31-Oct-2023

ବଲାଙ୍ଗୀର ଜିଲ୍ଲାର ଡାଲଖାଇ, ହୁମୋ ବଉଳି, ଢାପ୍, ଘୁଡ଼କା ଆଦି ଲୋକକଳା ଅତି ପ୍ରାଚୀନ ଏଵଂ ସ୍ଵତନ୍ତ୍ର l ଆଜି ମଧ୍ୟ ବଲାଙ୍ଗୀର ଜିଲ୍ଲାର ଗ୍ରାମାଞ୍ଚଳର ନାରୀ ମାନେ ଡାଲଖାଇ, ହୁମୋ ବଉଳି ଆଦି ଲୋକକଳା କୁ ବଞ୍ଚାଇ ରଖିବାକୁ ସଂଘର୍ଷରତ। ପ୍ରୋତ୍ସାହନ ଅଭାବରୁ ଦାଦନ ପ୍ରବଣ ବଲାଙ୍ଗୀରରେ ଉପରୋକ୍ତ ମହାନ୍ ଲୋକକଳା ହଜିବାକୁ ବସିଲାଣି । ଏହି ଲୋକକଳା କୁ ପୁନରୁଦ୍ଧାର ସହ ପ୍ରଚାର ପ୍ରସାର ପାଇଁ ବଲାଙ୍ଗୀର ଜିଲ୍ଲାରେ ଡାଲଖାଇ, ହୁମୋ ବଉଲି, ଢ଼ାପ୍, ଘୁଡକା ଆଦିର ପ୍ରଶିକ୍ଷଣ ଏବଂ ଗବେଷଣା କେନ୍ଦ୍ର ପ୍ରତିଷ୍ଠା ପାଇଁ ତହଁକ୍ କୁଟୁମ ପକ୍ଷରୁ ଡେପୁଟି କଲେକ୍ଟରଙ୍କ ଜରିଆରେ ଜିଲ୍ଲାପାଳଙ୍କୁ ଅନୁରୋଧ ପତ୍ର ପ୍ରଦାନ କରାଯାଇଛି। ଓଡିଶା ସଙ୍ଗୀତ ନାଟକ ଏକାଡେ଼ମୀ, ସଙ୍ଗୀତ ନାଟକ ଏକାଡେ଼ମୀ ଭାରତ ସରକାର ତଥା ପଶ୍ଚିମ ଓଡ଼ିଶା ବିକାଶ ପରିଷଦ କୁ ମଧ୍ୟ ଅନୁରୋଧ ପତ୍ର ଦିଆଯିବ ବୋଲି ତହଁକ୍ ସମ୍ପାଦକ ରାଜେଶ୍ ଦଣ୍ଡସେନା ଜଣାଇଛନ୍ତି । ବଲାଙ୍ଗୀର ଜିଲ୍ଲାରେ ଲୋକକଳା ଗବେଷଣା କେନ୍ଦ୍ର ତଥା ପ୍ରଶିକ୍ଷଣ କେନ୍ଦ୍ର ପ୍ରତିଷ୍ଠା ହେଲେ ପଡୋଶୀ ଜିଲ୍ଳା ଉପକୃତ ହେବା ସହ ଦାଦନ ସମସ୍ୟା ପ୍ରଶମିତ ହେବ ବୋଲି  ତହଁକ ମୂଖ୍ୟ ସମ୍ପାଦକ ଅର୍ଜୁନ କୁମାର ସାହୁ କହିଛନ୍ତି। ଆଗାମୀ ଦିନରେ ପଶ୍ଚିମ ଓଡିଶା ର ବିଭିନ୍ନ ଜିଲ୍ଲା ର ଲୋକକଳା/ ସଂସ୍କୃତି ପୁନରୁଦ୍ଧାର ଏବଂ ପ୍ରଚାର ପ୍ରସାର ପାଇଁ ପ୍ରତ୍ୟେକ ଜିଲ୍ଲାରେ ସେହି ଜିଲ୍ଲା ର ମୌଳିକ କଳାର ପ୍ରଶିକ୍ଷଣ କେନ୍ଦ୍ର ଖୋଲିବାକୁ ସରକାରଙ୍କୁ ନିବେଦନ ପତ୍ର ପଠାଯିବ ବୋଲି ତହଁକ କୁଟୁମ ତରଫରୁ ସୂଚନା ଦିଆଯାଇଛି।
ଦାବିପତ୍ର ଦେବାବେଳେ ଗବେଷକ କପିଳେଶ୍ୱର ଖମାରୀ, ସଂଗଠକ ଅଶୋକ କୁମାର ସାହୁ, ସାମ୍ବାଦିକ ବିଭୁକଲ୍ୟାଣ ଗଡତ୍ୟା, କବୟିତ୍ରୀ ତପସ୍ୱିନୀ ପଶାୟତ ପ୍ରମୁଖ ଉପସ୍ଥିତ ରହିଥିଲେ ।