21-Nov-2023

ବୀରମହାରାଜପୁର,(ବିନୋଦ ପାଣ୍ଡେ ) : ସୁବର୍ଣ୍ଣପୁର ଜିଲ୍ଲା ବୀରମହାରଜପୁର ବ୍ଲକ ଅନ୍ତର୍ଗତ ଉଫୁଲା  ଗ୍ରାମର ସ୍ବର୍ଗତ ରାଜୀବ ସାହୁ ଙ୍କ ସ୍ତ୍ରୀ ତିଳୋତ୍ତମା ସାହୁ ଆର୍ଥିକ ଅନଟନ ଯୋଗୁଁ ଅସହାୟ ଅବସ୍ଥାରେ ଜୀବନ ଜାପାନ କରୁଥିବା ଅଭିଯୋଗ ହେଉଛି। ଶ୍ରୀମତୀ ସାହୁ ନିଜର ଦୁଇ ଶିଶୁ କନ୍ୟା ଗୁଡ଼ିଆ ରାଣୀ ସାହୁ (୧୨)  ଓ ଆଦ୍ୟାଶା ସାହୁ (୭)ଙ୍କ ଶିକ୍ଷା,ସ୍ଵାସ୍ଥ୍ୟ, ପୁଷ୍ଟି ଅନ୍ୟାନ୍ୟ ଖର୍ଚ୍ଚ ବହନ ପାଇଁ ଉଫୁଲା ସରପଞ୍ଚ ଶ୍ରୀୟା କର୍ମୀ ଙ୍କୁ ଗୁହାରି କରିଥିଲେ କରିଥିଲେ। ତିଳୋତ୍ତମା ତାଙ୍କର ବାର୍ଦ୍ଧକ୍ୟ ଭତ୍ତା ଓ ଜାତୀୟ ପରିବାର ମଙ୍ଗଳ ଯୋଜନା ମଞ୍ଜୁରୀ ପାଇଁ  ଆପତ୍ତି କରିବାରୁ ସରପଞ୍ଚ ଶ୍ରୀ କର୍ମୀ ବ୍ଲକ୍ ପ୍ରଶାସନ ଆଶୁ ପଦକ୍ଷେପ ପାଇଁ ଦୃଷ୍ଟି ଆକର୍ଷଣ କରି ବିଧବା ଭତ୍ତା ମଞ୍ଜୁରୀ ପରେ ପ୍ରଦାନ କରିଥିଲେ। ତିଳୋତ୍ତମା ଙ୍କ ଦୁଇ ଶିଶୁ କନ୍ୟା ଙ୍କ ବିକାଶ ଓ ସୁରକ୍ଷା ପାଇଁ ଜିଲ୍ଲାପାଲ ଓ ଅଧ୍ୟକ୍ଷ ଜିଲ୍ଲା ଶିଶୁ ମଙ୍ଗଳ ସମିତି ଅଧ୍ୟକ୍ଷ ଙ୍କୁ ପତ୍ର ଲେଖି ସରକାରୀ ସହାୟତା ଜିଲ୍ଲା ଶିଶୁ ସୁରକ୍ଷା ଅଧିକାରୀଙ୍କ ଜରିଆରେ ପ୍ରଦାନ ପାଇଁ ଅନୁରୋଧ କରିଛନ୍ତି। ଅସହାୟ ଗରିବ ବିଧବା ଓ ବାପ ଛେଉଣ୍ଡ ଶିଶୁ ଙ୍କୁ ଶୀଘ୍ର ସହାୟତା ରାଶି ପ୍ରଦାନ ପାଇଁ ପ୍ରଶାସନ ପକ୍ଷରୁ ସମସ୍ତ ବ୍ୟବସ୍ଥା କରିବେ ବୋଲି ସରପଞ୍ଚ ଶ୍ରୀୟା କର୍ମୀ ଆଶ୍ଵାସନା ଦେଇଛନ୍ତି।