20-Aug-2023

ବଲାଙ୍ଗୀର,-ବଲାଙ୍ଗୀର ଶିକ୍ଷକ ଶିକ୍ଷା ମହାବିଦ୍ୟାଳୟ(ବିଇଡି କଲେଜ)ରେ ଚାରିଦିନିଆ ପ୍ରବେଶ ପ୍ରଶିକ୍ଷକ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଚଳିତ ଶିକ୍ଷାବର୍ଷରେ ନାମଲେଖାଇଥିବା ବିଇଡି ପ୍ରଥମବର୍ଷରଛାତ୍ରଛାତ୍ରୀଙ୍କ ସାମଗ୍ରୀକବିକାଶ ଉଦ୍ଦେଶ୍ୟରେ ଆୟୋଜିତ ଏହି କାର୍ଯ୍ୟକ୍ରମକୁ ମହାବିଦ୍ୟାଳୟତ ପ୍ରଥମବ୍ୟାଚ ଛାତ୍ର ସନାତନ ଠାକୁର ଉଦଘାଟନ କରିଥିଲେ । ଦ୍ୱିତୀୟଦିନରେ ପୁରାତନଛାତ୍ର ତଥା ସିନେଅଭିନେତା ରତନ ମେହେର, ଯୋଗଦେଇ ଛାତ୍ରଛାତ୍ରୀଙ୍କ ସହ ବିଭିନ୍ନ ପ୍ରସଙ୍ଗରେ ଆଲୋଚନା କରିଥିଲେ । ଉଦଯାପନୀ ଦିବସରେ ମୁଖ୍ୟଅତିଥି ଭାବରେ ରାଜେନ୍ଦ୍ର ବିଶ୍ୱବିଦ୍ୟାଳୟର ପରୀକ୍ଷାନିୟନ୍ତ୍ରକ ଅକ୍ଷୟ ମିଶ୍ର ଓ ସାମ୍ବାଦିକ ଅଖିଳଚନ୍ଦ୍ର ହୋତା ମୁଖ୍ୟବକ୍ତା ଭାବରେ ଯୋଗଦେଇ ନୂତନ ଶିକ୍ଷାନୀତି,ମାନସିକ ଦକ୍ଷତାର ଅଭିବୃଦ୍ଧି,ଅନୁଷ୍ଠାନର ନୀତିଶୃଙ୍ଖଳା ସମେତ ଦକ୍ଷଶିକ୍ଷକ ହେବାପାଇଁ ଉତ୍ସାହିତ କରିଥିଲେ । ଅନ୍ୟମାନଙ୍କ ମଧ୍ୟରେ କଲେଜର ଅଧ୍ୟକ୍ଷ ଅନନ୍ତ ନାଏକ,ସହକାରୀ ପ୍ରଫେସର ଡ.ଲଲୀତକୁମାର ପାତ୍ର ଓ ଡ.ସଂଜୀବ ତ୍ରୀପାଠୀ ପ୍ରମୁଖ ଉପସ୍ଥିତ ରହିଥିଲେ । କାର୍ଯ୍ୟକ୍ରମ ପରିଚାଳନାରେ ମଦନସିଂ ମାଝୀ,ଜିତେନ୍ଦ୍ରୀୟ ତ୍ରୀପାଠୀ,ଡ.ଅଜିତ ପଧାନ,ସାବିତ୍ରୀ ସେଠ ଓ ଡ.ସୁଧିର ସାହୁ ପ୍ରମୁଖ ସହଯୋଗ କରିଥିଲେ ।