06-Sep-2023

ସମ୍ବଲପୁର :(ସଂଜୀବକୁମାରପାଣିଗ୍ରାହୀ) 
ସମ୍ବଲପୁର ମହାନଗର ନିଗମ ଅନ୍ତର୍ଗତ ସମ୍ବଲପୁର ସହରରେ ଦିନକୁ ଦିନ ରାସ୍ତା ଉପରେ ବୃଦ୍ଧି ପାଇବାରେ ଲାଗିଛି ବାରବୁଲା ଗାଈଗୋରୁ ଙ୍କର ଦୌରାତ୍ମ l ସମ୍ବଲପୁର ସହରରେ ଏମିତି ଗୋଟିଏ ରାସ୍ତା ନାହିଁ ଯେଉଁଠି ସେମାନଙ୍କର  ରାଜୁତି ନାହିଁ l ଏହାଦ୍ୱାରା ନିୟମିତ  ଭାବରେ  ଅନେକ ସଡ଼କ ଦୁର୍ଘଟଣା  ହେଉଥିବା ବେଳେ ଅନେକ ଲୋକ ଆହତ ହେଉଛନ୍ତି ଓ ଗାଈଗୋରୁ ଙ୍କର ମୃତ୍ୟ ବି ହେଉଛି l
ବିଶେଷ ଭାବରେ ଅନେକ ଗାଈଗୋରୁ ଙ୍କର ମାଲିକମାନେ ତାଙ୍କର ଯତ୍ନ ନେବାର  ମୁକ୍ତି ପାଇବା ପାଇଁ ଘର ଗୁହାଳ ରେ ନରଖି ରାସ୍ତାରେ ଛାଡିଦେଉଥିବା ଅତ୍ୟନ୍ତ ଦୁର୍ଭାଗ୍ୟ ଜନକ ବିଷୟ ବୋଲି ବିଜେପି ର ବରିଷ୍ଠ ନେତା ସୂର୍ଯ୍ୟ ପାଣିଗ୍ରାହୀ ଏକ ପ୍ରେସ ବିବୃତ୍ତି ରେ ପ୍ରକାଶ କରିଛନ୍ତି l ଶ୍ରୀ ପାଣିଗ୍ରାହୀ ଏହା ମଧ୍ୟ୍ୟ କହୁଛନ୍ତି ଯେ, ଆଗରୁ  ରାସ୍ତାରେ ଅଡ୍ଡା ଜମାଉଥିବା ଗାଈଗୋରୁ ଙ୍କୁ ଉଠାଇ ନେଇ ପୌର ପ୍ରଶାସନ ନିଜ ଅଧୀନ ରେ ରଖୁଥିଲା, ନହେଲେ ଗୋଶାଳା ମାନଙ୍କୁ ଦେଇଦେଉଥିଲା l ଆଜିକାଲି ତାହା ବନ୍ଦ ହେବା ଦ୍ୱାରା ଏହି ସମସ୍ୟା ବଢ଼ିବାରେ ଲାଗିଛି ବୋଲି ଶ୍ରୀ ପାଣିଗ୍ରାହୀ ପ୍ରକାଶ କରିଛନ୍ତି l ତେଣୁ ସମ୍ପୃକ୍ତ ଗାଈଗୋରୁ ମାଲିକ ମାନଙ୍କ ବିରୁଦ୍ଧରେ କଠୋର ଦଣ୍ଡ ବିଧାନ କରିବାର ଆବଶ୍ୟକତା ରହିଛି l
ଏହି ବାରବୁଲା ଗାଈଗୋରୁ ଙ୍କର ସମସ୍ୟା ଏତେ ମାତ୍ରା ରେ ବଢିଲା ସତ୍ୱେ ମଧ୍ୟ ଜିଲ୍ଲା ପ୍ରଶାସନ ତଥା  ସମ୍ବଲପୁର ମହାନଗର ନିଗମ  କତ୍ତୃପକ୍ଷ ନିରବ ଦ୍ରଷ୍ଟା ସାଜିବା ଅତ୍ୟନ୍ତ ଦୁର୍ଭାଗ୍ୟ ର ବିଷୟ ବୋଲି ମଧ୍ୟ ଶ୍ରୀ ପାଣିଗ୍ରାହୀ ଉଦବେଗ ପ୍ରକାଶ କରିଛନ୍ତି l
ବିଜେପି ର ବରିଷ୍ଠ ନେତା ଶ୍ରୀ ପାଣିଗ୍ରାହୀ ଏହି ବାରବୁଲା ଗାଈଗୋରୁ ଙ୍କର ସମସ୍ୟା କୁ ଗୁରୁତ୍ୱ ର ସହ ଉପଲବ୍ଧି କରି  ସମସ୍ୟା ର ସମାଧାନ ଦିଗରେ କାର୍ଯ୍ୟ କରିବାକୁ  ଜିଲ୍ଲା ପ୍ରଶାସନ ପାଖରେ ଦାବୀ ଜଣାଇଛନ୍ତି l