12-Sep-2023

ନୂଆଁପଡ଼ା(ବିଶି ଚନ୍ଦନ ମାଝୀ ): ନିଖିଳ ଉତ୍କଳ ପ୍ରାଥମିକ ଶିକ୍ଷକ ସଂଘର ଡାକରାରେ ତିନି ଦଫା ଦାବି ପୂରଣ ନେଇ ରାଜ୍ଯର ବିଭିନ୍ନ ଜିଲ୍ଲାର ଶିକ୍ଷକ ଶିକ୍ଷୟିତ୍ରୀ କାର୍ଯ୍ଯବନ୍ଦ ଆନ୍ଦୋଳନ ଜାରି ରଖିଥିବା ବେଳେ ନୂଆପଡ଼ା ଜିଲ୍ଲା ସିନାପାଲି ବ୍ଲକ ସଂଘ ତରଫରୂ ମଧ୍ଯ ଆଜି ସମୁହ ବ୍ଯକ୍ତିଗତ ଛୁଟି ନେଇ ସ୍ଥାନୀୟ ବିଇଓ ଅଫିସ୍ ସମ୍ମୁଖରେ ଧାରଣା ଦିଆଯାଇଛି ା ସଂଘର ବ୍ଲକ ସଭାପତି ପ୍ରସନ୍ନ ମାଝୀ ଓ ସଂପାଦକ ବାଲାଜୀ ହରିଜନ, ଜିଲ୍ଲା ଏକ୍ସକେଡ଼ର ସଭାପତି ଅରୁଣ କୁମାର ଯୋଷୀ, କନିଷ୍ଠ ଶିକ୍ଷକ ସଂଘ ସଭାପତି ଜ୍ଞାନରଞ୍ଜନ ସୁନାନୀଙ୍କ ନେତୃତ୍ୱରେ ଆଜି ପୂର୍ବାହ୍ନରୁ ଶହଶହ ସଂଖ୍ଯାରେ ପ୍ରାଥମିକ ଶିକ୍ଷକଶିକ୍ଷୟିତ୍ରୀ ଏହି ଧାରଣାରେ ସାମିଲ ହୋଇଥିବା ଦେଖିବାକୁ ମିଳିଛି। ଫଳରେ ଏହି ବ୍ଲକର ପ୍ରାୟ ବିଦ୍ଯାଳୟରେ ତାଲା ଝୁଲିବା ସହ ମଧ୍ଯାହ୍ନ ଭୋଜନ ବନ୍ଦ ହୋଇଯାଇଛି। ଠିକା ନିଯୁକ୍ତି ଉଚ୍ଛେଦ, ଶିକ୍ଷା ସହାୟକଙ୍କ ଠିକା କାର୍ଯ୍ଯକାଳକୁ ମୂଳ ଚାକିରିରେ ଗଣନା, କେଂଦ୍ରୀୟ ହାରରେ ଦରମା ପ୍ରଦାନ, ପୁରୁଣା ପେନସନ୍ ଲାଗୁ କରିବା ଆଦି ଦାବିରେ ଧାରଣାସ୍ଥଳରେ ଶିକ୍ଷକଶିକ୍ଷୟିତ୍ରୀ ଗର୍ଜିଥିଲେ । ଏହି ଅବସରରେ ନେତୄମଣ୍ତଳୀଙ୍କ ସମେତ ସତ୍ଯରୂପା ଯୋଷୀ, ରମେଶ ଚଂଦ୍ର ମେହେର, ଅସ୍ମିତା ପାଢ଼ୀ, ବୈଷ୍ଣବ ମେହେର, ଅତୁଲ ପାତ୍ର, ତନୁରାମ ନାଏକ, ଖଗେଶ୍ୱର ନିଆଲ, ଚତୁର୍ଭୁଜ ସେଠୀ, ସୁରମା ପଣ୍ଡା, ଯୋଗ ଦେଇଥିଲେ।