20-Aug-2023

ଲୋଇସିଂହା, (ବିନୋଦ କୁମାର ଦୀପ) ବଲାଙ୍ଗୀର ଜିଲ୍ଲା ବନ ଅଧିକାରୀ ଶ୍ରୀଯୁକ୍ତ ନୀତିଶ କୁମାର  ଙ୍କ ନିର୍ଦ୍ଦେଶ କ୍ରମେ  ଆଜି ଲୋଇସିଂହା ବନ ବିଭାଗ ତରଫରୁ ଜଙ୍ଗଲ ଉପରେ ନିର୍ଭର କରୁଥିବା ଗ୍ରାମବାସୀ ଙ୍କ ମଧ୍ୟରେ ସଚେତନତା ସୃଷ୍ଟି ଓ ସ୍ୱାବଲମ୍ବୀ କରିବା ପାଇଁ  ଲୋଇସିଂହା ବନଖଣ୍ଡ ଅଧୀନରେ ଥିବା 6 ଟି ବନ ସୁରକ୍ଷା ସମିତି କୁ ବିଭିନ୍ନ ପ୍ରକାର ଉପକରଣ ପ୍ରଦାନ କରାଯାଇଥିଲା। ଲୋଇସିଂହା ରେଞ୍ଜର ଶ୍ରୀଯୁକ୍ତ ପାଉଲ ହରପାଲ ଙ୍କ ଅଧ୍ୟକ୍ଷତାରେ  ବନାଞ୍ଚଳ ଅଫିସ ଠାରେ ଅନୁଷ୍ଠିତ କାର୍ଯ୍ୟକ୍ରମରେ ବଲାଙ୍ଗୀର ଏ ସି ଏଫ୍ ଅଜିତ ବିଶି ମୁଖ୍ୟ ଅତିଥି ରୂପେ ଯୋଗଦେଇ ବିଭିନ୍ନ ଉପକରଣ ଯଥା ସିଲେଇ ମେସିନ୍, ପେପର ପ୍ଲେଟ ତିଆରି ମେସିନ୍, ଗ୍ରାଇଣ୍ଡର ମେଶିନ, ଚୌକି ଓ ଟେଣ୍ଟ ସାମଗ୍ରୀ ବିଭିନ୍ନ ଭି ଏସ୍ ଏସ୍ ଓ ଏସ୍ ଏଚ୍ ଜି ଗ୍ରୁପ କୁ ପ୍ରଦାନ କରିଥିଲେ।  ଉକ୍ତ ସାମଗ୍ରୀ କୁ ବ୍ୟବହାର କରି ବନ ସୁରକ୍ଷା ସମିତିର ର ସଦସ୍ୟ ମାନେ କିପରି ସ୍ୱାବଲମ୍ବୀ ହୋଇ ପାରିବେ ଏବଂ ଜଙ୍ଗଲ କୁ ସୁରକ୍ଷା ପ୍ରଦାନ କରିବା ପାଇଁ ସବୁବେଳେ ସଜାଗ ରହିବେ ସେ ନେଇ ସଚେତନତା ସୃଷ୍ଟି କରାଯାଇଥିଲା I ଏହି ଅବସରରେ ଅନ୍ୟମାନଙ୍କ ମଧ୍ୟରେ ଫରେଷ୍ଟର ଠଣ  ସୁନ୍ଦର୍ ଧରୁଆ, ସମୀର ରଞ୍ଜନ ମହାପାତ୍ର,ଫରେଷ୍ଟ ଗାର୍ଡ ରାଜକୁମାର ଧରୁଆ ଓ ଅଞ୍ଚଳ ର ବିଭିନ୍ନ ଏସ୍ ଏଚ୍ ଜି ଗ୍ରୁପ ର ସଦସ୍ୟ ଉପସ୍ଥିତ ଥିଲେ l