01-Nov-2023

ସୁବର୍ଣ୍ଣପୁର ଜିଲ୍ଲା ସ୍ୱାସ୍ଥ୍ୟ ସମିତି ତରଫରୁ ଜିଲ୍ଲା ତାଲିମ କେନ୍ଦ୍ର ଠାରେ ଅତିରିକ୍ତ ଜିଲ୍ଲାପାଳ ଅଞ୍ଜଳିନା ପଧାନ ଙ୍କ ଅଧ୍ୟକ୍ଷତାରେ ବିଶ୍ୱ ଷ୍ଟ୍ରୋକ ଦିବସ ପାଳିତ ହୋଇଯାଇଛି l ଉକ୍ତ କାର୍ଯ୍ୟକ୍ରମରେ ଜିଲ୍ଲା ଜନ ସ୍ୱାସ୍ଥ୍ୟ ଅଧିକାରୀ ଡ଼ା. ମନୋଜ କୁମାର ଅଦାବର, ଅତିରିକ୍ତ ଜିଲ୍ଲା ଜନ ସ୍ୱାସ୍ଥ୍ୟ ଅଧିକାରୀ (ଡିସି)ଡ଼ା.ରମେଶ ଚନ୍ଦ୍ର ସ୍ୱାଇଁ, ବରିଷ୍ଠ ନାଗରିକ ସଂଘ ଉପ ସଭାପତି ଆର୍ତତ୍ରାଣ ବାବୁ, ସମ୍ପାଦକ ଜ୍ୟୋତିରଞ୍ଜନ ପଟ୍ଟନାୟକ,ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ , ଅଶ୍ୱିନୀ କୁମାର ଭୋଇ, ଜିଲ୍ଲା ପ୍ରୋଗ୍ରାମ୍ ମ୍ୟାନେଜର ବିଶ୍ୱମ୍ବର ବେହେରା ପ୍ରମୁଖ ମଞ୍ଚାସିନ ଥିଲେ l ଅତିଥି ମାନେ ବିଶ୍ୱ ଷ୍ଟ୍ରୋକ ଦିବସ ପାଳନର ଆଭିମୁଖ୍ୟ, ତାତ୍ପର୍ଯ୍ୟ ଉପରେ ଆଲୋକପାତ କରିବା ସହ ଷ୍ଟ୍ରୋକ ର ଲକ୍ଷଣ, ପ୍ରକାର ଓ ନିରାକରଣ ଉପରେ ଜନ ସଚେତନତା ସୃଷ୍ଟି କରି, ମୃତ୍ୟୁ ସଂଖ୍ୟା କୁ ବହୁମାତ୍ରାରେ ପ୍ରତିରୋଧ କରାଯାଇ ପାରିବ ବୋଲି ମତବ୍ୟକ୍ତ କରିଥିଲେ l ସମସ୍ତେ  ଏକ ନିର୍ଦ୍ଧିଷ୍ଟ ବୟସ ପରେ ପରେ ସମୟୋପଯୋଗୀ ଖାଦ୍ୟ ପାନୀୟ ଗ୍ରହଣ ସହ ଆବଶ୍ୟକ ସ୍ୱାସ୍ଥ୍ୟ ପରୀକ୍ଷା ଦ୍ୱାରା ଷ୍ଟ୍ରୋକ ପ୍ରଭାବର କୁପରିଣତିକୁ ରୋକା ଯାଇ ଏକ ସୁସ୍ଥ୍ ସୁନ୍ଦର ସମାଜ ଗଠନ କରିବାରେ ସହାୟକ ହୋଇ ପାରିବା l ଅତିରିକ୍ତ ଜିଲ୍ଲା ଜନସ୍ୱାସ୍ଥ୍ୟ ଯୋଗାଯୋଗ ଅଧିକାରୀ ବୃନ୍ଦାବନ ସାହୁ ଙ୍କ ପ୍ରତ୍ୟକ୍ଷ ତତ୍ୱାବଧାନରେ ଦିବସରେ ବିଭିନ୍ନ କାର୍ଯ୍ୟକ୍ରମ ପରିଚାଳିତ ହୋଇଥିଲା l ଦିବସ ପରିପ୍ରେକ୍ଷୀରେ ଅନୁଷ୍ଠିତ ସଭାରେ ଉପସ୍ଥିତ ୭୫ ଜଣ ଅଂଶଗ୍ରହଣ କାରୀଙ୍କ ଉଚ୍ଚରକ୍ତଚାପ ଓ ମଧୁମେହ ପରୀକ୍ଷା ଡ଼ା. ନରେନ୍ଦ୍ର କୁମାର ମେହେର ମେଡ଼ିସିନ ସ୍ପେସିଆଲିଷ୍ଟ ଙ୍କ ନେତୃତ୍ୱରେ କରାଯାଇଥିଲା l ସଭାରେ ସହ ପରିଚାଳନ ଅଣସଂକ୍ରାମକ ରୋଗ ଗୀତାଞ୍ଜଳି ମେହେର, ସହ ପରିଚାଳକ ଆଶା ତରଣୀସେନ ପ୍ରଧାନ, ଏଫ.ଏଲ.ଏ, ସମରେନ୍ଦ୍ର ମିଶ୍ର, ଡି ଏମ ଏଚ ପି ସୁପରଭାଇଜର ଅନୁପ ରଞ୍ଜନ ଦାଶ ସହଯୋଗ କରିଥିଲେ l ସଭାରେ ବରିଷ୍ଠ ନାଗରିକ ସଂଘ କର୍ମ କର୍ତ୍ତା, ସ୍ୱାସ୍ଥ୍ୟ ଅଧିକାରୀ, ଆଶା ଓ ସାମ୍ବାଦିକ ପ୍ରମୁଖ ଯୋଗ ଦେଇଥିଲେ l ଶେଷରେ ସ୍ୱାସ୍ଥ୍ୟ ପରିଦର୍ଶକ ପ୍ରମୋଦ କୁମାର ସାହୁ ଧନ୍ୟବାଦ ପ୍ରଦାନ କରିଥିଲେ l