06-Nov-2023

ଆଗଲପୁର, (ବିନୋଦ କୁମାର ଦୀପ) ଆଗଲପୁର ବ୍ଲକ ବେନ୍ଦ୍ରା ପଞ୍ଚାୟତ ଅନ୍ତର୍ଗତ ରାମପୁର ଠାରେ ବିଜେଡି ବ୍ଲକ ସ୍ତରୀୟ ବିଜେଡି କର୍ମୀ ସମ୍ମିଳନୀ ଅନୁଷ୍ଠିତ ହୋଇ ଯାଇଛି l ଏଥିରେ ଆଗଲପୁର ବ୍ଲକ ବିଜେଡି ସଭାପତି ପଞ୍ଚୁ ପଧାନ ଙ୍କ ଅଧ୍ୟକ୍ଷତା ରେ ସଭାକାର୍ଯ୍ୟ ଅନୁଷ୍ଠିତ ହୋଇଥିଲା l ଉକ୍ତ ସଭାରେ ପୂର୍ବତନ ସାଂସଦ ତଥା ହାଉସିଂ ବୋର୍ଡ ଅଧ୍ୟକ୍ଷ କଳିକେଶ ନାରାୟଣ ସିଂଦେଓ, ଜିଲ୍ଲା ପରିଷଦ ଅଧ୍ୟକ୍ଷା ଦେବକି ସାହୁ,  ରାଜ୍ୟ ପରିଷଦ ସଦସ୍ୟ ନିହାର ରଞ୍ଜନ ବେହେରା, ରାଜ୍ୟସଭା ସଦସ୍ୟ ଙ୍କ ପ୍ରତିନିଧି ଜୟନ୍ତ ବେହେରା, ବ୍ଲକ ଉପାଧକ୍ଷା ନୀରୁପମା ପଧାନ, ପୂର୍ବତନ ବରିଷ୍ଠ କର୍ମୀ ପ୍ରବୀର ଭୋଇ , ଜଗବନ୍ଧୁ ପଧାନ, ଭରସୁଜା ଗ୍ରାମ ପଞ୍ଚାୟତ ସରପଞ୍ଚ ପ୍ରମିଳା ସାହୁ ମଞ୍ଚାସିନ ଅତିଥି ଭାବେ ଯୋଗ ଦେଇଥିଲେ l ଏହି ସଭାରେ ଆଗାମୀ 2024 ନିର୍ବାଚନ ରେ ଦଳର ସଂଗଠନକୁ ସୁଦୃଢ କରି ସମସ୍ତେ ନିଜ ନିଜ ମତ ଭେଦ କୁ ଭୁଲି  ତୃଣମୂଳ ସ୍ତରରୁ ସରକାରଙ୍କ ଲୋକଭିମୁଖି  ଯୋଜନା କୁ ଘରେ ଘରେ ପହଞ୍ଚାଇ ପାରିବା ସେ ବିଷୟରେ କର୍ମୀମାନେ ମତ ଦେଇଥିଲେ l ଆଗାମୀ ଦିନରେ କିପରି ଭାବରେ 2024 ନିର୍ବାଚନ ରେ ଭୋଟ ହାତେଇ ନବୀନ ସରକାରଙ୍କ ହାତ ମୁଠାକୁ ସୁଦୃଢ କରି ବିଜୟୀ କରିବାକୁ ସମସ୍ତ କର୍ମୀ ମାନଂକୁ ଆହ୍ବାନ ଦେଇଥିଲେ l ପ୍ରଥମେ କଳିକେଶ ନାରାୟଣ ସିଂଦେଓ, ନିହାରରଞ୍ଜନ ବେହେରା ଓ କର୍ମୀ ମାନେ ବିଭିନ୍ନ ସ୍ଲୋଗାନ ଦେଇ ପଦଯାତ୍ରା କରି ଗ୍ରାମ ପରିକ୍ରମା କରିଥିଲେ l ଏହାପରେ ମଞ୍ଚ ରେ ଅତିଥି ମାନେ ନିର୍ବାଚନ , ତଥା ଆଗାମୀ ରଣନୀତି କିପରି ପ୍ରସ୍ତୁତ କରାହେବ ସେ ବିଷୟରେ ଅତିଥି କର୍ମୀମାନେ ନିଜନିଜ ମତାମତ ଦେଇଥିଲେ l ଆଜିର ଏହି କର୍ମୀ ସମ୍ମିଳନୀ ରେ କିଛି ଅସନ୍ତୁଷ୍ଟ କର୍ମୀଙ୍କୁ ଦେଖିବାକୁ ମିଳିଥିଲା l ସେମାନେ ସଂଗଠନ ଆଡ଼କୁ ଅଙ୍ଗୁଳି ନିର୍ଦ୍ଦେଶ କରି ଅସନ୍ତୋଷ ବ୍ୟକ୍ତ କରିଥିଲେ l ଦଳରେ ନୂତନ କର୍ମୀ ମାନଙ୍କୁ ସାମିଲ କରାଯାଇ ପୁରୁଣା କର୍ମୀ ମାନଙ୍କୁ ଅଣଦେଖା କରା ଯାଉଥିବା ଅଭିଯୋଗ କରିଥିଲେ l ଆଜି ବହୁ କଂଗେସ ଓ ବିଜେପି ଦଳର କର୍ମୀ  ମାନଂକୁ ଦଳରେ ସାମିଲ କରାଯାଇ ଥିବାର ଦେଖିବାକୁ ମିଳିଥିଲା l ବରିଷ୍ଟ ସଦସ୍ୟ ପ୍ରବୀର ଭୋଇ , ଜଗବନ୍ଧୁ ପଧାନ ଦୀର୍ଘ 15 ବର୍ଷ ପରେ ଏହି କର୍ମୀ ସମ୍ମିଳନୀ ହେଉଛି ବୋଲି କହି କ୍ଷୋଭ ପ୍ରକାଶ କରିଥିଲେ l ଆଗାମୀ ନିର୍ବାଚନ ଉପରେ ଦଳ ଠିକ୍ ଭାବରେ ସଂଗଠନ ନ କଲେ ଏହାର ପ୍ରଭାବ ପଡ଼ିପରେ ବୋଲି ପ୍ରକାଶ କରିଥିଲେ l ଏହି ସଭାରେ ଲେଙ୍କା ସାହୁ , ରାମଚନ୍ଦ୍ର ମେହେର, କାଳିଆ ବରିହା, କୁହୁରୁ ସାହୁ , ପଦ୍ମଲୋଚନ ସାହୁ ପ୍ରମୁଖ ଶତାଧିକ କର୍ମୀ ଏହି କର୍ମୀ ସମ୍ମିଳନୀ ରେ ଯୋଗ ଦେଇଥିଲେ l