19-Oct-2023

ବଲାଙ୍ଗିର (ସନ୍ତୋଷ କୁମାର ଠାକୁର ): ମୋବାଇଲ୍ ବ୍ୟବହାର ଯୋଗୁଁ ଦିନକୁ ଦିନ ପିଲା ଛୁଆ ମାନଙ୍କୁ ତାଙ୍କ ଦୈନନ୍ଦିନ ଜୀବନରେ ଅଳସୁଆ ସଙ୍ଗେ ମାନସିକ ଚାପ ମଧ୍ୟ ସୃଷ୍ଟି କରୁଛି l ଛାତ୍ରଛାତ୍ରୀ, ପିଲା ଛୁଆ ମାନେ ଯେପରି ମୋବାଇଲର ଅପବ୍ୟବହାର  ନ କରିବେ ତା ଉପରେ ସମସ୍ତେ ସଚେତନ ହେବ ଆବଶ୍ୟକ। ଏ କ୍ଷେତ୍ରରେ ବାପା ମାଁ ଙ୍କ ଏକ ଗୁରୁତ୍ୱପୂର୍ଣ୍ଣ ଭୂମିକା ରହିଛି l ଏହି ଅବସରରେ ବଲାଙ୍ଗିରର ଅଗ୍ରଣୀ ମହିଳା

ସଂଗଠନ ନାରୀ ଶକ୍ତି ସଂଗଠନ ଆୟୋଜନରେ 
ସ୍ଥାନୀୟ କଲେଜ ଛକ ପ୍ରୋଜେକ୍ଟ କଲୋନୀ ବିଦ୍ୟାଳୟ, କନ୍ଧପାଲି ବିଦ୍ୟାଳୟ, ମେଘନାଦ ପଡା ବିଦ୍ୟାଳୟ, ଚିମନି ଭାଟି ବିଦ୍ୟାଳୟ, ,ବ୍ରାହ୍ମଣପଡା ବିଦ୍ୟାଳୟ, କଲେଜ ଛକ ସରସ୍ଵତୀ ଶିଶୁ ମନ୍ଦିରରେ  ମୋବାଇଲ୍ ବ୍ୟବହାରର କୁପ୍ରଭାବ ଉପରେ ବୁଝା ଯାଇଥିଲା l ଛାତ୍ରଛାତ୍ରୀ ମାନେ ମୋବାଇଲ ବ୍ୟବହାର କିପରି କମ୍ କରିବେ  ସେ ବିଷୟରେ ଏକ ସଚେତନତା କାର୍ଯ୍ୟକ୍ରମ ଆୟୋଜନ  କରାଯାଇଥିଲା l ଜିଲ୍ଲା କାରାଗାରର ମାନସିକ ସ୍ବାସ୍ଥ୍ୟ ବିଶେଷଜ୍ଞ ମିସ୍ ସୋନାଲି ଦାଶ ଛାତ୍ରଛାତ୍ରୀ

ମାନଙ୍କୁ ଲ୍ୟାପଟପ୍ ,ପ୍ରୋଜେକ୍ଟର ମାଧ୍ୟମ ରେ ଏକ ଭିଡିଓ ଦେଖାଇ ବୁଝାଇଥିଲେ  ଏବଂ ଏଣ୍ଟରପ୍ରେନୁୟର ଶ୍ରୀମତୀ ସ୍ନିଗ୍ଧାମୟୀ ମିଶ୍ର ମଧ୍ୟ ଏହି ସମ୍ଭନ୍ଧ ରେ ବୁଝାଇଥିଲେ l ସଂଗଠନର ନୂତନ ସେନ୍ଦ୍ରିଆ, ଶ୍ରାବଣୀ ମେହେର, ଜଗଦମ୍ବା ନାୟକ,ମମତା , ନୂତନ ଦାସ ପ୍ରମୁଖ ଏହି ସଚେତନତା ମୂଳକ କାର୍ଯ୍ୟକ୍ରମ ରେ ସହଯୋଗ କରିଥିଲେ ।