06-Oct-2023

ପାଟଣାଗଡ଼/ବେଲପଡ଼ା (ପୁର୍ଣ୍ଣ ଶଶୀ ଶେଖର ରାଓ): ପାଟଣାଗଡ଼ ନିର୍ବାଚନ ମଣ୍ଡଳୀରେ ୨୦୧୯ ନିର୍ବାଚନରେ ବିଜୁ ଜନତା ଦଳରୁ ସରୋଜ କୁମାର ମେହେର ବିଧାୟକ ହେବା ପରେ ପରେ ପାଟଣାଗଡ଼ ନିର୍ବାଚନ ମଣ୍ଡଳୀରେ ବହୁତ ଗୁଡ଼ିଏ ବିକାଶମୂଳକ କାର୍ଯ୍ୟ ହୋଇଥିବା ଜଣାପଡିଛି। ବିଧାୟକ ସରୋଜ କୁମାର ବେଲପଡା ବ୍ଳକରେ ମଧ୍ୟ ଅନେକ ପରିବର୍ତ୍ତନ ଆଣିଥିବା ବେଳେ ଆଜି ୧୦୮ ଟି ପ୍ରକଳ୍ପ ୧,୩୨,୫୦,୦୦୦ ଟଙ୍କାର କାର୍ଯ୍ୟାଦେଶ ବ୍ଳକ ପରିସରରେ ବଣ୍ଟନ କରିଛନ୍ତି ଓ ତିନି ମାସ ମଧ୍ୟରେ ସମ୍ପୂର୍ଣ୍ଣ କରିବାକୁ ନିର୍ଦେଶ ଦେଇଛନ୍ତି। ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ପାଟଣାଗଡ଼ ବିଧାୟକ ସରୋଜ କୁମାର ମେହେର ସମ୍ମାନୀତ ଅତିଥି ଭାବେ ବିଧାୟକ ଙ୍କ ପ୍ରତିନିଧି କୁମୁଦ ମହାଖୁଡ (ବାପି), ଉପାଧ୍ୟକ୍ଷ ଦୁର୍ଯ୍ୟୋଧନ କୁମ୍ଭାର, ବିଡ଼ିଓ ଭିକ୍ଟୋର ସୋରେଙ୍ଗ, ଜିଲ୍ଲା ପରିଷଦ ଜୟ ଧରୁଆ ମଞ୍ଚାସୀନ ଥିଲେ। ବେଲପଡା ବ୍ଳକର ସମସ୍ତ ସରପଞ୍ଚ ସମିତି ଓ ଶତାଧିକ ବିଜେଡି କର୍ମୀ ଉପସ୍ଥିତ ଥିଲେ। ପ୍ରତ୍ୟେକ ଗାଁ ର ଉନ୍ନୟନମୂଳକ କାର୍ଯାଦେଶ ଗୁଡ଼ିକ ବିଧାୟକଙ୍କ ଠାରୁ ନେଇ ଲୋକେ ଉତ୍ସାହିତ ହୋଇ ବିଧାୟକଙ୍କୁ ଅନେକ ପ୍ରଶଂସା କରୁଛନ୍ତି।