01-Nov-2023

ଓଡିଶା , ପଶ୍ଚିମ୍ବଓଡିଶା ତଥା ସମ୍ବଲପୁରର ଜଣେ ପ୍ରତିଭାବାନ୍ ଅଭିନେତା ମନୋଜ ମିଶ୍ରଙ୍କୁ  ଓଡିଶା ସିନେ ପ୍ରଯୋଜକ ସଂଘ ପକ୍ଷରୁ ବାସନ୍ଦ କରାଯାଇଥିବାରୁ ପଶ୍ଚିମ ଓଡିଶା  ପ୍ରଯୋଜକ ସଂଘ ( ପୋପା ) ପକ୍ଷରୁ ତାହାକୁ ପ୍ରତିବାଦ କରାଯିବା ସହ ଦୃଢ ନିନ୍ଦା କରାଯାଇଛି । ଆଜି ବଲାଙ୍ଗୀରଠାରେ ସଂଘର କାର୍ୟକାରୀ ସଭାପତି ଶରତ ମହାକୁରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏକ ଜରୁରୀ ବୈଠକରେ ଯେ କୌଣସି ବ୍ୟକ୍ତିଗତ ମତବ୍ଯକ୍ତ ନିମନ୍ତେ ଜଣେ କଳାକାରଙ୍କୁ ଏଭଳି ବାସନ୍ଦ କରାଯିବା ଅନ୍ୟାୟ  ଓ  ଏହା  ପଶ୍ଚିମଓଡିଶାର ସମସ୍ତ କଳାକାରଙ୍କ ଭାବାବେଗକୁ ଆଘାତ ଦେଇଥିବାରୁ ସଂଘର ସଦସ୍ୟମାନେ ଉଦବେଗ ପ୍ରକାଶ କରିଥିଲେ I ମଞ୍ଚାସୀନ ଅତିଥି ବରିଷ୍ଠ କଳାକାର ମୁରଲୀଧରୀ ପତି,  କପିଳେଶ୍ଵର ଖମାରି, ସଂଘର ସମ୍ପାଦକ ଦେବେନ୍ଦ୍ର ସାହୁ, ସଂଗଠନ ସମ୍ପାଦକ ମାଧବ ବାରିକ, କେଦାର ଥନାପତି ତାଙ୍କର ବକ୍ତବ୍ୟ ରଖିଥିଲେ I ପୂର୍ବ ଓଡିଶା ର ପ୍ରାୟୋଜକ କଳାକାରମାନେ ସୋସିଆଲ ମିଡ଼ିଆରେ ନାନାପ୍ରକାର ଅଶାଳୀନ ମନ୍ତବ୍ୟ ଭାଇରାଲ କରୁଥିବାରୁ ନିନ୍ଦା କରାଯାଇଥିଲା I ଓଡିଶା ସିନେ ପ୍ରଯୋଜକ ସଂଘ ନିସର୍ତ୍ତ ଭବରେ ଅଭିନେତା ମନୋଜ ମିଶ୍ରଙ୍କ ଉପରୁ ବାସନ୍ଦ ପ୍ରତ୍ୟାହାର କରିବାକୁ ବିଚାରବିମର୍ଶ ପୂର୍ବକ ସର୍ବସମ୍ମତିକ୍ରମେ ଦାବି କରାଯାଇଛି  ।   ଏହି ଅଞ୍ଚଳରେ ଏକ ଫ୍ଲିମ ସିଟି ନିର୍ମାଣ  ଦାବୀ   କରାଯିବ ବୋଲି  ମତପ୍ରକାଶ ପାଇଛି l  ଏହି ବୈଠକରେ ଉଗ୍ରସେନ ଷଡଙ୍ଗୀ, ବ୍ରହ୍ମାନଂଦ ବନଛୋର, ନିସାର ମହମ୍ମଦ ନିସାର, ଦିଲ୍ଲୀପ ଦୀପ  ପ୍ରକାଶ ଷଡଙ୍ଗୀ, ଅଶୋକ ଦୀପ, ଅନିତା ତ୍ରିପାଠୀ, ନବୀନ ବେହେରା, ରାଜ ସେନ୍ଦ୍ରିଆ , ତ୍ରିନାଥ ନନ୍ଦ, ଅର୍ଜୁନ ବିଭାର ,ରୋଜିସ୍ମିତା ହୋତା,ସୁରେଶ୍ ରଥ, ମହେଶ ମେହେର, କୁମୁଦିନୀ ପୃଷ୍ଠି  ,ସୁସାନ୍ତ ନନ୍ଦ, ଅର୍ଜୁନ ସାହୁ, ପ୍ରକାଶ ଥନାପତି,ସମୀର, ରାମ ଦାସ, ସଂଗୀତା ଦାସ,ସନ୍ତୋଷ ହୋତା ପ୍ରମୁଖ ଯୋଗଦାନ କରି ତାଙ୍କର ମନ୍ତବ୍ୟ ପ୍ରଦାନ କରିଥିଲେ I  ଶେଷରେ ସଂଘର   ସଂଗଠନସମ୍ପାଦକ ଧନ୍ୟବାଦ ଅର୍ପଣ କରିଥିଲେ I