25-Aug-2023

ବରଗଡ:- ଶ୍ରୀଶ୍ରୀ ନୃସିଂହନାଥ ବିନ୍ଧ୍ୟବାସିନୀ ଯାତ୍ରୀନିବାସ ସଭାଗୃହ ଠାରେ ପଦ୍ମପୁର ଉପଖଣ୍ଡ ସାମ୍ବାଦିକ ସଂଘର ଏକ ବୈଠକ ସହ ସାମ୍ବାଦିକ ଭବନ ନିର୍ମାଣ ପାଇଁ ଭୂମି ପୂଜନ ଉତ୍ସବ ଆଜି ଅନୁଷ୍ଠିତ ହୋଇଯାଇଛି । ବୈଠକରେ ମୂଖ୍ୟ ଅତିଥି ଭାବରେ ପଦ୍ମପୁର ନିର୍ବାଚନ ମଣ୍ଡଳୀର ବିଧାୟିକା ଶ୍ରୀମତୀ ବର୍ଷା ସିଂ ବରିହା,ସମ୍ମାନିତ ଅତିଥି ଭାବେ ପାଇକମାଲ ବିଡ଼ିଓ ତଥା ଶ୍ରୀ ଶ୍ରୀ ନୃସିଂହନାଥ ମନ୍ଦିର ଟ୍ରଷ୍ଟ ବୋର୍ଡ ର ମଧ୍ୟବର୍ତ୍ତୀ କାଳୀନ ଟ୍ରଷ୍ଟି  ସୁରେନ୍ଦ୍ର ନାଥ ସାହୁ , ଟାଟା ପାୱାର ଏସ ଡ଼ି ଓ  ମନୋରଞ୍ଜନ ନାୟକ , ପୂର୍ବତନ ପ୍ରଶାସନିକ ଅଧିକାରୀ  ରାଜେନ୍ଦ୍ର ରାଉତ, ପାଇକମାଲ ବ୍ଲକ ବିଜୁ ଯୁବ ଜନତାଦଳର ସଭାପତି ଗୌତମ ସିଂ, ବିଧାୟକ ପ୍ରତିନିଧି ହୃଦାନନ୍ଦ ବାରିକ, ପାଇକମାଲ ବ୍ଲକ ଉପାଧ୍ୟକ୍ଷ ସଂଜୀବ ବରିହା, ବରିଷ୍ଠ ସାମ୍ବାଦିକ ଲାଲବିହାରୀ ମିଶ୍ର ପ୍ରମୁଖ ଙ୍କୁ ସାମ୍ବାଦିକ ବନ୍ଧୁ ମାନଙ୍କ ଦ୍ୱାରା ସ୍ୱାଗତ ସମ୍ବର୍ଦ୍ଧନା ଦିଆଯାଇଥିଲା । ସାମ୍ବାଦିକ ବିନାୟକ ଗୁରୁ ଅତିଥି ପରିଚୟ ପ୍ରଦାନ ସହ ସଭାର ଉଦ୍ଦେଶ୍ୟ  ଜ୍ଞାପନ କରିଥିଲେ। ପଦ୍ମପୁର ଉପଖଣ୍ତ ସାମ୍ବାଦିକ  ସଂଘର ସଭାପତି ବଡ ଶତପଥୀଙ୍କ  ସଭାପତିତ୍ବ ସଭାକାର୍ଯ୍ୟ ଅନୁଷ୍ଠିତ ହୋଇଥିଲା । ବିଧାୟିକା ତାଙ୍କ ଭାଷଣରେ ସାମ୍ବାଦିକ ଓ ନେତାମାନେ ଯେତେ କାମ କଲେ ମଧ୍ୟ ଲୋକେ ଖରାପ ଭାବିଥାନ୍ତି , ହେଲେ ସାମ୍ବାଦିକ ମାନେ କୋଣ ଅନୁ କୋଣ ରୁ ସତ୍ୟ ଘଟଣା ପ୍ରକାଶକରନ୍ତି, ତାହା

ଲୋକଙ୍କୁ ଦେଖାଯାଇ ନଥାଏ ବୋଲି କହିଥିଲେ ।  ପଦ୍ମପୁର ଅଞ୍ଚଳରେ କାର୍ଯ୍ୟରତ ସାମ୍ବାଦିକ ମାନଙ୍କ କାମକୁ ପ୍ରଶଂସା କରିଥିଲେ  ।  ସାମ୍ବାଦିକ ଭବନ ସମ୍ପୁର୍ଣ୍ଣ ନିର୍ମାଣ ପାଇଁ ଯାହା ଅର୍ଥ ଆବଶ୍ୟକ ତାହା ପୂରଣ କରିବି ବୋଲି ବିଧାୟିକା ପ୍ରତିଶ୍ରୃତି ପ୍ରଦାନ କରିଥିଲେ ।ସଭା କାର୍ଯ୍ୟ ଶେଷରେ ସାମ୍ବାଦିକ ଭବନ ନିର୍ମାଣ ପାଇଁ ପ୍ରସ୍ତାବିତ ସ୍ଥାନରେ ପ୍ରଥମେ ମାନ୍ୟବର ବିଧାୟିକାଙ୍କ ଦ୍ୱାରା ବୃକ୍ଷରୋପଣ କରାଯାଇଥିଲା । ଏହାପରେ ବିଧିବଦ୍ଧ ଭାବରେ ପଣ୍ଡିତ ପ୍ରେମାନନ୍ଦ ଦେବତା ଙ୍କର ଦ୍ୱାରା ମହାପ୍ରଭୁ ଶ୍ରୀଶ୍ରୀ ନୃସିଂହନାଥଙ୍କର ପୂଜାପାଠ କରାଯାଇ ବିଧାୟିକା ବର୍ଷା ସିଂ ବରିହାଙ୍କର ଦ୍ୱାରା ଭବନ ନିର୍ମାଣ ପାଇଁ ଭୂମିପୂଜନ ଭିତ୍ତିପ୍ରସ୍ତର ସ୍ଥାପନ କରାଯାଇଛି ।  ସମ୍ପାଦକ  ରମେଶ ବାରିକ , କୋଷାଧ୍ୟକ୍ଷ ସୁରଥ କୁମାର ସାହୁ, ପ୍ରଦିପ୍ତ ଦାସ, ସଂଜୀବ ପୁରୋହିତ, ଦେବେନ୍ଦ୍ର ସାହୁ ପ୍ରମୁଖଙ୍କ ସହ ସଂଘ ର  ସମସ୍ତ କର୍ମକର୍ତ୍ତା ଉପସ୍ଥିତ ଥିଲେ ।