18-Aug-2023

ବେଲପଡା (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ବେଲପଡା ଥାନା ଅଧିକାରୀ ଭାବେ ଶୁଶାନ୍ତ କୁମାର ଦାସ ଯୋଗ ଦେଉ ଦେଉ ଏକ୍ସନ ମୋଡ଼ ନେଇ ଅପରାଧୀଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି। ସୂଚନା ଅନୁସାରେ ତା.୧୪.୦୮.୨୦୨୩ ଦିନ ବେଲପଡା ଥାନା ବାଗଦୋର ପଞ୍ଚାୟତ ବନମାଲ ଗାଁ ର ମନୋହର ରାଏ ଓ ସୁଦର୍ଶନ ରାଏ ମଧ୍ୟରେ ଜମିବାଡ଼ି ବିବାଦକୁ ନେଇ ଗଣ୍ଡଗୋଳ ହୋଇଥିବା ଅଭିଯୋଗ ହେବା ପରେ ବେଲପଡା ଥାନାରେ କେଶ୍ ନମ୍ବର ୧୬୯/୨୩/ୟୁ ଏସ୍ ୨୯୪/୩୨୩/୫୦୬/୩୪ ଆଇ ପି ସି ଧାରା ଅନୁଯାୟୀ ମାମଲା ରୁଜୁ କରାଯାଇଥିଲା। ତଦନ୍ତକାରୀ ଅଫିସର କୌଣସି ପଦକ୍ଷେପ ନେଉନଥିବା ବେଳେ ଆଜି  ନୂତନ ଥାନା ଅଧିକାରୀ ଭାବେ ଯୋଗଦେଇ ଥିବା ଶୁଶାନ୍ତ କୁମାର ଦାଶ ମନୋହର ରାଏ ଏବଂ ସୁଦର୍ଶନ ରାଏ କୁ ଗିରଫ କରି କୋର୍ଟ ଚାଲାଣ କରିଥିବା ସୂଚନା ଦେଇଛନ୍ତି। ନୂତନ ଥାନା ଅଧିକାରୀ ଙ୍କ ଏଭଳି କାର୍ଯ୍ୟ ପ୍ରତି ଅଞ୍ଚଳବାସୀଙ୍କ ବିଶ୍ବାସ ଓ ଭରଷା ଜାଗ୍ରତ ହୋଇଛି । ଆଗାମୀ ଦିନରେ ବେଲପଡା ଅଞ୍ଚଳର ଅନେକ ବେଆଇନ କାରବାର ସହ ଅପରାଧ ଦମନ ହେବାର ଆଶା କରାଯାଉଛି।