01-Nov-2023

ବଲାଙ୍ଗିର  : ଆଜି ବଲାଙ୍ଗିର ସଦେଇପାଳି ନିକଟରେ ଥିବା ନୂତନ ବିସ୍ଥାପିତ କଲୋନୀ ନୂତନ ଅଙ୍ଗନୱାଡି କେନ୍ଦ୍ର ଉଦଘାଟନ କରିଛନ୍ତି ଜିଲ୍ଲାପାଳ ଶ୍ରୀ ଚଞ୍ଚଲ ରାଣା । ଜିଲ୍ଲାପାଳ ଏହାର ଉଦଘାଟନ କରିବା ସହ ଅଙ୍ଗନୱାଡି କର୍ମୀ ଏବଂ ସହାୟିକଙ୍କୁ ଅବସ୍ଥାପିତ ପତ୍ର ଦେଇଥିଲେ । ବିସ୍ଥାପିତ କଲୋନୀ ମାନଙ୍କରେ ଆଗାମୀ ଦୁଇ ମାସ ମଧ୍ୟରେ ସମସ୍ତ ଅଙ୍ଗନୱାଡି କେନ୍ଦ୍ରଗୁଡ଼ିକ ସ୍ଥାୟୀ ଘରେ କାର୍ଯ୍ୟକ୍ଷମ ହେବା ସହ

କେନ୍ଦ୍ର ଗୁଡିକର ସମସ୍ତ ଆବଶ୍ୟକତା ପୂରଣ କରାଯିବ ବୋଲି ଜିଲ୍ଲାପାଳ କହିଥିଲେ । ଏହା ସହ ଯେଉଁ ଅଙ୍ଗନୱାଡି କର୍ମୀ ଓ ସହାୟୀକା  ଭଲ କାମ କରିବେ ସେମାନଙ୍କୁ ପୁରସ୍କୃତ କରାଯିବ । ତେଣୁ ସମସ୍ତେ ଭଲ କାମ କରିବା ସହ କଲୋନୀ କୁ ଆଦର୍ଶ ରୂପେ ଗଢି ତୋଳିବାକୁ ଜିଲ୍ଲାପାଳ ପରାମର୍ଶ ଦେଇଥିଲେ । ଲୋୟୋର ସୁକତେଲ ବିସ୍ଥାପିତ କଲୋନୀରେ ସ୍ଥାୟୀ ପାଣି ଯୋଗାଣ ଡିସେମ୍ବର ଶେଷ ସୁଦ୍ଧା ସଂପୂର୍ଣ୍ଣ ହେବ । ରାସନ, ଭୋଟର କାର୍ଡ ଆଦି କୌଣସି ଅସୁବିଧା ସାମ୍ନା କଲେ କଲୋନୀବାସୀ ସ୍ଥାନୀୟ ବିଡିଓ ଙ୍କୁ ଜଣେଇବାକୁ କହିଥିଲେ । ଏହାର ତୁରନ୍ତ ପ୍ରତିକାର କରାଯିବାକୁ ଜିଲ୍ଲାପାଳ ଉପସ୍ଥିତ ସମସ୍ତଙ୍କୁ କହିଥିଲେ । ୧୫ଟି ଅଙ୍ଗନୱାଡିରେ ୩୦ ଜଣଙ୍କୁ ଏହି  ନିଯୁକ୍ତି ଦିଆଯାଇଛି । ଜ୍ୟୋତ୍ସ୍ନାମୟୀ ଦେଓ , ଚନ୍ଦ୍ରିକା ସା ,

ଦିବ୍ୟଶ୍ରୀ ସାହା , ରଞ୍ଜିତା ନାଏକ , ମୁଖି  ସାହୁ, ସବିତା ଘିବେଲା, ଜମ୍ବୋଦିନୀ ପଟେଲ , ସୁକାନ୍ତି ପାରାଭୁଏ, ମାଲତୀ ପଟେଲ , ତପସ୍ଵିନୀ ପାଣ୍ଡେ, ଅହଲ୍ୟା ମହାନନ୍ଦ, ପ୍ରତିମା ରାଣା ,ମମତା ଭୁଏ , ଜାନକୀ ଭୁଏ , ସଚଳାରାଣୀ ପଧାନ, ବନିଆ ଭୋଇ , ଚନ୍ଦ୍ରମା ପଧାନ, କାଞ୍ଚନ ବିଶ୍ଵାଳ , କଲ୍ଯାଣୀ ବାଗ, ରଜନୀ ଧରୁଆ, ବବିତା ପଧାନ , ବିଜୟଲକ୍ଷ୍ମୀ ପଧାନ, ତପସ୍ଵିନୀ ଉଦୁରୁକୁଲିଆ , ଜମ୍ବୋବତୀ ପୋଢ, ହିରା ପୁଟା, ନୂଆଦେଇ ପାଣ୍ଡେ, ସୂର୍ଯ୍ୟା ହାତୀ ,ଅର୍ଚନା ସାହୁ , ଶୋଭାଗିନୀ ମହାକୁର , ପ୍ରଭାସିନୀ ବାଗ ଙ୍କୁ ଅଙ୍ଗନୱାଡି କର୍ମୀ ଓ ସହାୟୀକା  ରୂପେ ଅବସ୍ଥାପିତ କରାଯାଇଛି ।