26-Aug-2023

ସୁବର୍ଣ୍ଣପୁର  (ମନୋରଞ୍ଜନ ତ୍ରିପାଠୀ )
 ଗ୍ରାମ କୁ ସଂଯୋଗ କରୁଥିବା ରାସ୍ତା କୁ ଉନ୍ନୟନ ବାହାନା ରେ  ବିପର୍ଯ୍ୟାସ୍ତ କରି ସ୍ଥାନୀୟ ପଞ୍ଚାୟତ ପ୍ରଶାସନ ଚୁପ ରହିଛି I ହେଲେ ଡାଙ୍ଗପାଲି ଗ୍ରାମ ବାସି ଯାତାୟାତ ନେଇ ନାହିଁ ନ ଥିବାର ଅସୁବିଧା ପାଉଛନ୍ତି l ମିଳିଥିବା ସୂଚନା ଅନୁଯାୟୀ ତରଭା ବ୍ଲକ ମରାଡୁଗୋଚ୍ଛା ଗ୍ରାମ ପଞ୍ଚାୟତ ର ଗୁହିରାଘାଟ ର ଡାଙ୍ଗପାଲି ରେ ପ୍ରାୟ 20 ଗୋଟି ପରିବାର ଦୀର୍ଘ ବର୍ଷ ରୁ  ଏଠାରେ ବସବାସ କରି ଆସୁଛନ୍ତି  I ହେଲେ  ସ୍ୱାଧୀନତା ର 77 ବର୍ଷ ବିତି ଯାଇଥିଲେ ସୁଦ୍ଧା ଆଜି ଏ ଗାଁ କୁ ଭଲ ରାସ୍ତା ଟିଏ ନ ଥିବା ପରୀତାପ ର ବିଷୟ ଅଟେ I ଚଳିତ ବର୍ଷ ଗୁହିରାଘାଟ ଡାଙ୍ଗପାଲି ରେ ଥିବା ଏକ ବନ୍ଧ (ପୋଖରୀ )ମନରେଗା ଯୋଜନା ରେ ମାଟି କାମ କରାଯାଇ  ଲୋକ ମାନେ ଯାତାୟତ କରୁ ଥିବା ରାସ୍ତା ରେ ବନ୍ଧ ମାଟି ପକାଇ ଦିଆଯାଇ ଥିଲା  I ଯାହାଫଳରେ ଡାଙ୍ଗ ପାଲି ରାସ୍ତା ବିପର୍ଯ୍ୟାସ୍ତ ହୋଇ ପଡିଛି I ଗ୍ରାମ ବାସୀ ଯାତାୟାତ ନେଇ ନାହିଁ ନ ଥିବାର ଅସୁବିଧା ପାଉଛନ୍ତି  I  ସାମାନ୍ୟ ବର୍ଷା ଟିଏ ହେଲେ ସାଇକେଲ ଟିଏ ମଧ୍ୟ୍ୟ ଯିବା ପାଇଁ ଏ ରାସ୍ତା ରେ କଷ୍ଟ ହୋଇ ପଡୁଛି  I ସାଧାରଣ ଲୋକଙ୍କଅବସ୍ଥା ନ କହିଲେ ଭଲ   I ଏହି ରାସ୍ତା ସମସ୍ୟା ନେଇ ସରପଞ୍ଚ ଙ୍କୁ ଯୋଗଯୋଗ କରାଯାଇ ଥିଲେ ମଧ୍ୟ୍ୟ ସେ ଫୋନ ଉଠାଇ ନ ଥିଲେ I ରାସ୍ତା ମରାମତି ଓ଼ ଏହାର ସୁବିଧା କରିବା ପାଇଁ ମାରାଡୁଗୋଚ୍ଛା ଗ୍ରାମ ପଞ୍ଚାୟତ ସରପଞ୍ଚ ଙ୍କୁ ବାରମ୍ବାର ଗ୍ରାମବାସୀ କହିଥିଲେ ମଧ୍ୟ୍ୟ କେବଳ ପ୍ରତିଶୃତି ଦେଇ ଚୁପ ରହୁଛନ୍ତି  I ବିପର୍ଯ୍ୟସ୍ତ ହୋଇ ପଡିଥିବା ଡାଙ୍ଗପାଲି ରାସ୍ତା ପ୍ରତି ବ୍ଲକ ପ୍ରଶାସନ ଓ଼ ଜିଲ୍ଲା ପ୍ରଶାସନ ଦୃଷ୍ଟି ଦେବା ପାଇଁ ଗ୍ରାମବାସୀ ଦାବୀ କରିଛନ୍ତି  I