15-Oct-2023

ତୁଷୁରା (ପଞ୍ଚାନନ ନାୟକ) ବଲାଙ୍ଗୀର ଜିଲ୍ଲା ତୁଷୁରା ସହର ସ୍ଥିତ ଅଗ୍ରସେନ ଭବନ ଠାରେ ରବିବାର ମାରୱାଡି ସମ୍ମିଳନୀ ପକ୍ଷରୁ  ମହାରାଜ ଅଗ୍ରସେନଙ୍କ ଜୟନ୍ତୀ ମହାସମାରୋହ ପାଳିତ ହୋଇଯାଇଛି। ସାମ୍ବାଦିକ ମୋହନ ଅଗ୍ରୱାଲ ମୁଖ୍ଯ ଅତିଥି ଭାବେ ଯୋଗଦେଇଥିବା ବେଳେ ସମ୍ମିଳନୀର ଅଧ୍ୟକ୍ଷ ଚନ୍ଦ୍ରଭାନ ଜୈନ ସଭାପତିତ୍ବ କରିଥିଲେ । ସମାଜସେବୀ ନଥୁରାମ କେଡିଆ ମଞ୍ଚାସୀନ ବେଳେ ସଞ୍ଜୟ ଜୈନ ମଞ୍ଚ ପରିଚାଳନା କରିଥିଲେ। ଏହି ଅବସରରେ ମ୍ୟୁଜିକ ଚେୟାର, ଫନ୍ସିଡ୍ରେସ, ନିଜେ ବେଟକର ବଳ ସମେଟୋ, ହିଟ ଦ ଗ୍ଳାସ, କପ ସେ ପିରାମିଡ ବନାଓ, ନାଇଟ ବଳ ଗେମ, ଲୁଡୁ, ବାସକେଟ ବଳ, ରିଙ୍ଗ ଗେମ ଆଦି ପ୍ରତିଯୋଗିତା ଅନୁଷ୍ଠିତ ହୋଇଥିବା ବେଳେ କୃତି ପ୍ରତିଯୋଗୀମାନଙ୍କୁ ଅତିଥିବୃନ୍ଦ ପୁରସ୍କାର ପ୍ରଦାନ କରିଥିଲେ। ସୁରେଶ ଜୈନ, ଦିନଦୟାଲ କେଡିଆ, ବିରେନ୍ଦ୍ର ଜୈନ, ଅମିତ ଜୈନ, ବିକାଶ ଜୈନ, ରୋହିତ ଅଗ୍ରୱାଲ, ଆରତୀ ଅଗ୍ରୱାଲ ଆଦି ସହଯୋଗ କରିଥିବା ବେଳେ ପୂର୍ବତନ ମାରୱାଡି ଯୁବାମଞ୍ଚର ଅଧ୍ୟକ୍ଷ ଦୀନଦୟାଲ କେଡିଆ ଧନ୍ୟବାଦ ଅର୍ପଣ କରିଥିଲେ ।