22-Nov-2023

ସମ୍ବଲପୁର (ସଂଜୀବ ପାଣିଗ୍ରାହୀ )
ସମ୍ବଲପୁର ସହରର ମୁଖଦ୍ୱାର ଧନୁପାଲି ଛକ ରୁ ଜେଲ ଛକ ଯାଏ ରାସ୍ତା ର ଦୁଇଥାକିଆ ପ୍ରଶାସ୍ତିକରଣ କାର୍ଯ୍ୟ ଅନେକ ଦିନ ହେଲା ଆରମ୍ଭ ହେଲାଣି ହେଲେ ସରିବାର ନାଁ ନେଉନି l ତାରି ଭିତରେ ରାସ୍ତା ର ଦୁଇ ପାର୍ଶ୍ଵ ର ଜମି ଅଧିଗ୍ରହଣ କାର୍ଯ୍ୟ ମଧ୍ୟ ସରିବାର ନାଁ ନେଉନି l ବାରମ୍ବାର ରାସ୍ତା ର ଡିଜାଇନ ରେ ପରିବର୍ତ୍ତନ ହେଉଥିବାର ଦୃଶ୍ୟ ନଜର କୁ ଆସୁଛି l ଘର ମାନଙ୍କରେ ଏବଂ ରାସ୍ତା ଉପରେ ଦିଆଯାଉଥିବା ଚି଼ହ୍ନ ମଧ୍ୟ ବାରମ୍ବାର ପରିବର୍ତ୍ତନ ହେଉଥିବା ଯୋଗୁଁ ଲୋକଙ୍କ ମଧ୍ୟରେ ନାନା ପ୍ରକାର ବିଷୟ ଚର୍ଚ୍ଚା ହେଉଛି ବୋଲି ବିଜେପି ବରିଷ୍ଠ ନେତା ସୂର୍ଯ୍ୟ ପାଣିଗ୍ରାହୀ ଏକ ପ୍ରେସ ବିବୃତି ରେ ପ୍ରକାଶ କରିଛନ୍ତି l ନବ ନିର୍ମିତ ରାସ୍ତା ର ପ୍ରଶସ୍ତିକରଣ ଏକ ସମାନ୍ତରାଳ ଭାବରେ ହେବା କଥା, ହେଲେ କେଉଁଠି ବି ଭାଗ ମାପ ଠିକ ହେଉନଥିବା ଆଶ୍ଚର୍ଯ୍ୟ ଜନକ ବିଷୟ ବୋଲି ଶ୍ରୀ ପାଣିଗ୍ରାହୀ ଉଦବେଗ ପ୍ରକାଶ କରିଛନ୍ତି l
କେବଳ ସେତିକି ନୁହେଁ ରାସ୍ତା ନିର୍ମାଣ ର ମନ୍ଥରତା ଯୋଗୁଁ ସହରବାସୀ ଧୂଳି ର ଆସ୍ତରଣ ରେ ନିୟମିତ ଗାଧୋଉଥିବା ବେଳେ, ପୂର୍ତ୍ତ ବିଭାଗ, ସମ୍ବଲପୁର ମହାନଗର ନିଗମ ତଥା ଜିଲ୍ଲା ପ୍ରଶାସନ ସବୁ ଦେଖି ଜାଣି ଚୁପ ରହୁଥିବା ଦୁର୍ଭାଗ୍ୟ ର ବିଷୟ ବୋଲି ଶ୍ରୀ ପାଣିଗ୍ରାହୀ କହିଛନ୍ତି l ଏହି ଧୂଳି ଉଡ଼ା କୁ ନିୟନ୍ତ୍ରଣ କରିବା ପାଇଁ ପାଣି ମୁନ୍ଦେ ବି ପକା ଯାଉନାହିଁ l ଏହାଦ୍ୱାରା ସହରବାସୀ ରୋଗାଗ୍ରସ୍ତ ମଧ୍ୟ ହେବାର ଘୋର ସମ୍ଭାବନା ରହିଛି l ତେଣୁ, ଏହି ଭୟଙ୍କର ପାରିସ୍ଥିତି କୁ ଏଡାଇବା ପାଇଁ ତୁରନ୍ତ ପଦକ୍ଷେପ ଗ୍ରହଣ କରିବାକୁ ବରିଷ୍ଠ ବିଜେପି ନେତା ଶ୍ରୀ ପାଣିଗ୍ରାହୀ ପ୍ରଶାସନ ପାଖରେ ଦାବୀ ଉପସ୍ଥାପନ କରିଛନ୍ତି l