05-Nov-2023

ବଲାଙ୍ଗିର (ପ୍ରେରଣା ଖବର ): ବଲାଙ୍ଗିର ଟିଟିଲାଗଡ଼ ରାସ୍ତା ସ୍ଥିତ ଦେଓଗାଁ ଥାନା ଅନ୍ତର୍ଗତ ବହଲି ଛକ ନିକଟରେ ଏକ ଅଜଣା ଗାଡ଼ି ଧକ୍କାରେ ଜଣେ ଯୁବକଙ୍କ ମୃତ୍ୟୁ ହୋଇଥିବା ବେଳେ ଆଉ ଜଣେ ଗୁରୁତର ଅବସ୍ଥାରେ ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁବରଣ କରିଥିବା ଜଣାଯାଇଛି । ମୃତ ଦୁଇ ସାଙ୍ଗ ଙ୍କ ମଧ୍ୟରୁ ଜଣେ ଯୁବକଙ୍କ ନାମ ସୁମନ ବଇଠାରୁ ହୋଇଥିବା ବେଳେ ଆଉ ଜଣଙ୍କର ପରିଚୟ ମିଳି ପାରିନାହିଁ । ମିଳିଥିବା ସୂଚନା ଅନୁସାରେ ସୁମନ ଓ ତାଙ୍କର ଜଣେ ସାଙ୍ଗ ବଲାଙ୍ଗିରରୁ ଟିଟିଲାଗଡ଼ ରାସ୍ତା ରେ ଯାଉଥିଲେ । ନିଶାସକ୍ତ ଅବସ୍ଥାରେ ସେମାନେ ବାଇକ ଚଳାଉଥିବା ବେଳେ ବହଲି ଛକ ନିକଟରେ ଏକ ଅଜଣା ଗାଡ଼ି ତାଙ୍କୁ ଧକ୍କା ଦେଇ ଫେରାର ମାରିଥିଲା । ଫଳରେ ଘଟଣାସ୍ଥଲରେ ସୁମନ ଙ୍କ ମୃତ୍ୟୁ ହୋଇଥିବା ବେଳେ ତାଙ୍କର ସାଙ୍ଗ ଗୁରୁତର ଆହତ ହୋଇଥିଲେ । ସ୍ଥାନୀୟ ଯୁବକ ଙ୍କ ସହାୟତା ରେ ଅଗ୍ନିଶମ ବାହିନୀ ତାଙ୍କୁ ଉଦ୍ଧାର କରି ଭୀମ ଭୋଇ ମେଡିକାଲ କୁ ଆଣିଥିଲା। ଡାକ୍ତର ସ୍ବାସ୍ଥ୍ୟ ପରୀକ୍ଷା କରି ଦୁଇ ସାଙ୍ଗକୁ ମୃତ ଘୋଷଣା କରିବା ପରେ ତାଙ୍କର ମୃତଦେହ କୁ ବ୍ୟବଚ୍ଛେଦ ପାଇଁ ପଠାଯାଇଛି ।