13-Oct-2023

ନର୍ଲା( ସଞ୍ଜିବ ଦାସ )
ନର୍ଲା ଚାରିଛକ୍ ଠାରୁ ନର୍ଲା ସହର ଦେଇ ପ୍ରାଣୀ ଚିକିତ୍ସା କେନ୍ଦ୍ର ନର୍ଲା ପର୍ଯ୍ୟନ୍ତ ରାସ୍ତାର ଦୁଇ ପାର୍ଶ୍ଵରେ ଜଳ ନିଷ୍କାସନ ନାଳା ଓ ପ୍ରଶସ୍ତିକରଣ ଏବଂ ଉନ୍ନତି ସାଧନ କାର୍ଯ୍ୟ ପାଇଁ ରାଜ୍ୟ ସରକାର ୨୦୨୧-୨୨ ଆର୍ଥିକ ବର୍ଷରେ ପାଖାପାଖି ୬.୬୬ କୋଟି ରୁ ଉର୍ଦ୍ଧ୍ବ ଟଙ୍କା ପୂର୍ତ୍ତ ବିଭାଗ ପକ୍ଷରୁ ମଞ୍ଜୁର ପାଇ ସାରିଛି ଏଭଳିକି ଉକ୍ତ କାର୍ଯ୍ୟ ପାଇଁ ଦୁଇ ବର୍ଷ ତଳେ ମାନ୍ୟବର ବିଧାୟକ ଶ୍ରୀଯୁକ୍ତ ଭୂପିନ୍ଦର ସିଂ ସେହି ସମୟରେ କାର୍ଯ୍ୟର ଶିଳାନ୍ୟାସ କରି ରାସ୍ତା କାର୍ଯ୍ୟ ଖୁବ୍ ଶୀଘ୍ର କରାଯିବ ବୋଲି ଅଞ୍ଚଳବାସୀ ଙ୍କୁ ପ୍ରତିଶ୍ରୁତି ଦେଇଥିଲେ କିନ୍ତୁ ବଡ଼ ପରିତାପର ବିଷୟ କି ଖୋଦ୍ ନର୍ଲା ନିର୍ବାଚନ ମଣ୍ଡଳୀ ଛାତି ଉପରେ ବିକାଶ ମୂଳକ  ପ୍ରଶସ୍ତିକରଣ କାର୍ଯ୍ୟ ଦୀର୍ଘ ଦୁଇବର୍ଷ ଧରି ମୂର୍ମୁଷ ଅବସ୍ଥାରେ ପଡ଼ି ରହିଥିବାରୁ ନର୍ଲା ଅଞ୍ଚଳରେ ଘୋର ଅସନ୍ତୋଷ ପ୍ରକାଶ ପାଇଛି ଏଭଳି ସ୍ଥିତିରେ କାମ ହେବା ତ ଦୂରର କଥା ସଂପୃକ୍ତ ଠିକା ସଂସ୍ଥା ର ଦେଖା ମିଳୁ ନ ଥିବା ବେଳେ ପୋଡ଼ା ଘା ରେ ଚୂନ ସଦୃଶ ପାନୀୟ ଜଳ ଓ ପରିମଳ ବିଭାଗ ରାସ୍ତାକଡ଼ରେ ଥିବା ପାଇପ ମାନ ଖୋଳି ଦେଇ ଏଣେତେଣେ ଛିନ୍ନ ଛତ୍ର ଭାବରେ
ପଡ଼ି ରହିଛି।

ବସ୍ତି ମଧ୍ୟରେ ବଡ଼ ବଡ଼ ଖାଲ ଉତ୍ପତ୍ତି ହୋଇଥିବାରୁ ଲୋକ ମାନେ ନାନା ସମସ୍ୟା ଦେଇ  ଗତି କରୁଥିବା ଅଭିଯୋଗ ହୋଇଛି ।ଏପରି ସ୍ଥଳେ ଅଞ୍ଚଳବାସୀ ନର୍ଲା ବ୍ଲକ ର ନିର୍ବାଚିତ ଜନ ପ୍ରତିନିଧି ମାନଙ୍କୁ ତାଙ୍କର ନିରବତା ଓ ନିଷ୍କ୍ରିୟତା କୁ ଦାୟୀ କରିଛନ୍ତି ।
ଏଣୁ ଯୁଦ୍ଧ କାଳୀନ ଭିତ୍ତିରେ ସାତ ଦିନ ମଧ୍ୟରେ ପୂର୍ତ୍ତ ବିଭାଗ ଓ ଜିଲ୍ଲା ପ୍ରଶାସନ କାର୍ଯ୍ୟର ତ୍ୱରାନ୍ୱିତ ନ କଲେ ନର୍ଲା ପ୍ରେସ ଆସୋସିଏସନ୍ ବାଧ୍ୟ ହୋଇ ରାଜ ରାସ୍ତାକୁ ଓହ୍ଲାଇବ ବୋଲି ସଂଘର ନିଷ୍ପତି କ୍ରମେ ନୂତନ ପ୍ରେସ ଆସୋସିଏସନ୍ ର ସଭାପତି ଶ୍ରୀ ଦୀପକ କୁମାର ସାହୁ ଓ ସମ୍ପାଦକ ସନ୍ତୋଷ ପାତ୍ର ପ୍ରଶାସନ କୁ ଚେତାଇ ଦେଇଛନ୍ତି