20-Aug-2023

-ସୁବର୍ଣ୍ଣପୁର ( ମନୋରଞ୍ଜନ ତ୍ରିପାଠୀ )
କଥା ରେ ଅଛି  ଗଛ ବଞ୍ଚିଲେ ପୃଥିବୀ ବଂଚିବ l ଓ ଅଦା, ତୁଳସୀ ଓ ପିପିଲି,  ଦେହରୁ ରୋଗ କରିଦେବ ଖାଲି l କାହିଁ ଆଦିମ କାଳ ରୁ   ଗଛ ଲତା (ପ୍ରକୃତି) ଓ ମଣିଷ ମଧ୍ୟରେ ନିବିଡ ସମ୍ପର୍କ ରହି ଆସିଛି l ହଁ ଟିକେ ବିଳମ୍ବ ହେଇପାରେ କିନ୍ତୁ ପ୍ରକୃତ ରେ  ଆୟୁର୍ବେଦିକ ଓଷଧିୟ ଗୁଣ ମଣିଷର ରୋଗ କଷ୍ଟ କୁ ସ୍ଥାୟୀ ଭାବେ ଦୂର କରିଥାଏ l ଓ ମଣିଷ କୁ ଦୀର୍ଘାୟୁ କରେ। ହୁଏତ ମଣିଷ ଆଜି ବିଜ୍ଞାନ ରେ ଗବେଷଣା କରି ଆବିଷ୍କାର କରିଛି ନାନାଦି ଔଷଧ l କିନ୍ତୁ ଦିନକୁ ଦିନ ଲୁଚି ଯାଉଛି ଆମ ବାଡି ବଗିଚା ର ଔଷଧିୟ ବୃକ୍ଷ ସବୁ l ମାତ୍ର ବୌଦ୍ଧ ଜିଲ୍ଲାର ପଲସଗୋରା କଲେଜ ର ତର୍କଶାସ୍ତ୍ର ଅଧ୍ୟାପକ  ବିଶେଶ୍ୱର ପାଣିଗ୍ରାହୀ ଙ୍କ ପେଶା ଅଧ୍ୟାପନା ହେଲେ ପରିବେଶ କୁ ଗଛ ଲତା କୁ ଭଲ ପାଇବା ଏକ ନିଶା ତାଙ୍କର l ନିଜ ଚାଷ ଗାଁ ପରତଲା ଓ ସୋନପୁର ପାଣିଶିଆଳି ସ୍ଥିତ ଵାସ ଭବନ ରେ ବିଭିନ୍ନ ପ୍ରକାର ଔଷଧିୟ ବୃକ୍ଷ ରୋପଣ ଓ ତାରି ଯତ୍ନ କରି ଲୋକଙ୍କୁ ଚାରା ମଧ୍ୟ ବଣ୍ଟନ କରନ୍ତି ଓ ଲୋକ ଙ୍କୁ ସଚେତନ କରନ୍ତି l  ଆଜି ସକାଳେ ଶ୍ରୀ ପାଣିଗ୍ରାହୀ ସୁବର୍ଣ୍ଣପୁର କଲେକ୍ଟର ଅଫିସ ସମ୍ବୁଖ ରେ ପହଂଚି ସ୍ୱଚ୍ଛ ଭାରତ  ଓ ପୋଲିସ କର୍ମକର୍ତ୍ତା ଙ୍କୁ ପିପିଲି ଓ ବିଭିନ୍ନ ପ୍ରକାର ଚାରା ବଣ୍ଟନ କରି ଏହାର ଔଷଧୀୟ ଗୁଣ ଓ ଉପକାରିତା ଉପରେ ସଚେତନ କରିଥିଲେ l ଏହା ତାଙ୍କର ବ୍ୟକ୍ତିଗତ ଲାଭ ପାଇଁ ନୁହେଁ  ମାତ୍ର ମିଳିଛି ଏଥିରେ ତାଙ୍କୁ ଖୁବ ଆତ୍ମ ସନ୍ତୋଷ l  ଲେମନ୍ ଗ୍ରାସ, ପିପିଲି, ହଳଦୀ, ଘି କୁଆଁରି, ଗଙ୍ଗ ଶିଉଳି, ନିମ୍ବ, ତଥା ବିଭିନ୍ନ ପ୍ରଜାତିର ଗଛ ର ସମାହାର ଦେଖିବାକୁ ମିଳେ ତାଙ୍କ ଗାଁ ବଗିଚା ରେ l  ଅଧ୍ୟାପନା ପରେ  ବଳକା ସମୟ ତକ ସେ ଗଛ ର ଯତ୍ନ ନେଇଥାନ୍ତି l 500 ରୁ ଉର୍ଧ୍ଵ ବିଭିନ୍ନ ଭେରାଇଟି ର ଆମ୍ବ ଗଛ, ନାନା ଔଷଧୀୟ ଗଛ ସବୁ ର ଏକ ବିରାଟ ବଗିଚା ର ଯତ୍ନ ନେଉଛନ୍ତି ଶ୍ରୀ ପାଣିଗ୍ରାହୀ l ଏବଂ ଚାରା ଓ ଗଛ ର ଔଷଧୀୟ ପତ୍ର, ଫଳ ଅନେକ ଲୋକ ଙ୍କୁ ବାଣ୍ଟିଲେ ଓ ବଗିଚା ର ସବୁଜ ପରିବେଶ କୁ ନିଜେ ଉପଭୋଗ କରି ଲୋକ ଙ୍କୁ ବଗିଚା ରେ ଭ୍ରମଣ କରାଇ ଏହାର ଖୁସି ମଜା ବାଣ୍ଟିଲେ ନିଜ କୁ ଖୁବ ଆତ୍ମ ସନ୍ତୋଷ ମିଳେ ବୋଲି ଅଧ୍ୟାପକ ଶ୍ରୀ ପାଣିଗ୍ରାହୀ ମିଡ଼ିଆ କୁ ପ୍ରତିକ୍ରିୟା  ରଖି ଛନ୍ତି  l