01-Nov-2023

ବେଲପଡ଼ା(ପୁର୍ଣ୍ଣ ଶଶୀ ଶେଖର ରାଓ ): ବଲାଙ୍ଗିର ଜିଲ୍ଲା ର ସମସ୍ତ ବ୍ଳକରେ ମୋ ଓଡିଶା ନବୀନ ଓଡ଼ିଶା କାର୍ଯ୍ୟକ୍ରମ ରହିଥିବାବେଳେ ବଲାଙ୍ଗିର ଜିଲ୍ଲା ବେଲପଡା ବ୍ଲକ ଦିନରଘୁ ମେହେର ଉଚ୍ଚ ବିଦ୍ୟାଳୟର ଖେଳ ପଡିଆ ଠାରେ ମଧ୍ୟ ଆମ ଓଡ଼ିଶା ନବୀନ ଓଡ଼ିଶା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। କାର୍ଯ୍ୟକ୍ରମ ର ପ୍ରଥମେ ୫ ଟି ଅଧ୍ୟକ୍ଷ ଭି,କେ ପାଣ୍ଡିଆନ ଉପସ୍ଥିତ ଥିବା ସମସ୍ତ ଜନପ୍ରତିନିଧି ମାନଙ୍କୁ ଭିଡିଓ କନଫରେନ୍ସ ଜରିଆରେ ସ୍ବାଗତ ଜଣାଇଥିଲେ। ଏବଂ ବଲାଙ୍ଗିର ଜିଲ୍ଲା ଗସ୍ତ ସମୟରେ ଅଞ୍ଚଳର ବିକାଶ ପାଇଁ ଯାହା ଦାବି ଥିଲା ତାହା ସବୁ ଅନୁଦାନ ଦିଆଯାଇଥିବା କହିଥିଲେ। ବେଲପଡା ବ୍ଳକ ରେ ହୋଇଥିବା କାର୍ଯ୍ୟକ୍ରମ ରେ ପାଟଣାଗଡ଼ ବିଧାୟକ ସରୋଜ କୁମାର ମେହେର ଉପସ୍ଥିତ ଥିଲେ ଓ ଭିଡ଼ିଓ କନ୍ଫରେନ୍ସ ମାଧ୍ୟମରେ ନିଜ ଅଞ୍ଚଳର ବିକାଶ ପାଇଁ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଅର୍ପଣ କରିଥିବା ସହ ନିଜ ଅଭିଭାଷଣ ରଖିଥିଲେ। କାର୍ଯ୍ୟକ୍ରମ ରେ ତହସିଲଦାର ବନ ହରପାଲ, ବିଡ଼ିଓ ରାଜେଶ ମେହେର,ବିଧାୟକ ପ୍ରତିନିଧି କୁମୁଦ ମହାଖୁଡ (ବାପି), ପଞ୍ଚାୟତ ସମିତି ଅଧ୍ୟକ୍ଷା କୁମାରୀ ଟିନା କୁମ୍ଭାର, ଉପାଧ୍ୟକ୍ଷ ଦୁର୍ଯ୍ୟୋଧନ କୁମ୍ଭାର, ସମସ୍ତ ସରପଞ୍ଚ, ସମସ୍ତ ସମିତି ସଭ୍ୟ, ଜିଲ୍ଲା ପରିଷଦଙ୍କ ସହ ବେଲପଡା ବ୍ଳକ କାର୍ଯ୍ୟାଳୟ ର ସମସ୍ତ କର୍ମଚାରୀ ଉପସ୍ଥିତ ଥିଲେ।ବେଲପଡା ବ୍ଳକ ର ତିନି ହଜାରରୁ ଉର୍ଦ୍ଧ୍ଵ ପୁରୁଷ ଓ ମହିଳା ଯୋଗଦାନ କରିଥିଲେ।

ଆମ ଓଡିଶା ନବୀନ ଓଡିଶା ମାଧ୍ୟ୍ୟମରେ ପାଟଣାଗଡ଼ ନିର୍ବାଚନ ମଣ୍ଡଳୀର ୭୫ଗୋଟି ପଞ୍ଚାୟତ ପାଇଁ ୩୭ କୋଟି ୫୦ ଲକ୍ଷ ଟଙ୍କା ଅନୁଦାନ ମଞ୍ଜୁର କରିଥିବାରୁ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ 5T ଅଧ୍ୟକ୍ଷ  ଭି କେ ପାଣ୍ଡିଏନଙ୍କୁ ପାଟଣାଗଡ଼ ଜନସାଧାରଣ ତରଫରୁ  ପାଟଣାଗଡ ବିଧାୟକ ସରୋଜ କୁମାର  ଧନ୍ୟବାଦ ଅର୍ପଣ କରିଛନ୍ତି l