05-Nov-2023

ପାଟଣାଗଡ଼/ବେଲପଡ଼ା (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ବେଲପଡା ବ୍ଲକ ମଧ୍ୟପୁର ଗାଁ ର ନର୍ସରୀ ଖେଳ ପଡିଆ ଠାରେ ଆଜି ୧୫ ତମ ଗ୍ରାମାଞ୍ଚଳ ଫୁଟବଲ ପ୍ରତିଯୋଗିତା ର ଶୁଭାରମ୍ଭ ହୋଇଯାଇଛି। ଏହି କାର୍ଯ୍ୟକ୍ରମ ରେ ପାଟଣାଗଡ଼ ବିଧାୟକ ସରୋଜ କୁମାର ମେହେର ମୁଖ୍ୟ ଅତିଥି ଭାବେ ଯୋଗଦେଇ ଲାଲ୍ ଫିତା କାଟି ଖେଳ ର ଶୁଭାରମ୍ଭ କରିଥିଲେ। ପ୍ରଥମ ଦିନ ପ୍ରଥମ ପର୍ଯ୍ୟାୟରେ ସୁଲେକେଲା ଓ ବାହାବଲ ମଧ୍ୟରେ ପ୍ରତିଯୋଗିତା ହୋଇଥିବା ବେଳେ ସୁଲେକେଲା ଦଳ ବିଜୟୀ ହୋଇଛି।ଦ୍ବିତୀୟ ପର୍ଯ୍ୟାୟ ରେ ଖଇରମାଲ ଓ କଲ୍ଛିକଚାର ମଧ୍ୟରେ ହୋଇଥିଲାବେଳେ ଖଇରମାଲ ଦଳ ବିଜୟୀ ହୋଇଛି। ଉକ୍ତ ପ୍ରତିଯୋଗିତାରେ ୧୬ ଟି ଦଳ ଅଂଶଗ୍ରହଣ କରୁଥିବା ଜଣାପଡିଛି। ତାରିଖ ୧୧ ଓ ୧୨  ଦୁଇ

ଦିନ ସେମି ଫାଇନାଲ ଥିବା ବେଳେ ୧୩ ତାରିଖ ଦିନ ଫାଇନାଲ ମ୍ୟାଚ ରହିଛି। ଆଜିର ଖେଳ ପ୍ରତିଯୋଗିତାରେ ସମ୍ମାନିତ ଅତିଥି ଭାବେ ବିଧାୟକଙ୍କ ପ୍ରତିନିଧି କୁମୁଦ ମହାଖୁଡ (ବାପି), ମଧ୍ୟପୁର ସରପଞ୍ଚ ରାମଗୋପାଳ ନାଏକ, ବିଜେଡି ନେତା ସୁଦାମ ଦାସ, ସମିତି ସଭ୍ୟ କଳାପିକ ଯୋଗଦାନ କରି ଖେଳାଳୀ ମାନଙ୍କୁ ଉତ୍ସାହିତ କରିଥିଲେ। ଆଗାମୀ ଦିନରେ ଗ୍ରାମାଞ୍ଚଳରୁ ଜିଲ୍ଲା ସ୍ତରରେ କିପରି ଖେଳିପାରିବେ ଓ ଆହୁରି ଆଗେଇ ପାରିବେ ବୋଲି ଖେଳାଳିଙ୍କୁ ବିଧାୟକ ସରୋଜ କୁମାର ମେହେର ଉପଦେଶ ଦେଇଛନ୍ତି।