27-Aug-2023

ବରଗଡ:-ବରଗଡ ଜିଲ୍ଲା ସୋହେଲା ବ୍ଲକ ସରକଣ୍ଡା ଗ୍ରାମରେ ସ୍ବଭାବ କବି ଗଙ୍ଗାଧର ମେହେରଙ୍କ ପ୍ରତିମୂର୍ତ୍ତି ସ୍ଥାପନ ପାଇଁ ଭୂମି ପୂଜନ ହୋଇଯାଇଛି।ଏହି ଅବସରରେ ପୁର୍ବତନ ମନ୍ତ୍ରୀ ତଥା ଭଟଲି ବିଧାୟକ ଶ୍ରୀ ସୁଶାନ୍ତ ସିଂ ଙ୍କ ପ୍ରତିନିଧି ଭାବେ ସୋହେଲା ବ୍ଲକର ଯୁବ ସମାଜସେବୀ ସୁବ୍ରତ ସିଂ ମୁଖ୍ୟ ଅତିଥି ଭାବେ ଯୋଗଦେଇଥିଲେ ।ସରକଣ୍ଡା ଗ୍ରାମର ଭୁଲିଆ ସମାଜ ଏବଂ ଗଙ୍ଗାଧର ସେନାର ଉଦ୍ୟମରେ ଏହି କାର୍ଯ୍ୟକ୍ରମର ଆୟୋଜନ ହୋଇଥିଲା।ପ୍ରଥମେ ଭୁଲିଆ ସମାଜ ଏବଂ ଗଙ୍ଗାଧର ସେନାର ସଦସ୍ୟ ମାନେ କବି ଗଙ୍ଗାଧର ମେହେରଙ୍କ ଜନ୍ମ ମାଟି ବରପାଲି ଠାରୁ ମାଟି ଆଣିବା ପରେ ଗ୍ରାମର ଭୁଲିଆ ସମାଜର ସମସ୍ତ ପୁରୁଷ ଓ ମହିଳା ମାନଙ୍କୁ ନେଇ ଏକ ଶୋଭଯାତ୍ରାରେ ସରକଣ୍ଡା ଗ୍ରାମର ପରିକ୍ରମା କରି ବଜାର ପ୍ରାଙ୍ଗଣରେ ପହଞ୍ଚିଥିଲେ। ଏହି ଶୋଭାଯାତ୍ରାରେ ବେହେରାପାଲି , ବରିହାପାଲି, ଦମକିପାଲି , ଜାମଛପର ଆଦି ଗ୍ରାମର ଭୁଲିଆ ସମାଜର ଲୋକେ ମଧ୍ୟ ସାମିଲ ହୋଇଥିଲେ। ନିମନ୍ତ୍ରିତ ଅତିଥିଙ୍କ ଦ୍ଵାରା ଭୂମି ପୂଜନ ପରେ ଏକ ସଭା ଅନୁଷ୍ଠିତ ହୋଇଥିଲା । ଏହି ସଭାରେ ମୁଖ୍ୟ ଅତିଥି ଭାବେ ଯୁବନେତା ଶ୍ରୀ ସୁବ୍ରତ ସିଂ, ସମ୍ମାନିତ ଅତିଥି ଭାବେ ସରକଣ୍ଡା ଗ୍ରାମପଞ୍ଚାୟତ ର ସରପଞ୍ଚ ପୁଷ୍ପାଞ୍ଜଳୀ ମେହେର , କବି ଗଙ୍ଗାଧର ମେହେରଙ୍କ ଦାୟାଦ ତଥା ବରପାଲି ଭୁଲିଆ ସମାଜର ସଭାପତି ମହେନ୍ଦ୍ର ମେହେର ମୁଖ୍ୟବକ୍ତା ଭାବେ ଯୋଗଦେଇ ଥିବା ବେଳେ ଗଜରାଜ ମେହେର , ଅଯୋଧ୍ୟା ମେହେର, ଚନ୍ଦ୍ରଶେଖର ମେହେର, ପ୍ରଶନ୍ନ ମେହେର,ଶିବ ମେହେର ,ମନବୋଧ ମେହେର ,ଦେବରାଜ ମେହେର,ରୋହିତ ମେହେର , ଭଗବାନ ମେହେର ଏବଂ

ଗୌର ମେହେର ମଞ୍ଚାସିନ ଅତିଥି ଭାବେ ଯୋଗଦେଇ ଥିଲେ । ପୂର୍ବତନ ସରପଞ୍ଚ ଶ୍ରୀ ହିଟଲର ମେହେର ଏବଂ ଶ୍ରୀଫଳ ମେହେର ସଭା ପରିଚାଳନା କରିଥିଲେ ।ଏହି କାର୍ଯ୍ୟକ୍ରମରେ ସରକଣ୍ଡା ତଥା ଆଖ ପାଖ ଗ୍ରାମର ଭୁଲିଆ ସମାଜର ହଜାର ହଜାର ପୁରୁଷ ଓ ମହିଳା ମାନେ ସାମିଲ ହେଇଥିବା ବେଳେ ସରକଣ୍ଡା ଗ୍ରାମର ଭୁଲିଆ ସମାଜର ସଦସ୍ୟ ଏବଂ ଗଙ୍ଗାଧର ସେନା ଏହି କାର୍ଯ୍ୟକ୍ରମରେ ସହଯୋଗ କରିଥିଲେ ।