21-Nov-2023

ନୂଆଁପଡ଼ା /ସିନାପାଲି: ସ୍ଥାନୀୟ ଲିଆଡ ସ୍ଥିତ ପ୍ରାକୃତିକ ପରିବେଶ ମଧ୍ୟରେ ସିନାପାଲି ବ୍ଲକ ଅନ୍ତର୍ଗତ ସମସ୍ତ ହାଇସ୍କୁଲ ବିଜ୍ଞାନ ଶିକ୍ଷକଙ୍କ ବନ୍ଧୁ ମିଳନ ଅନୁଷ୍ଠିତ ହୋଇଯାଇଛି ା କାର୍ଯ୍ୟକ୍ରମରେ ସିନାପାଲି ବିଜ୍ଞାନ ଫୋରମର ସମସ୍ତ କର୍ମକର୍ତ୍ତା ଓ  ସଦସ୍ୟ ଯୋଗ ଦେଇଥିଲେ । ଏ ଅବସରରେ ବ୍ଲକ ସଂଯୋଜକ ସତ୍ୟବାନ ମେହେରଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ଅବସରପ୍ରାପ୍ତ ବିଜ୍ଞାନ ଶିକ୍ଷକ ତୁଳସୀରାମ ମେହେର ଏବଂ ଧବଳେଶ୍ବର ମେହେରଙ୍କୁ ସମ୍ବର୍ଦ୍ଧିତ କରାଯାଇଥିଲା ।

ସଭାକୁ ମନୋରଞ୍ଜନ ମେହେର ସଂଯୋଜନା କରିଥିବା ବେଳେ ସଭାରେ ଶିକ୍ଷକ କୈଳାସ ଚନ୍ଦ୍ର ଦାସ, ସୁରେଶ ଚନ୍ଦ୍ର ମହାନ୍ତି ପ୍ରମୁଖ ଉପସ୍ଥିତଥିଲେ । ବିଜ୍ଞାନ ଶିକ୍ଷକ ଭାବରେ ଛାତ୍ରଛାତ୍ରୀଙ୍କୁ କିପରି ଉତ୍ତମ ଶିକ୍ଷା ପ୍ରଦାନ କରାଯାଇପାରିବ ସେନେଇ ଆଲୋଚନା ହେବା ସହ ବରିଷ୍ଠ ଶିକ୍ଷକମାନେ ମାର୍ଗଦର୍ଶନ କରିଥିଲେ l  

(ବିଶି ଚନ୍ଦନ ମାଝୀଙ୍କ ରିପୋର୍ଟ୍ )