04-Oct-2023

ବଲାଙ୍ଗିର ଜିଲ୍ଲା ଖଲିଆପାଲି ଗାଁ ନିରୱେଲ କୁମ୍ଭାର ହତ୍ୟାକାଣ୍ଡର ପର୍ଦାଫାଶ କଲା ପୁଇଁତଲା ପୋଲିସ | ଅନୈତିକ ପ୍ରେମ ସମ୍ପର୍କ ହତ୍ୟାକାଣ୍ଡ | ଗତ ସେପ୍ଟେମ୍ବର 24 ତାରିଖ ଦିନ ନିରୱେଲ କୁମ୍ଭାର ମଦ ପିଇବାକୁ ଯାଇ ଆଉ ଘରକୁ ଫେରିନଥିଲା | ୨୬ତାରିଖ ଦିନ ଗାଁ କୂଅରୁ ମିଳିଥିଲା ନିରୱେଲ ଙ୍କ ଶବ | ପରିବାର ଲୋକେ ହତ୍ୟା ଅଭିଯୋଗ କରିବା ପରେ ପୁଇଁତଲା ପୋଲିସ ଖଲିଆପାଲିର ଗାଁ ର ସୁକାନ୍ତ ନାଗ ଓ ଛବିଲ ନାଗଙ୍କୁ ଗିରଫ କରି କୋର୍ଟ ଚାଲାଣ କରିଛି | ମିଳିଥିବା ସୂଚନା ଅନୁସାରେ ହତ୍ୟାକାରୀ ଛବିଳ ନାଗ ତାମିଲନାଡୁକୁ ଦାଦନ ଖଟିବାକୁ ଯାଇଥିଲା | ଗାଁରେ କୁଚିଆ ମଦ ବିକ୍ରି କରୁଥିଲା ଛବିଳର ସ୍ତ୍ରୀ | ମୃତ ନିରୱେଲ ମଦ ପିଇବା ପାଇଁ ଛବିଳର ସ୍ତ୍ରୀ ପାଖକୁ ଆସୁଥିଲା | ଏହାରି ଭିତରେ ଉଭୟଙ୍କ ଭିତରେ ଗଢିଉଠିଲା ଅନୈତିକ ପ୍ରେମ ସମ୍ପର୍କ | ଗତ କିଛିଦିନ ତଲେ ଛବିଳ ଗାଁକୁ ଫେରି ଘଟଣା ସମ୍ପର୍କରେ ଜାଣିବାକୁ ପାଇଥିଲା | ଏନେଇ ନିରୱେଲକୁ ତଗିଦ ମଧ୍ୟ କରିଥିଲା ଛବିଳ | ଗତ ୨୪ ତାରିଖ ପୁଣି ଠାରେ ନିରୱେଲ ଛବିଳର ସ୍ତ୍ରୀକୁ ଭେଟିବାକୁ ଆସିଥିବା ସମୟରେ ଛବିଲ ଆଉ ଜଣେ ପ୍ରଫେସନାଲ ଅପରାଧୀ ସୁକାନ୍ତ ନାଗକୁ ଡାକିଥିଲା | ଦୁହେଁ ମିଶି ନିରୱେଲକୁ ନିସ୍ତୁକ ମାଡ଼ ମାରିବା ସହ ଧାରୁଆ ଅସ୍ତ୍ରରେ ଆଘାତ କରିଥିଲେ | ନିରୱେଲ ମୂର୍ଚ୍ଛତ ହୋଇଯିବ ପରେ ମରିଯାଇଛି ଭାବି, କୂଅରେ ଜିଅନ୍ତା ନିରୱେଲ କୁ ଫିଙ୍ଗି ଦେଇଥିଲେ | ପୋଲିସ ବିଭିନ୍ନ ଦିଗରୁ ତଦନ୍ତ କରି ହତ୍ୟାକାରୀଙ୍କୁ ଗିରଫ କରିବାରେ ସକ୍ଷମ ହୋଇଥିଲା |