01-Nov-2023

 ବଲାଙ୍ଗିର(ସନ୍ତୋଷ କୁମାର ଠାକୁର): ପାଟଣାଗଡ ବ୍ଲକ ଗେର୍ଡ଼l ପଞ୍ଚାୟତ ର ଲକ୍ଷ୍ମୀମୁଣ୍ଡା ଗାଁ ରେ  ଜ଼ିଲ୍ଲା ଆଦିବାସୀ କଲ୍ୟାଣ ସଂଘ ର ନୁଆଁଖାଇ ଭେଟଘାଟ ଅବସରରେ ଗାଁ ରେ ବିଶାଳ  ସାଂସ୍କୃତିକ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି l ଶୋଭାଯାତ୍ରା ପରେ ଫୁଟବଲ ପଡ଼ିଆ ରେ ନୁଆଁଖାଇ ଭେଟଘାଟ ଉପଲକ୍ଷେ  ସମ୍ମିଳନୀ ହୋଇଥିଲା l ଶୋଭାଯାତ୍ରା ରେ କୀର୍ତ୍ତନ ଦଳ ସାମିଲ ହୋଇଥିଲେ l   ରାଜ୍ୟସଭା ସାଂସଦ ନିରଞ୍ଜନ ବିଶି l ଗାଁରେ  ସାଂସ୍କୃତିକ ଶୋଭାଯାତ୍ରା ରେ ଗାଁ ପରିକ୍ରମା କରିଥିଲେ  ଗ୍ରାମବାସୀ l ଗାଁରେ  ସାଂସଦ ଙ୍କୁ ଭବ୍ୟ ସ୍ୱାଗତ ସମ୍ବର୍ଦ୍ଧନା ଜଣାଇଥିଲେ  l   ଆଦିବାସୀ ସଂଘ ର ବ୍ଲକ ସଭାପତି ଭୁବନେଶ୍ୱର କୁଅଁର ଙ୍କ ସଭାପତିତ୍ୱ ରେ ବିଶାଳ

ସଭା କୁ ଉଦବୋଧନ ଦେଇଥିଲେ ରାଜ୍ୟସଭା ସାଂସଦ ନିରଞ୍ଜନ ବିଶି l ଓଡିଶା ସରକାର ଙ୍କ ଜନହିତକର ଯୋଜନା, ଆଦିବାସୀ ସଶକ୍ତିକରଣ ଯୋଜନା, ମହିଳା, ଚାଷୀ, ଶ୍ରମିକ ସଶକ୍ତିକରଣ ଯୋଜନା ବିଷୟରେ ଆଲୋକପାତ କରିଥିଲେ l ଆଦିବାସୀ ଦେବଦେବୀ ପୀଠ ରେ ସେବାପୂଜା କରୁଥିବା ଆଦିବାସୀ ଝାଙ୍କର, ପୁଝାରୀ,ସେବାକାରୀ ମାନଙ୍କୁ ସ୍ୱତନ୍ତ୍ର ଉନ୍ନୟନ ପରିଷଦ ତରଫରୁ ମାସକୁ ୬ ଶହ ଟଙ୍କା ଭତ୍ତା, ସାଂସ୍କୃତିକ ଦଳ ର କଳାକାର ମାନଙ୍କୁ ଡ୍ରେସ, ବାଦ୍ୟ ସାମଗ୍ରୀ ପ୍ରଦାନ, ଆଦିବାସୀ ଖେଳାଳି ମାନଙ୍କୁ ଫୁଟବଲ, କ୍ରିକେଟ, ଭଲିବଲ, ହକି, ତୀରନ୍ଦାଜ ର କ୍ରୀଡା ସାମଗ୍ରୀ ପ୍ରଦାନ ବ୍ୟବସ୍ଥା କୁ ରାଜ୍ୟସଭା ସାଂସଦ ନିରଞ୍ଜନ ବିଶି ପ୍ରକାଶ କରି ଓଡିଶା ସରକାର ଙ୍କୁ ପ୍ରଶଂସା କରିଥିଲେ l   ରେଙ୍ଗାଲି ଠାରେ କେନ୍ଦ୍ର ଆଦିବାସୀ କାର୍ଯ୍ୟ ମନ୍ତ୍ରଣାଳୟ ତରଫରୁ ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟ ପ୍ରତିଷ୍ଠା ଉପରେ ବକ୍ତା ମାନେ ଆଲୋକପାତ କରିଥିଲେ l      ଓଡିଶା ସରକାର ଙ୍କ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା, କାଳିଆ ବଳିଆ ଯୋଜନା, ଆଦିବାସୀ ସଶକ୍ତିକରଣ ଯୋଜନା, ମହିଳା ଶସକ୍ତିକରଣ ଯୋଜନା ଭଳି ଜନହିତକର ଯୋଜନାରେ ସାମିଲ ହେବା ପାଇଁ ଆହ୍ୱାନ କରାଯାଇଥିଲା l   ଆଦିବାସୀ ଏବଂ ଅନ୍ୟାନ୍ୟ ବନବାସୀ ଙ୍କ ଜଙ୍ଗଲ ଜମି ଅଧିକାର ସ୍ୱୀକୃତି ଆଇନ ଅନୁସାରେ ଜଙ୍ଗଲ ଜମି ର ପଟ୍ଟା ପ୍ରଦାନ, ବେଛାପରି ଗାଁ ଗୁଡିକୁ ରାଜସ୍ବ ଗ୍ରାମର ମାନ୍ୟତା ପ୍ରଦାନ, ଆଦିବାସୀ ଛାତ୍ରଛାତ୍ରୀ ମାନଙ୍କୁ ମହାବିଦ୍ୟାଳୟ ଗୁଡିକ ରେ ସିଟ ର ଅଭାବ ହେଉଥିବା ରୁ ସିଟ ବୃଦ୍ଧି କରିବା , ଏଟ୍ରୋସିଟି କେଶ ରେ ଅଭିଯୁକ୍ତ ମାନଙ୍କୁ ଗିରଫ କରିବା, ଆଦିବାସୀ ଛାତ୍ରଛାତ୍ରୀ

ମାନଙ୍କ ଷ୍ଟାଇପେଣ୍ଡ ବୃଦ୍ଧି କରିବା, ଆଦିବାସୀ ମାନଙ୍କ ପାଇଁ ଖାଲି ପଡ଼ିଥିବା ପଦବୀ ଗୁଡିକୁ ସ୍ୱତନ୍ତ୍ର ନିଯୁକ୍ତି ପ୍ରକ୍ରିୟା ରେ ପୂରଣ କରିବା ପାଇଁ  ମଧ୍ୟ ବକ୍ତା ମାନେ ସରକାର ଦୃଷ୍ଟି ଦେବାକୁ ଦାବୀ କରିଥିଲେ l ସଭା ରେ  ମୁଖ୍ୟଅତିଥି ଭାବରେ  ରାଜ୍ୟସଭା ସାଂସଦ ନିରଞ୍ଜନ ବିଶି,ସମ୍ମାନିତ ବକ୍ତା ଭୁବନେଶ୍ୱର କୁଅଁର, ରଂଜିତ ବରିହା,ଜଳଧର ଧରୁଆ, ଗନ୍ଧର୍ବ ବରିହା, ଗିରିଧାରୀ ଭୋଇ, ଦୁର୍ୟୋଧନ ବର୍ଗେ ମଞ୍ଚାସିନ ଥିଲେ l ପାଟଣାଗଡ ବ୍ଲକ  ମୁଖ୍ୟ ଉପଦେଷ୍ଟା ଧୂବଳେଶ୍ୱର ଭୋଇ ସଭା ପରିଚାଳନା କରିଥିଲେ l