05-Oct-2023

ସୋନପୁର (ମନୋରଞ୍ଜନ ତ୍ରିପାଠୀ ): ମହାତ୍ମା ଗାନ୍ଧି ଓ ଲାଲବାହାଦୁର ଶାସ୍ତ୍ରୀ ଙ୍କ ଜନ୍ମ ଦିନରେ ଗ୍ରାମଊତଥାନ ସ୍ଵେଚ୍ଛାସେବୀ ଅନୁଷ୍ଠାନ ଦ୍ଵାରା ଷଷ୍ଠତମ ବାର୍ଷିକ ଉତ୍ସବ ଓ ଦାନ ଉତ୍ସବ ପାଳିତ ହୋଇଯାଇଛି | ଏହି ଷଷ୍ଠତମ ବାର୍ଷିକ ଉତ୍ସବରେ ଉଲୁଣ୍ଡା ପଞ୍ଚାୟତସମିତି ମହାବିଦ୍ୟାଳୟର ଅଧ୍ୟକ୍ଷ ଶ୍ରୀଯୁକ୍ତ ଦେବାଶିଷ ପାଣ୍ଡିଆ ମୁଖ୍ୟ ଅତିଥି, Action Aid, india ର ବରିଷ୍ଠ ପ୍ରୋଗ୍ରାମ୍ ମ୍ୟାନେଜର ଶ୍ରୀଯୁକ୍ତ ଘାସିରାମ ପଣ୍ଡା ସମ୍ମାନୀତ ଅତିଥି, ରେଆରର ସାଧାରଣ ସମ୍ପାଦକ ଶ୍ରୀଯୁକ୍ତ ଅନଙ୍ଗ ନେଗୀ ମୁଖ୍ୟ ବ୍ୟକ୍ତା, ଗ୍ରାମଊତଥାନର ପ୍ରତିଷ୍ଠାତା ତଥା ସମ୍ପାଦକ ଶ୍ରୀଯୁକ୍ତ ପ୍ରତାପ କୁମାର ପ୍ରଧାନ ମଞ୍ଚାସୀନ ହୋଇଥିଲେ | ଏହି ମଞ୍ଚକୁ ଗ୍ରାମଊତଥାନର ଗୋଷ୍ଠୀ ଶିକ୍ଷା କେନ୍ଦ୍ର ଦାୟିତ୍ବ ଅଧିକାରୀ ଶ୍ରୀଯୁକ୍ତ କ୍ଷିରେନ୍ଦ୍ର ରଣା ପରିଚାଳନା କରିଥିଲେ | ଗ୍ରାମଊତଥାନ ଅଫିସରେ ଏକ ପାଠାଗାର ଉଦଘାଟନ କରାଯାଇଥିଲା | ଏଠାରେ ଗ୍ରାମଊତଥାନ ସ୍ଵେଚ୍ଛାସେବୀ ଅନୁଷ୍ଠାନ ଦ୍ଵାରା କାର୍ଯ୍ୟକାରୀ ହେଉଥିବା କାର୍ଯ୍ୟକ୍ରମ ଗୁଡିକ ବିଷୟରେ ଆଲୋଚନା ହୋଇଥିଲା ଓ ଦାନ ଉତ୍ସବ ବିଷୟରେ ସ୍ବର୍ଣ୍ଣରୂପା ମିଶ୍ର ଆଲୋଚନା କରିଥିଲେ ତାହା ସହିତ Community for Work ଓ School to School କାର୍ଯ୍ୟକ୍ରମ ବିଷୟରେ ଶ୍ରୀଯୁକ୍ତ କ୍ଷିରେନ୍ଦ୍ର ରଣା ବିସ୍ତୃତ ଭାବରେ ମତବ୍ୟକ୍ତ ରଖିଥିଲେ  | ଏଥିରେ କୁମାରକେଳି, ଜନମୁରା, ବାବୁପାଲି, ସୁରେଶ୍ଵରୀ ଓ ବଡବଜାର ପ୍ରାଥମିକ ବିଦ୍ୟାଳୟର ଶିକ୍ଷକ ଓ ଶିକ୍ଷୟତ୍ରୀ ମାନେ ଓ ବିଭିନ୍ନ ସ୍ଵେଚ୍ଛାସେବୀ ଅନୁଷ୍ଠାନର ତଥା ରେଆର ସୋନପୁର, ସିୟା ପରିବାର ଖଣ୍ଡହତା, ମହାନଦୀ ଯୁବ ସଂଗଠନ ବିନିକା, ହେଲ୍ପ ଟୁ ଅଦର ବିନିକା, ବୁଢାରଜା ଯୁବ ସଂଗଠନ ସୋନପୁର, ଯୁବ ମହାସଂଘ ଉଲୁଣ୍ଡା, One step ceter sonepur (ସଖୀ) କର୍ମକର୍ତା ମାନେ,  ବୌଦ୍ଧ ଜିଲ୍ଲାର ଜିଲ୍ଲା ଶିଶୁ ମଙ୍ଗଳ ସମିତିର ସଦସ୍ୟ ଶ୍ରୀଯୁକ୍ତ ରାଜୀବ ନାୟକ, ସାହାରା ଟ୍ରଷ୍ଟ ବିଦ୍ୟାଳୟର ଅଧ୍ୟକ୍ଷ ଶ୍ରୀଯୁକ୍ତ ଗତିକୃଷ୍ଣ ମିଶ୍ର ମଧ୍ୟ ଯୋଗ ଦେଇଥିଲେ | ଏହି ଷଷ୍ଠତମ ବାର୍ଷିକ ଉତ୍ସବରେ  ଆମ ସହିତ ଜଡ଼ିତ ଥିବା ପ୍ରାଥମିକ ବିଦ୍ୟାଳୟ ଗୁଡିକର ପିଲା ମାନଙ୍କ ପଠନ ସାମଗ୍ରୀ ଶିକ୍ଷକ ଓ ଶିକ୍ଷୟତ୍ରୀ ମାନଙ୍କୁ ଉପହାର ଆକାରରେ ପ୍ରଦାନ କରାଯାଇଥିଲା ଓ ସ୍ଵେଚ୍ଛାସେବୀ ଅନୁଷ୍ଠାନ ମାନଙ୍କୁ ପ୍ରଶଂସା ପତ୍ର ମଧ୍ୟ ପ୍ରଦାନ କରାଯାଇଥିଲା | ଶେଷରେ  ଗ୍ରାମଊତଥାନ ର ବରିଷ୍ଟ ସଦସ୍ୟ ଶ୍ରୀ ଯୁଗଲ ପ୍ରଧାନ ଅତିଥି ମାନଙ୍କୁ ଧନ୍ୟବାଦ ଅର୍ପଣ କରିଥିଲେ | ତାପରେ ମୁଖ୍ୟ ଅତିଥି ଦେବାଶିଷ ପାଣ୍ଡିଆଙ୍କ ନିର୍ଦେଶକ୍ରମେ କାର୍ଯ୍ୟକ୍ରମଟିକୁ ସମାପ୍ତ କରାଯାଇଥିଲା | ଏହି ଗ୍ରାମଊତଥାନ ସ୍ଵେଚ୍ଛାସେବୀ ଅନୁଷ୍ଠାନର ଅନ୍ୟ ସଦସ୍ୟମାନେ ରଶ୍ମିତା ପଧାନ, ବିମଳା ଜଗଦଲା, ଯୁବଳି ବାବୁ ଓ ଅଜିତ ମେହେର ମଧ୍ୟ ଉପସ୍ଥିତ ଥିଲେ |