20-Aug-2023

ବଲାଙ୍ଗୀର,ମହିଳା ମାନଙ୍କ ଶିକ୍ଷା କ୍ଷେତ୍ର ଆଉ ଏକ ପାଦ ଆଗକୁ ବଢ଼ିଛି ବଲାଙ୍ଗୀର ସରକାରୀ ମହିଳା ମହାବିଦ୍ୟାଳୟ । ଶିକ୍ଷା କ୍ଷେତ୍ରରେ ପଛୁଆ ବଲାଙ୍ଗୀର ଜିଲ୍ଲାରେ ଛାତ୍ରୀ ମାନଙ୍କ ପାଇଁ ଏକ ପୂର୍ଣ୍ଣାଙ୍ଗ ବିଜ୍ଞାନ ପାଠ୍ୟକ୍ରମ ପାଇଁ ସଂପୂର୍ଣ୍ଣ ପ୍ରସ୍ତୁତ ହୋଇଛି ବଲାଙ୍ଗୀର ସରକାରୀ ମହିଳା ମହାବିଦ୍ୟାଳୟ । କାଲି ଏହି ମହାବିଦ୍ୟାଳୟରେ ନୂତନ ଛାତ୍ରୀ ମାନଙ୍କ ପ୍ରବେଶ ଉତ୍ସବ ଅନୁଷ୍ଠିତ ହେବାକୁ ଯାଉଥିବା ବେଳେ ଚଳିତ ଶିକ୍ଷା ବର୍ଷରେ ପ୍ରଥମ କରି ସାଇନ୍ସ ଫେକଲ୍ଟିରେ  ଅଧ୍ୟୟନ କରିବାକୁ ଯାଉଥିବା ଛାତ୍ରୀ ମାନେ ବେଶ ଉତ୍ସାହିତ ଥିବା ଜଣାପଡିଛି । ବର୍ତ୍ତମାନ କଳା ଓ ବିଜ୍ଞ।।ନ ଶିକ୍ଷାଦାନ କ୍ଷେତ୍ରରେ ମହିଳା ମହାବିଦ୍ୟାଳୟ ଜିଲ୍ଲାରେ ଏକ ଗୁରୁତତ୍ୱପୂର୍ଣ୍ଣ ଭୂମିକା ଗ୍ରହଣ କରିବ ବୋଲି କଲେଜର ଅଧ୍ୟକ୍ଷ ମନୋରଂଜନ ମିଶ୍ର ଆଶାବ୍ୟକ୍ତ କରିଛନ୍ତି । ସୂଚନାଯୋଗ୍ୟ ଯେ, ବହୁ ବର୍ଷ ହେଲା ବଲାଙ୍ଗୀର ନାଗରିକ କମଟି ବଲାଙ୍ଗିର ସରକାରୀ ମହାବିଦ୍ୟାଳୟରେ ଗୁଣାତ୍ମକ ଶିକ୍ଷାର ବିକାଶ, ବିଭିନ୍ନ ବିଭାଗରେ ଅଧ୍ୟାପକ ପଦବୀ ପୂରଣ ଓ କଲେଜରେ ବିଭିନ୍ନ ଆନୁସଙ୍ଗିକ ସୁବିଧା ପ୍ରଦାନ ଓଭିତ୍ତିଭୂମିର ବିକାଶ  ପାଇଁ ରାଜ୍ୟ ସରକାରଙ୍କ ଠାରେ ସ୍ୱରଉତ୍ତୋଳନ କରି ଆସୁଥିଲା । କମିଟିର ଦାବିକୁ ପୂରଣ କରିବାରେ ରାଜ୍ୟସରକାର ତତ୍ପରତା ପ୍ରଦର୍ଶନ କରିଥିବାରୁ ବଲାଙ୍ଗୀର ନାଗରିକ କମିଟିର ସଭାପତି ଇଂ. ବେଲାରସିଂ ଭୋଇ ଓ ସାଧାରଣ ସଂପାଦକ ମନୋରଂଜନ ସାହୁ ସରକାରଙ୍କୁ କୃତଜ୍ଞତା ଜ୍ଞାପନ କରିଛନ୍ତି ।