06-Nov-2023

ନିରୀହ ଚାଷୀଙ୍କ ସରଳତାର ସୁଯୋଗ ନେଇ ଠକି ଚାଲିଛି ସହଜ କେନ୍ଦ୍ର ।  କ୍ରପ୍ ଇନ୍‌ସ୍ୟୁରେନ୍ସ ପାଇଁ ଆବେଦନ କରିଥିବା ଜମିଜମା ସଂକ୍ରାନ୍ତୀୟ କାଗଜପତ୍ର କୁ ଚତୁରତାର ସହ ଜାଲିଆତି କରି ଏକାଧିକ ବ୍ୟକ୍ତିଙ୍କ ନାମରେ  ଶସ୍ୟ ବୀମା ପାଇଁ ଅବେଦନ କରିଥିବା କିଛି ଦଲାଲଙ୍କୁ ଗିରଫ କରିଛି ବଲାଙ୍ଗୀର ପୋଲିସ ବଲାଙ୍ଗୀର ଜିଲ୍ଲା କୃଷି କାର୍ଯ୍ୟାଳୟରୁ ଏପରି କିଛି ସଙ୍ଗୀନ ଅଭିଯୋଗ ପାଇବା ପରେ ବଲାଙ୍ଗୀର ପୋଲିସ ପକ୍ଷରୁ ତନାଘନା ଆରମ୍ଭ ହୋଇଥିଲା । ଅନୁସନ୍ଧାନରୁ ଜଣାପଡିଛି ଯେ, ବଲାଙ୍ଗୀରର କିଛି କଷ୍ଟମର୍ ସାର୍ଭିସ ସେଂଟର(ସିଏସ୍‌ସି) କେନ୍ଦ୍ରର ମାଲିକ ମାନଙ୍କ ସହ ହାତ କରି କିଛି ଅସାଧୁ ବ୍ୟକ୍ତି ଏପରି କାରବାର କରି ଆସୁଥିଲେ । 
କ୍ରପ୍ ଇନ୍‌ସ୍ୟୁରେନ୍ସ ପାଇଁ ଆବେଦନ କରୁଥିବା ନିରୀହ ଚାଷ ଙ୍କ କାଗଜପତ୍ର, ଆର୍‌ଓଆର୍ ଓ ଆଇଡେଣ୍ଟିଟି ପ୍ରୁଫ୍‌କୁ କଂପ୍ୟୁଟର ମାଧ୍ୟମରେ ଜାଲିଆତି କରି କିଛି ଦଲାଲ ନିଜ ନାଁ ରେ କ୍ରପ ଇନ୍‌ସ୍ୟୁରେନ୍ସ କରୁଥିବା ନେଇ ଅଭିଯୋଗ ଆସିଛି । ସଂପୃକ୍ତ ସହଜ କେନ୍ଦ୍ର ଓ ଏପରି ଦଲାଲ ମାନଙ୍କ ଅସାଧୁ ମେଣ୍ଟ ଯୋଗୁଁ ପ୍ରକୃତ ଚାଷୀ ନିଜ ପ୍ରାପ୍ୟରୁ ବଂଚିତ ହେଉଛି । ଏମାନେ ବହୁ ଦିନରୁ ଏପରି ଅନୈତିକ କାରବାର ଚଳାଇ ଆସିଥିଲେ ସୁଦ୍ଧା ପୋଲିସ ଏମାନଙ୍କ ଟେର ପାଇ ପାରୁ ନ ଥିଲେ । ତେବେ ଶେଷରେ ଏପରି କାରବାରରେ ଲିପ୍ତ ଥବା ୧୧ଜଣ ଦଲାଲଙ୍କୁ ପୋଲିସ ଗିରଫ୍ କରିବାରେ ସଫଳ ହୋଇଛି । ଏଥିସହ ଏହି ଦଲାଲ ମାନଙ୍କ ଠାରୁ ୧୬ଟି ମୋବାଇଲ ଫୋନ୍‌, ୭ଟି ଲେପ୍‌ଟପ୍ , ୫ ଟି ପ୍ରିଣ୍ଟରସ୍ , ୧୧ଟି ସିପିୟୁ, ୩ଟି ମୋନିଟର, ଓ ୪ଟି ସ୍କେନର ଜବତ କରିଛି ବଲାଙ୍ଗୀର ପୋଲିସ । ।ଆଜି ଅନୁଷ୍ଠିତ ଏକ ପେସ୍ ମିଟ୍ ମାଧ୍ୟମରେ ଏହି ସୂଚନା ଦେଇଛନ୍ତି ବଲାଙ୍ଗୀର ଏସ୍‌ପି ନିତନି କୁଶଲକର । ଗିରଫ ହୋଇଥିବା ଜଣ ୧୧ଜଣ ହେଲେ ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ଥାନା  ଭାଲୁମୁଣ୍ଡା ଗାଁ ର କୁବେର ମେହେର, ବିଦ୍ୟାଧର ମେହେର ଓ ହୀରାଧର ମେହେର, ସିନ୍ଧେକେଲା ଥାନା ଶ୍ରୀରାମ ଗାଁ ର ଶିଶିର ଭୋଇ ଓ ଚୋଡେଶ୍ୱର ବେହେରା, ସଙ୍ଗମରା ଗାଁ ର ଚମ୍ପାରାମ କୁମ୍ଭାର, ଡୁମେରପାଲି ଗାଁ ର ସାମନ୍ତ ମାଝୀ, ମୁରିବାହାଲ ଥାନା କନ୍ଦାଖାଲ ଗାଁ ର ବଳରାମ ବେହେରା ଓ ପତ୍ରାପାଲି ଗାଁ ର ପ୍ରବୀଣ ସାହୁ, ବଲାଙ୍ଗୀର ସଦର ଥାନା ବାଦିମୁଣ୍ଡା ଗାଁ ର ରାହୁଲ ରଂଜନ ଦୀପ  କଂଟାବାଞ୍ଜି ସହରର କୁନାଲ ଜିନ୍ଦଲ,କଳାହାଣ୍ଡି ଜିଲ୍ଲା କୁହୁରା ଗାଁ ର ଦୁର୍ଯ୍ୟୋଧନ ବାଗ, ପାଟଣାଗଡ଼ ମେହେର ପଡାର ସୁନୀଲ ମେହେର  ଓ ସଇଁନ୍ତଳା ଥାନା ଛନଛଡା ଗାଁ ର ପୁରେନ୍ଦ୍ର ପୁଟେଲ ବୋଲି ବଲାଙ୍ଗୀର ଏସ୍‌ପି ନିତିନ କୁଶଲକର ସୂଚନା ଦେଇଛନ୍ତି ।  ତେବେ ଚାଷୀ ମାନେ କୌଣସି ଗ୍ରାହକ ସେବା କେନ୍ଦ୍ର ରେ ନିଜର ଜମିଜମା କାଗଜପତ୍ରକୁ  ସେୟାର ନ କରିବା ପାଇଁ ପୋଲିସ ପକ୍ଷରୁ ଚାଷୀ ମାନଙ୍କୁ ସତର୍କ କରି ଦିଆଯାଇଛି ।