21-Nov-2023

ବଲାଙ୍ଗିର (ସନ୍ତୋଷ କୁମାର ଠାକୁର ): ଜେ ଏସ୍ ଏମ୍  ବାଣିଜ୍ୟ ଏବଂ କଳା ମହାବିଦ୍ୟାଳୟ ପକ୍ଷରୁ ଖୁଜେନପାଲି ନିକଟସ୍ଥ ଏଫସିଆଇ ପଡିଆ ରେ ଏକ ଆନ୍ତ କଲେଜ କ୍ରିକେଟ୍ ଟୁର୍ନାମେଣ୍ଟ ଆୟୋଜନ କରିଥିଲା | ଟୁର୍ନାମେଣ୍ଟ କୁ ଉଦଘାଟନ କରିଥିବା ମୁଖ୍ୟଅତିଥି ଆଇ ପି ଏ ପ୍ରଦୀପ କୁମାର ପାତ୍ରଙ୍କ ଦ୍ୱାରା ପ୍ରଦୀପ ପ୍ରଜ୍ୱଳନ ସହିତ ଆରମ୍ଭ ହୋଇଥିଲା। 
ଉଦ୍ଘାଟନୀ ସମାରୋହ ପରେ କଲେଜର ପ୍ରଧାନଶିକ୍ଷକ  ବିନୋଦ ପାଢି ଏହି କାର୍ଯ୍ୟକ୍ରମରେ ଯୋଗ ଦେଇଥିବା ଅଧ୍ୟାପକ ଓ ଛାତ୍ରମାନଙ୍କ ସମେତ ସମସ୍ତ ଅଂଶଗ୍ରହଣକାରୀଙ୍କୁ ସ୍ୱାଗତ କରିଥିଲେ |

ମହାବିଦ୍ୟାଳୟର ଅଧ୍ୟକ୍ଷ ସିଏ ଶ୍ରୀକାନ୍ତ ଶର୍ମା ଛାତ୍ରଛାତ୍ରୀ ମାନଙ୍କୁ ସ୍ୱାଗତ ଓ ଉତ୍ସାହିତ କରିବା ସହ କ୍ରୀଡ଼ା ପ୍ରତିଯୋଗିତା ରେ ଛାତ୍ରଛାତ୍ରୀ ମାନେ ଅନୁଶାସନ ଏବଂ ନିୟମ ମାନିବା ସହିତ ଏକତା ଓ ଭାଇଚାରା ଉପରେ ଗୁରୁତ୍ୱାରୋପ କରିଥିଲେ।
ମୁଖ୍ୟ ଅତିଥି ଶ୍ରୀ ପ୍ରଧାନ ତାଙ୍କ ଅଭିଭାଷଣରେ ଜୀବନରେ ଶାରୀରିକ ବ୍ୟାୟାମ ଏବଂ କ୍ରୀଡ଼ାର ମହତ୍ତ୍ୱ ବିଷୟରେ କହିଥିଲେ । ଏହି ଟୁର୍ନାମେଣ୍ଟରେ ମୋଟ ୬ ଟି ଦଳ ରହିଥିଲେ l ୪ଟି ବାଳକ ଦଳ ଏବଂ ୨ଟି ବାଳିକା ଦଳ ଅଂଶଗ୍ରହଣ କରିଥିଲେ | ଖେଳାଳିଙ୍କ ଦଳ ହେଉଛି:  ବାଳକ - ଆକାଉଣ୍ଟିଂ ସୁପର କିଙ୍ଗ, କ୍ୟାପିଟାଲ୍ ସୁପର ଜେଣ୍ଟସ୍, ଡିଭିଡେଣ୍ଡ୍ ୱାରିୟର୍ସ, ଏଜୁକେସନ୍ ନାଇଟ୍ ୱରିୟର |  ବାଳିକା – ମିରାକଲ୍ ପ୍ଲେୟାର  ଓ ଗୁଡ୍ ଉଇଲ୍ ର୍ଗାଲ୍ସ|

ଫାଇନାଲ ମ୍ୟାଚରେ ବିଜେତା ଦଳ ନିର୍ଣ୍ଣୟ କରାଯାଇଥିଲା l ବିଜେତା ଦଳ ହେଉଛି ବାଳକ -  ଆକାଉଣ୍ଟିଂ ସୁପର କିଙ୍ଗସ୍ ଏବଂ ବାଳିକା - ଗୁଡ୍ ଉଇଲ୍ ର୍ଗାଲ୍ସ |
ପୁରଷ୍କାର ବିତରଣ ଉତ୍ସବରେ କଲେଜ ରେ ଅଧ୍ୟକ୍ଷ ସି ଏ ଶ୍ରୀକାନ୍ତ ଶର୍ମା, ଉପଦେଷ୍ଟା ମନୋରଞ୍ଜା ସାହୁ, ନିର୍ଦ୍ଦେଶକ ଶ୍ରୀମତୀ ସୁମନ ଶର୍ମା ଏବଂ ଆଜିର ଅତିଥି ଭାବରେ ପ୍ରେରଣା ର ସମ୍ପାଦକ ରଘୁ ନନ୍ଦନ ସିଂହ ଯୋଗ ଦେଇ ବିଜେତା ଦଳକୁ ପୁରସ୍କୃତ କରିଥିଲେ l 
ଏହି କାର୍ଯ୍ୟକ୍ରମର ସଫଳ ଆୟୋଜନ ପାଇଁ ସି ଏ ଶ୍ରୀକାନ୍ତ ଶର୍ମା ସମସ୍ତ କର୍ମଚାରୀ ଏବଂ ଛାତ୍ରମାନଙ୍କୁ କୃତଜ୍ଞତା ଜଣାଇଛନ୍ତି।