଅତିଥି ଭାବରେ ଯୋଗ ଦେଇଥିଲେ l ଏହି ପରିପେକ୍ଷୀ ରେ ସମାଜ ସେବା ରେ ବ୍ରତୀ ସେବା ଅନୁଷ୍ଠାନ ର ସଭାପତି ଡ଼. ଅମର ତାଣ୍ଡିଆ ଙ୍କୁ ସମାଜ ପ୍ରତି ତାଙ୍କର ସମର୍ପଣ ଭାବ ପାଇଁ ସମ୍ବର୍ଦ୍ଧିତ କରାଯାଇଥିଲା l
ଏହି କର୍ମୀ ସମ୍ବିଳନୀ ରେ ଦଳର ପୁରାତନ ଓ ନୂତନ ନେତୃତ୍ୱ ଯୋଗ ଦେଇଥିବାବେଳେ, ଆଗାମୀ ଦିନରେ ସାଧାରଣ ନିର୍ବାଚନ ଅନୁଷ୍ଠିତ ହେବାକୁ ଦୃଷ୍ଟିରୁ ଦଳ କୁ ଆହୁରି ସଂଗଠିତ ଓ ଶୃଙ୍ଖଳିତ କରାଯିବାକୁ ଗୁରୁତ୍ୱ ର ସହ ବିଚାର କରାଯିବା କଥା ବୋଲି ମତ ରଖିଥିଲେ l ଏଥି ସହ ଗତ ନିର୍ବାଚନ ପରିଚାଳନା ର ଦୋଷ ତ୍ରୁଟି କୁ ସମୀକ୍ଷା ମଧ୍ୟ କରିବା କଥା ବୋଲି ଏନେକେ ମତ ରଖିଥିଲେ l ଅତିଥି ଭାବରେ ଯୋଗ ଦେଇ ରେଙ୍ଗାଲି ନିର୍ବାଚନ ମଣ୍ଡଳୀ ର ପୂର୍ବତନ ବିଧାୟକ ରମେଶ ପଟୁଆ ତାଙ୍କରି ବିଧାୟକ କାଳ ରେ ନିର୍ବାହ କରିଥିବା ବିଭିନ୍ନ ପ୍ରକଳ୍ପ ବିଷୟ ଉତଥାପନ କରିବା ସହ ଆଗାମୀ ସମୟରେ ବିଜେଡି ବିଧାନସଭା ପ୍ରାର୍ଥୀ ଚୟନ ପୂର୍ବରୁ ସବୁ ଦିଗକୁ ଅନୁଧ୍ୟାନ କରିବା ଅତ୍ୟନ୍ତ ଜରୁରୀ ବୋଲି ମନ୍ତବ୍ୟ ଦେଇଥିଲେ l
ସେଯାହାବି ହେଉ ନିର୍ବାଚନ ପୂର୍ବରୁ ମନ ମତାନ୍ତର କୁ ଭୁଲି ଦଳ ର ସଫଳତା ଦିଗରେ କାର୍ଯ୍ୟ କରିବାକୁ ଆହ୍ୱାନ ଦେଇଥିଲେ l ଆଗାମୀ ଦିନରେ ରେଙ୍ଗାଲି ନିର୍ବାଚନ ମଣ୍ଡଳୀ ର ବିଭିନ୍ନ ଅଂଚଳ ରେ କର୍ମୀ ସମ୍ବିଳନୀ ଆୟୋଜନ କରାଯିବ ବୋଲି ଶ୍ରୀ ପଶାୟତ ସୂଚନା ଦେଇଥିଲେ lଏହି କର୍ମୀ ସମ୍ବିଳନୀର ଆୟୋଜନ ରେ ଶ୍ରବଣ ବହାଦୁର, ବିଜୟ ବେହେରା, ଚିତ୍ତରଞ୍ଜନ ମୁଣ୍ଡା, ବାପି ଧଳ, ପ୍ରମୋଦ ନାଥ ପ୍ରମୁଖ ସକ୍ରିୟ ଭାବେ ସହଯୋଗ କରିଥିଲେ l