13-Sep-2023

ବଲାଙ୍ଗୀର(ପ୍ରେରଣା ଖବର ବ୍ୟୁରୋ ): ବଲାଙ୍ଗୀର ଜିଲ୍ଲା ବେଳପଡା ବ୍ଲକ ସମବାୟ ସମିତିରେ କାର୍ଯ୍ୟରତ ସମ୍ପାଦକ ସରୋଜ ବନଛୋର ଜାଲିଆତି କରି ଚାକିରି ହାତେଇଥିବା ଅଭିଯୋଗ ହୋଇଛି।ଅଭିଯୋଗନୁସାରେ ସମ୍ପାଦକ ଶ୍ରୀ ବନଛୋର ଗତ ୨୦୦୪ ମସିହାରେ ଭଇଁସା ହାଇସ୍କୁଲ ରେ ମ୍ୟାଟ୍ରିକ ପଢୁଥିଲେ କିନ୍ତୁ ହଠାତ ୨୦୦୫ ରେ ବେଲପଡା ବ୍ଲକ ସମବାୟ ସମିତିରେ ଜାଲିଆତି କରି ସମ୍ପାଦକ ପଦବୀ ହାତେଇଥିଲେ ସେ ସମୟରେ ତାଙ୍କୁ ଚାକିରୀ ପାଇବା ପାଇଁ ପ୍ରାପ୍ତ ବୟସ ମଧ୍ୟ ହୋଇନଥିଲା,୨୦୦୫ ମସିହାରେ ସରକାରଙ୍କ ନିର୍ଦ୍ଦେଶନାମା ଅନୁସାରେ ୨୧ ବର୍ଷ ବୟସରେ ଚାକିରୀ ମିଳିବାର ନିୟମ ଥିଲା କିନ୍ତୁ ଶ୍ରୀ ବନଛୋରଙ୍କୁ କିଭଳି ବେଆଇନ ଭାବେ ନିଯୁକ୍ତି ଦିଆଯାଇଛି ତାହା ଏବେ ତଦନ୍ତ ସାପେକ୍ଷ।ଅନ୍ୟପଟେ ବନଛୋର ଯୁକ୍ତ ୨ ଓ ଯୁକ୍ତ ୩ ଭଇଁସା କଲେଜରେ ଶିକ୍ଷାଦାନ କରିଛନ୍ତି ଠିକ ସମାନ ସମୟରେ କିଭଳି ଚାକିରୀ କରି ପାଠପଢ଼ା କରୁଥିଲେ ତାହା ଜାଲିଆତି କରାଯାଇଥିବାର ସ୍ପଷ୍ଟ ପ୍ରମାଣିତ ହେଉଛି। ଏ ଘଟଣାରେ ପାଟଣାଗଡ ଏ ଆରସିଏସ ବେଲପଡ଼ା ସମବାୟ ସମିତି ସଭାପତିଙ୍କୁ କାର୍ଯ୍ୟାନୁଷ୍ଠାନ ପାଇଁ ଚିଠି ମଧ୍ୟ କରିଛନ୍ତି କିନ୍ତୁ ଏ ଘଟଣାରେ ଶ୍ରୀ ବନଛୋରଙ୍କୁ ଘଣ୍ଟ ଘୋଡାଇ ରଖାଯାଇଛି। ଅନ୍ୟପଟେ ଗତ ୨୦୦୪ ମସିହାରୁ ବର୍ତ୍ତମାନ ପର୍ଯ୍ୟନ୍ତ ୧୯ ବର୍ଷ ଧରି ବେଆଇନ ଭାବେ ପ୍ରଶାସନ ଆଖିରେ ଆଙ୍ଗୁଠି ଗେଞ୍ଜୀ ସରକାରଙ୍କ ତହବିଲରୁ ଦରମା ହାତେଇଛନ୍ତି ଏସବୁର ରିକୋଭରି ଓ ତାଙ୍କ ନାମରେ କ୍ରିମିନାଲ ଏକ୍ଟରେ ମାମଲା ରୁଜୁ ପାଇଁ ଅଞ୍ଚଳବାସୀ ଦାବି ଉଠାଇଛନ୍ତି।  ଏ ଘଟଣାରେ ଜିଲ୍ଲାପାଳ ସ୍ଵତନ୍ତ୍ର ଦୃଷ୍ଟି ଦେଇ ଜାଲିଆତି କରି ଚାକିରୀ ହାତେଇଥିବା ସମ୍ପାଦକ ସରୋଜ ବନଛୋରଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ପାଇଁ ଦାବି ହେଉଛି।